Siba f ę rði Dauið uistir. [þo er nv fyrst fra þi at segia. at þa er þeir skilðv konvngr oc Cvsai sneri konvngr yfir fiallit þvert. oc avðrvm megin i fiallzhliðinni kom til hans Siba sem fyrr var nefndr er Dauid setti til at þiona Miphiboseth með tva asna klyfiaða af vistvm oc vini. Konvngr spvrði hvat þat skilldi sem hann for með. Siba svaraði. þessa hlvti ferða ek þer minn herra. asna til ræiðar at þv gengir æigi sialfr. vistir at f ę ða með sv ę ina þina. vin at drecka ef nöckvrir þreytaz af þorsta oc erfiði a eyðimorkinni. Konvngr mællti. Hvar er mæistari þinn Miphiboseth. Siba svaraði. Hann var eptir i Hiervsalem oc sagði sva at Gyðinga lyðr myndi nv skipa honvm riki favðvr sins. oc br ę gða ætlar hann nv sinvm trvnaði við yðr. enn ek bið at finna miskvnn i þinv avgliti. Konvngr mællti. Allir lvtir þeir er att h ę fir Miphiboseth skolo nv vera þinir.
Fra illyrðum Nabath uið Dauid.
Sem Dauid konvngr kom þar framm sem heitir Bavrim. geck vt i mot honvm ę inn frendi Saul konvngs er het S ę mei oc avðrv nafni Nabath. Hans son var Jeroboam er siðarr man getið verða. S ę mei for a veginn fyrir konvng oc hans menn með bǫlvan oc banni. sva ærr oc oðr at hann barði grioti til konvngs oc hans sv ę ina. enn þeir gengv tv ę im megvm hia konvngi oc hlifðv honvm við griotflavginni. Semei bolfaði konvngi i akafa með þessvm orðvm. Drags þv a brott h ę ðan diðfvls maðr oc morðingi. Nv hefir gvð golldit þer er þv hefir raðit bana allri hirð oc hvskǫrlvm Saul konvngs. en þv setz i rikið efter með rani oc rangendvm. fyrir þvi hefir gvð nv gefið rikit Absalon syni þinvm. enn þik taka at þravngva þinar illzkvr þi at þv ert vandr manndrapari. þa mællti Abisai son Sarphie til konvngs. Hvi bǫlvar sva þessi bannsettr hvndr minvm herra. nv vil ek fara oc sla af honvm hǫfvð. Konvngr svaraði. Hæyrið mik synir Sarphie. Hvat skaðar oss orð hans. latið hann bǫlva sem hann vill. þi at ec trvi at drottinn hafi boðit enn bannat æigi at illyrða mik fyrir minar synðir. oc hverr man sva diarfr at þori at spyria eftir hvi gvð gerði sva. Ok enn mællti hann til Abisai oc annarra sinna manna. Litið a goðir dreingir. Minn ę igin svn sitr vm lif mitt oc vill drepa mik. Hverso myklo helldr er mer van grimðarfvllz fiandskapar af frenda Saul mer vandalavsvm. Kann oc vera ef gvð litr mina mǫv. at hann avmbvni mer með ę inhverio goðv ef ek hefi þol við. Geck þa Dauid konvngr leið sina oc hans felagar. enn S ę mei for æ iafnframt vm giallzavxlina it efra bǫlvandi oc barði grioti til þeirra oc ios a þa iorva oc molldo sem hann komz við. Konvngr for þar til er hann kom a ę inn slettan hialla i giallzhliðinni. vorv þa allir hans menn moðir af gavngv oc tokv hvilld.
Fra raaðagiorð Achitophel.
278. Nv er þar til at taka sem aðr er fra horfit. er Absalon oc Achitophel drottins svikari oc ner allr Jsraels lyðr kom i Jorsalaborg. þa geck Cvsai sannr vinr Dauids konvngs fyrir Absalon sva segiandi. Hæill heill herra konvngr. Absalon svaraði. þessi er virðvlig oc vinsamlig kv ę ðia. enn fyrir hvi ert þv her enn fylgðir æigi þinvm herra oc felaga Dauid konvngi. Cusai svaraði. Uist ecki vill sva vera. þi at þeim man ek þiona sem drottinn hefir valið ok allt þetta folk Gyðinga lyðr lætr ser soma lotning at væita. ok sva man ek þer reynaz sem ek hefi ræyndz favðvr þinvm. Þa mællti Absalon við Achitophel. Undir þer ero öll rað hvat ver skolvm at hafaz. Achitophel svaraði. Þat er mitt hit fyrsta rað at þv gangir inn oc leggiz með frillvm feðr þins er hann hefir til s ę tt at gæyma sinna herbergia. þi at þa er allt Jsraels folk frettir at þv geriz æigi minni fyrir þer enn feðr þinn. þa manv allir astvnda at efla þik sem mest i mot honvm. Siþan slogv þeir landtialldi Absalons i ginvm grasgarði. enn hann geck inn til frillna feðr sins at avgsiandvm öllvm lyð. þi at i þann tima var sva mikil virðing væitt Achitophel. at öll hans raðagiörð var sva tekin fyrir fvllnað i alla staði sem þat veri gvðs forsia er hann sagði fram. sva þa oc er hann var með Dauid sem nv með Absalon.
Eftir þetta talar Achitophel við Absalon. Nv man ec segir hann velia. xii. þvsvndir hravstra dreingia af her þinvm a þessi natt er nv k ę mr. ok man æigi mikill vandi at raða a hann vvaran oc vapnlavsan oc mǫðdan af miklo vasi. þi at allir hans menn manv verða felmsfvllir oc flyia viðs v ę gar fra honvm. enn ec skal drepa hann þegar hann er ginn eptirlatinn. þi at betra er oss at ver þr ę lar þinir takim af lifi ginn mann enn gera æigi m ę ira mannspell. Siþan man ek læiða aptr allan lyð sva myktan vndir þitt valld. r ę tt a sömv læið sem misgerandi kona friðm ę liz við sinn bonda. Þetta þockaðiz v ę l Absalon oc avllvm höfðingivm hersins. þa mællti Absalon til svæins sinna. Kallit mer Cusai. oc vil ec hæyra hvat hann segir. Ok sem Cusai kom til hans segir sva Absalon til hans. Hvert rað gefr þv til hvart ver skolvm eða æigi gera eptir þi sem Achitophel hefir rað til gefið. Jnnir hann þa vpp fyrir honvm raðagiörð hans oc tilskipan. Cusai svaraði sva. Æigi syniz mer þetta gott rað er Achitophel hefir þessv sinni til lagt. Hann þagnaði þa vm litla stvnd oc mællti siþan. Sialfvm þer Absalon er æigi vkvnnict at faðir þinn oc allir þeir menn er honvm fylgia ero hinir mestv kappar. þicki mer oc van. at bæði se at hann þickiz nv bæiskliga vera bæiddr enda ætla ec hann sva nv vera i bæiskvm hvg. at hann giri eingv vætta helldr en birnan er nyr ę nt er sinvm hvnvm. Hann er oc b ę ði vitr oc vigk ę nn til allrar forsia oc herstiornar oc þvi man hann æigi raðlavss fyrir uerða. oc æigi minni van at hann sc nv ecki með sinvm her oc flocki. nema enn helldr hafi hann folgiz i hreysvm ǫða holvm iarðar æða fangit ser hæli i einshverivm stað þeim er hann se æigi avðofvndinn. Nv er þat kvnnict orðit ollvm Gyðinga lyð. at faðir þinn er manna styrkaztr oc hefir orvggan hvg oc hiarta sem leon oc hann ottaz ecki. hann hefir oc þa æina með ser at allir ero hravstir hermenn oc vrvggir til vapns. Enn ef ę innhverr hǫfðingi af her þinvm fellr i fyrsto. þa man þat segia maðr manni at þegar hafi vegiz a þinn her. oc manv þinir menn þa allt slioligarr at ganga enn hinir diarfligarr i mot taka. Nv syniz mer þat m ę ira rað at þv stefnir til þin hveriom manni er vapnvm ma vallda af Jsraels kyni fra endilavndvm Dan allt til Bersabe. Enn þa er saman k ę mr vtalligr herr sem siavar sandr oc þv ært æinn yfirmaðr allra. þa manvm ver hlavpa a Dauid oc hans svæitvnga. sva þyckt oc margr vm einn sem vr ǫða davgg kann at falla a iorð. oc drepa sva giðrsamliga niðr alla þa ær með honvm ero at æigi s ę einn eptir. Enn með þi at þeir seti vndan ser til hæliss i nǫckvra borg. þa skal allt Jsraels folk til fara oc bera bǫnd oc str ę ingi vm þa borg. siþan skolv ver draga allt saman borgina oc byggendr hennar i forsa æða fen. oc savckva sva ollo samt at hvarki hittiz eptir st ę inn ne stika. Lavk Cusai sva sinni ræðv at Absalon oc allr herr gerði goðan rom at hans mali. vrðv allir a æitt sattir. at raðagiðrðin Cusai var bæði bætri oc nytsamligri i alla staði helldr enn Achitophel. Savgðv sva ef hans raðvm v ę ri fram farið at þat horfði Absalon til mikils vaða. at drottinn mvndi honvm lata nockvð illt at hendi b ę raz.
For þa þegar Cvsai oc sagði Sadoch oc Abiathar kennimonnvm allt hverso farið var oc hvar þa var komið. oc sva hvert rað hvarr þeirra Achitophel hafði til gefið. Sendit nv segir Cvsai sem skiotaz til konvngs oc latið hann vita þessa alla lvti. oc segi honvm þav þar með min orð at hann læiti brotto vtan alla dvól a þessi nott þaðan sem hann er nv a vǫllvm æyðimerkr. at æigi verði hann oc hans menn bornir ofrliði ef hann biðr þar þess er Absalon k ę mr með sinn vvigian her. Jonathas oc Achimaas synir byskvpa voro þa staddir við brvnn Rogel. þar kom ę in ambatt send af byskvpvm oc sagði þeim alla þessa lvti. þeir brvgðv við þegar. oc forv þaðan sem þeir vorv at bera niosn Dauid konvngi. þi at þeir mattv ecki koma innan borgar. Enn svæinn ę inn sa ferð þeirra oc þottiz vita hvat þeir ætlvðv. Gecc hann þegar fyrir Absalon oc sagði honvm. Sendi hann siþan sina menn at taka. En er sendimenn sa ser væitta eptirfðr. skvnndvðv þeir sem mest sinni ferð. ok er þeir komv fram at borg Barim. hliopv þeir i garð ę ins bonda. þar var brvnnr i garðinvm oc harðla hatt at niðr. Gengv þeir niðr at brvnninvm. enn heimakona tialldaði yfir sva at ecki sa til at þar vere niðrganga. þi likt at hon þvrcaði hvsbvnað sinn. Ok sem svæinar Absalons komv i garðinn. spvrðv þeir konvna hvar þeir veri er þar komv litlo aðr. Hon svaraði. Brottv forv þeir oc allv her ecki l ę ingri dvðl enn þeir drvckv vatn er ek gaf þæim. Ok ær þeir fvndv þa æigi. hvrfv þeir aptr i Hiervsalem. Enn þegar sem þeir vorv brotto stoðv hinir vpp fra brvnninvm oc forv veg sinn. þeir fvndv Dauid konvng oc flvttv honvm óll tiðendi þav sem þeir visso af Jorsalaborg. Siþan mællto þeir. Nv vitvð þer af varvm orðvm raðagiörð Achitophel i mot yðr. risit þvi vpp skiott oc skvndit vt yfir Jordan. Dauið konvngr bioz hvatt með alla sina svæit. Var konvngr oc hverr sem æinn hans manna kominn vt yfir ana aðr lysti af d ę gi.
Achitofel drap sik sialfr.
Achitophel sa nv at hans raðagiorð mvndi at ǫngv havfð. tok hann þa asna sinn oc biotz a brotto af Hiervsalem. for hann sva bvinn til sins heima i bǫrg Gilo. hann skipaði til allra lvta i hvsi sinv. siþan hæingði hann sik sialfr oc var þat hans bani. var hann grafinn i Gilo hia frendvm sinvm.
Fra Dauid konungi ok Absaloni.
279. Davið konvngr kom þar sem kallaz Castra. Absalon for eptir honvm vt yfir Jordan. oc með honvm hverr maðr drivgvm sa er vapnvm matti vallda i Jsrael. settv þeir sinar herbvðir i Galaath. Absalon setti þann hǫfðingia yfir sinn her er het Amasa [af Jesreli. Amasa geck inn i herbergi þeirrar konv er het Abigail oc lagðiz með henne. Abigail var systir Sarphie moðvr Joabs hershǫfðingia Dauid konvngs. Sobi het maðr annarr Machir. hinn þriði er nefndr Berzellai [af Galaath. þessir. iii. menn af miklvm manndom hvglæiddv hverso miklar navðir [konvngr Dauid hafði þolað a æyðimǫrkvm. oc hans menn mvndv miog at þrotvm komnir af hvngri oc þorsta. Nv sem konvngr var kominn i Castra. þar var æin sterk borg. bva þessir menn sem nv vorv nefndir til hvæiti oc hvnang miol oc mallt oc allz hattar iarðar avǫxt. sva oc allan hinn agætazta dryck. savði oc yxn fæita oc allt annað þat er til mannfæðv ma hafa flvttv þeir til herbvða Dauid konvngs. oc gafv honvm oc hans monnvm sva mikla gnott vins oc vista at þeim mætti vinnaz marga manaði. Nv sem Dauid hefir skoðat lið sitt oc sett hǫfðingia yfir. ccc. manna oc sva yfir hvert. c. siþan þriskipti hann herinvm. oc setti Joab hǫfðingia yfir einn þriðivng. enn Ethai af Geth yfir annan þriðivng [enn yfer hinn þriðia þriðiung setti hann Abysay sun Saruie broður Joab ok þar fylgði konvngr sialfr þeim þriðiungi. Konungr mællti þa til lyðsins. Nv er vænaz at ek fari með yðr til bardaga. Enn allr herrinn svaraði þegar at þat skylldi með engv moti vera at hann fǫri með þeim at sinni. þvi at þeir h ę liarmenn ero i moti segia þeir ef ver komvm saman. at ecki mikit manv vm hirða hvart ver menn þinir fǫllvm eða flyivm. þvi at helldr mvnv þeir vilia na þær einvm enn. x. þvsvndvm annarra manna. Er oss hitt betra at þv ser her i orvggri borg. hvers sem ver [kvnnvm við þvrfa. þi at oss þickir allz gi ę tt ef yðar er. Konvngr svaraði. Sva man ek gera at sinni sem þer vilit. Stoð konvngr þa við borgarhlið meðan hǫfðingiar forv vt hverr með sinar sveitir. þa mællti konvngr til Joab oc Abisai oc Ethai. sva at allr herrinn hæyrði. þat byð ek yðr skylldvliga ǫllvm. at þer drepit æigi Absalon son minn þo at yðr gefi færi a. nema enn helldr feri [hann mer lifanda. þvi at mer man miog mislika ef þer bregðit af þessv minv boði.
Fall Absalonis ok hans manna.
Hofðingiar Dauid flvttv herinn a skog Effraim. þar kom a mot þeim Absalon með allan sinn her. oc var allmikill liðsmvnr [at herr konvngsmanna var minni. Hofz þar þa hin snarpazta orrosta oc sneri skiott mannfalli a liǫ konvngssonar. oc sva væitti herrinn Dauids konvngs harða snerrv at þeir felldo af fhinvm a þeim degi. xx. þvsvndir. [Tok þa at riðlaz bardaginn oc r ę iða ymsa vega vm vǫllvna. ok vm siðir brast flotti a her Absalons. oc varð þeim þat haskasamt. þi at skogrinn tynði oc tapaði miklv fleirvm helldr enn fello fyrir vapnvm sinna vvina. Absalon konvngsson reið ę invm mvl vm daginn. Enn sva bar til at allr herrinn dreifðiz fra honvm. enn hann hlæypti hvast vm skoginn vndan monnvm Dauids. ok sem mvllinn vndir honvm rann fram at ę inni ę ik mikilli oc margkvislottri. þa snart hǫfvð hans ę ikina oc brazt barið vm ę inn kvist sva honvm kippti vpp or savǫlinvm. enn mvllinn rann framm vndan honvm oc h ę ck hann sva i loptinv. þetta gat at lita ę inn konvngsmaðr oc sneri þegar aptr i mot Joab oc sagði sva. Nv r ę tt sa ec Absalon konvngsson hanga i halimvm ę innar æikr her frammi fyrir oss. Joab svaraði. Ef þv satt hann hanga. hvi drapt þv hann æigi. oc myndi ec hafa gefit þer. x. skillinga af skirv silfri oc þar með gott bellti. Hann svaraði. þat v ę it ec vpp a trv mina þo at þv gefir mer. m. skillings. at æigi þvi helldr legða ek hendr minar a hann. sva mikla varhygð sem faðir hans bavð yðr hǫfðingivm a at ǫllvm oss aheyrandvm at þer skylldvt varðvæita hann [lifanda oc hæilan honvm færa. Nv ef ec h ę fða drepit hann. [þat veri diarfliga minn davði þi at þat mætti ecki læynaz fyrir konvngi. ætla ec at þv [mvndir giarnn at bera þat verk a mik enn [afsaka sialfan þik. Joab svaraði. S ę ec hvat þv vill. oc man eigi sva fara at hann lifi enn ec se drepinn. þi at ec skal fvlldiarfliga [fyrir þer at honvm ganga. þræif hann þriv spiot oc [flæygði sitt sinn hverio at Absalon oc nisti hann sva at ǫll namv stað i hiartanv. Ok sem Absalon spornaði enn a æikinni. rvnnv til. x. skialldsveinar Joab oc s ę rðv hann til davðs. Læt Joab blasa sigrblastr oc stǫðvaði herinn af flottarekstrinvm oc villdi æigi [lata drepa. Toko þeir þa Absalon oc kastaðv honvm i ę ina grof divpa þar a skoginvm oc giorðv mikinn griothavg vpp af honvm. Enn þo er læiði hans i Hiervsalem. er hann l ę t ser bva virðvliga sem margra rikra manna siðr var til meðan [hann lifði. oc er þat merkt vndir hans nafn oc hæitir Absalons læiði allt til þessa dags. Achimaas son Sadoch byskvps mællti við Joab. Nv man ek renna oc segia konvngi at drottinn hefir dómt makligan dom vvinvm hans. Joab svaraði. Eigi skalltv oc ę ngi yðarr þat flytia daglangt at konvngs son se davðr. Joab mællti til þess mannz er Chusi het. Far þv oc seg konvngi þav tiðendi sem þv h ę fir s ę t. Chusi lavt honvm oc rann siþan. Þa mællti enn Achimaas. Hvat dvelr mik nv er Chusi er þo farinn. Joab sagði. Hvat fysiztv felagi sva mjog þessa. æigi mantv [fagnaðartiðendi flytia konvngi. far nv sem þær likar. Achimaas rann þegar sem mest matti hann allan hinn bæinsta veg oc komz fyrir Chusi.
Dauið konvngr sat þar er borgarhlið vorv til beggia handa. Enn speculator litaðiz vm i hæð borgarinnar oc sa renna ę inn mann. hann kallaði hatt oc sagði konvngi. Hann svaraði. Þessi maðr man segia goð tiðendi ef ę inn saman ferr. Ok sem þessi maðr nalgaðiz borgina kallaði speculator i tvrninvm oc mællti. Enn sæ ec annan mann renna ę inn saman. Konvngr svaraði. Þessi man oc goðr sendiboði. Enn mællti svæinninn.. Þat bygg ek at Achimaas r ę nni fyrr. Konvngr mællti. Hann er goðr maðr oc man bera goðan boðskap. Achimaas kom þa oc hæilsaði hatt a konvng oc fell til fota honvm sva segiandi. Lofaðr se drottinn gvð sa er [saman byrgði oc bravt niðr þa menn sem sinar hendr hofv vpp i mot þer minn herra konvngr. Hvat er nv sagði hann. ero æigi grið gefin svæininvm Absalon. Achimaas mællti. Eigi væit ek þar m ę ira af at segia konvngr enn þa er Joab sendi mik sa ec æina mikla dys. Stat vpp segir konvngr oc bið her vm hrið. [Hann gerði sva. Kom þa Chvsi oc mællti. Goð eyrindi ber ec minn herra. at drǫttinn. hefir dǫmt fyrir þik alla i dag þa er meðr ofrdirfð risv i gegn þer. Konvngr mællti. Er æigi [friðt syni minvm Absalon. Chvsi mællti. Fari sva allir sem Absalon þinir vvinir konvngr oc þeir sem þer gera mæin ę ða misbioða. því at nv er hann fallinn. Konvngr varð nv harðla hryggr við þessi tiðendi. Geck hann þegar vpp i lopthvsit yfir portinv sarliga syrgiandi oc sagði sva. Hvat skylldi mer gavmlvm karli at lifa hravrnanda a hveriom degi. enn þv son minn Absalon skylldir deyia i blomi alldrs þins. makara at ek mætta nv helldr deyia ef gvð villdi. en þv lifa son minn Absalon. Var þa þegar boðat oc borið vpp fyrir alþyðv at konvngr græt sarliga son sinn davðan. Sneriz þá ðllvm lyð i svt oc sorg þessi haleiti sigr. oc ræikaði raðlavsliga vtan borgar allr herr konvngs er heim var kominn fra bardaga oc dreifðiz her oc hvar því likara sem flottamenn helldr enn sigrvegarar. þi at flestir forðvðvzt at koma innan borgar meðan konvngr mǫððiz af sva mikilli hrygð oc harmi. Joab geck þa vpp i loptið til konvngs sva segiandi. Miog lytir þv oc svivirðir i dag asianvr allra þinna manna. þeirra sem hialpað hafa b ę ði þino lifi oc sva sona þinna oc d ę ttra oc frialsvðv fra skomm oc skaða allar þinar æiginkonvr oc frillvr. þv ę lskar þa er þic hata enn hatar þa er þik ę lska. oc synir nv af þer sva mikla vansǫmð at þv hirðir ecki vm herloga þina oc hirðsv ę itir. Enn giorla skil ek nv hvat vm er. ef Absalon lifði enn ver allir verim davðir þa myndi þer lika. Nv þa ris vpp oc ger sva mikit tillæti þinvm monnvm. at þv væit þeim viðmæli. því at ek segi þer satt af oc þar sver ek vm fyrir sialfan drottin. sva er nv komið. vilir þv æigi vt ganga oc glæðia þina menn sva man fra þer dræifazt folkit. at æigi man ę inn maðr eptir vera með þer aðr þessi natt er brottv. ok er þer þetta verra. ef sva ferr. enn allar æymðir oc illir lvtir þeir er þer hafa til handa borið fra barns alldri oc allt her til. manv skiott fra þer hverfa ef þv l ę tr æigi at minv mali verða farið.
Konvngr r ę is þa vpp oc geck ofan or loptinv oc s ę ttiz i sialft borgarhliðit. oc sem þat frettir folkit. drifv til hans allir hans menn. Enn Gyðinga herr sa er verit hafði i bardaga með Absalon flyði i herbvðir sinar. Atti þa allt Jsraels folk þing oc stefnvr sin a milli oc giorðv rað sin. Gæystiz fram allr almvgrinn með ę inv sampycki oc sǫgðv sva til sinna stiornara. Dauið konvngr er agætr höfðingi. hann hefir frelst oss af valldi Philistinorvm oc annarra varra vvina oc ę r nv vorðinn forflotta fyrir Absalon oc rangliga rekinn af rikino. enn Absalon er ver vǫlþvm oc vigðvm oss til konvngs rangliga er davðr oc drepinn i bardaga. Hverso l ę ingi ę tli þer nv þa höfðingiarnir at hindra oc vilit æigi aptr kalla r ę tan konvng i riki sitt.
J þenna tima sendir konvngr boð byskvpvm Sadoch oc Abiathar. at þeir skylldi boða saman höfðingiom i riki Jvda oc flytia fyrir þeim sin eyrendi. Kennimenn giðrðv sem konvngr bavð. oc er þing var s ę tt. bera þeir fram boð oc br ę f konvngs þav er sva segia. Amase höfðingia oc ollvm rikbornvm monnvm i riki Juda sendir qvæðiv Dauid konvngr. Orðsendingar Jsraelitarvm komv til min. at þeir villdi sættaz viðr mik oc kalla aptr til rikiss stiornar. Nv með þvi at þer eroð minir bræðr oc ver allir af ę inv kyni komnir. þa væit ec æigi hvat yðr dvælr er þer komið siðarst oc verþit sæinstir til at læiða mik heim i riki mitt ę igit. Enn þv Amasa allz þv ert mer sva kiærr oc ælskvligr nafrendi sem þv ser mitt bæin oc bloð. þa sver ek við lifanda gvð at þv skallt hvern tima vndir mino valldi vera yfirmæistari allra minna. kappa oc formaðr hverrar herferðar i stað Joabs er mer verðr ofiarll fyrir storlæika sakir. Viðr þessi orðsending konvngs vvrðv allir menn i riki Jvda þvi samþyckir at senda honvm þav boð at moti at hann skylldi sem fyrst aftr v ę nda or vtlægð með alla sina menn. Enn þeir forv mot honvm i Galgala. Sneri konvngr þa þegar til ferðar vtan at Jordan. komv þa frendr hans oc vinir af Juda at flytia hann vtan yfir ana.