Bókastaðir

Fra agietisuerkum Dauid ok kappa hans.

Margir agætir höfðingiar at hræysti oc styrklæik vorv með Dauid. Enn fyrstr oc fremstr at telia var sialfr Dauid konvngr sitiandi i sino velldiss s ę ti. hinn spakasti höfðingi milli sinna kappa. Hann er sva agæter oc berr af qðrvm vm alla fremð oc fr ę gð sem hinn fegrsti kvistr nyrvnninn vpp af algræno alldintre. þat er æitt af mörgvm hans fremðarverkvm at hann drap. dccc. h ę iðingia i ę inni snerro. N ę st konvngi at allri hræysti oc hvgpryði var Eleazar frendi hans. þeir vorv brǫðra synir oc Dauid konvngr. Einn tima þa er Philistim mælto morg haðvlig orð við Dauid konvng oc allt Gyðinga folk oc liopv a þa með sva akavfvm bardaga at Jsraelite l ę tv vndan. vtan Eleazar stoð ę inn eptir oc veitti ę itt embætti öllvm hæiðingiom þeim sem hann naði sino sverði til. at hann drap Philisteos allt þar til er hönd hans þreyttiz oc þrvtnaði af ę rfiði oc krepti at meðalkaflanvm sva at hann matti lengi æigi rætta. vann gvð fyrir hann a þeima degi Gyðingvm micla hialp oc hæilso. sva at þat folk sem aðr hafði flyið hvarf þa aptr at rvpla oc r ę na valinn er hann hafði drepið. þar n ę st vm allan hvatleik gecc sa maðr er Samaa het. þat var enn at Philistei striddo a Gyðinga við ę inn akr oc baro þa ofrliði. sva at allir læitaðv vndan nema Samaa stoð eptir a akrinvm oc hio a tv ę r h ę ndr oc drap hæiðingia. Gaf drottinn þa enn mikla miskvnn fyrir hans handaverk. þat var miclo fyrr þa er Dauid hafði flyið vndan ofsokn Saul konvngs oc læyndiz i riki Philistinorvm. þa foro þrir höfðingiar oc hans k ę rir vinir at læita hans oc fvndo hann i helli Odolla. Einn af þeim. iii. höfðingiom var Abisai son Sarphie broðir Joab. annarr het Sibachai. hinn þriði het Nathan. Litlo siðarr sem Dauid með sina svæit sat i virki ę ino i riki Geth. sem fyrr er ritað. enn Philist ę i vorv þa enn komnir með mikinn her i Gyðinga land oc kringðv sinvm herbvðvm vmhverfiss Bethleem. þa var þat æinn dag sem Dauid oc hans menn m ę dd vz af miclvm solar hita at Dauid m ę lti fyrir mvnni ser. Mikit eptirlæti veri nv at drecka kallt vatn or þeim fagra brvnni er stendr við borgarhlið Bethleem. Enn þessir. iii. kappar sem nv vorv nefndir Abisai oc hans felagar hleyptu sem hvatazt mattv þeir i herbvðir hæiðingia oc toko vatn or þeim brvnni sem hann hafði til talat oc ferðv honvm. Sem hann tok við vatnino. villdi hann æigi drecka. helldr ofraði hann þat drottni sva segiandi. Drottinn gvð siæ miskvnnar avgvm a mik. at ek fvllgeri æigi mina rangliga fysi. Hvi man æigi sem ek drecki bloð þeirra r ę ttlatra manna er lif sitt lavgðv i haska at sekia þetta vatn ef ek dreck þat. þat var enn hræystiverk Abisai. at hann drap ę inn tima með sinni k ę sio. ccc. manna. Nv var hann allfegr hǫfðingi en þo æigi iafn við hina þria er fyrst vorv nefndir. Banaias son Joade ę r nefndr allagætr kappi Dauid konvngs. hann var son Joade. hann var ifirm ę istari allrar vinno oc smiðar a garðinvm. þat var hans þrekvirki at hann drap. ii. hin oavrgv dyr i riki Moab oc hið. iii. a ę invm vazis þa er sniovar vorv a v ę tr. þat varð með þæima atbvrð at hann drap ę inn egypzkan mann. þann sem frasagnar er verðr fyrir afls sakir oc vaxtar oc hvgar. er hann geck i mot hinvm egipzka manni hafði sa mikit spiot i hendi. enn Banaias geck i mot honvm oc hellt a ę invm vendi. hann slo með afli spiotið or hendi honvm oc drap hann með þi. Banaiam giðrði Dauid konvngr sitt hið h ę zta ráð ę ða trvnaðarmann vm læynda lvti. Enn ero talðir. xxx. annarra hravstra kappa Dauids konvngs. Einn af þeim het Vrias Etheus oc enn man g ę tið verða siðarr. Joab son Sarphie setti Dauid hǫfðingia yfir allan sinn her. Josaphat son þess mannz er het Alilid hann var febirðir konvngs oc tok saman skatt oc skylldir. þessir vorv kennimenn konvngs Sadoch son Haitob oc Abimelech son Abiathar. ritari konvngs het S ę ralas.

Miskunn Dauid uið Miphiboseth.

Davið konvngr hvgsar nv ef nockoð er eptir af nafrendvm Saul. at hann skal þeim miskvnn væita sakir hins goða felaga Jonathe. Hann kallar þa til sin þann mann er nefndr er Siba. hann hafði fyrr verit svæinn Saul konvngs. Konvngr spvrði ef hann vissi nockvrn mann eptir af ætt Saul konvngs. sva at hann mætti hialp væita fyrir miskvnn gvðs. Siba svaraði. Væit ek at er a lifi son Jonathe er hæitir Miphiboseth oc er miog hrvmr oc fotlami. Konvngr spvrði hvar hann veri. Siba sagði at hann var þar sem h ę t Jodabar.

Konvngr sendir þegar sina menn oc lætr flytia hann til sin i Hiervsalem. Nv sem Miphiboseth kom fell hann allr til iarðar oc lavt konvngi. Dauid mælti. Eigi skaltv ottaz Miphiboseth. þvi at ek man væita þer miskvnn sakir favðvr þins Jonathe. oc ek skal þer lata aptr giallda akra oc æignir Saul favðvrfavðvr þins. en ek skal hallda þer borð með sialfvm mer. Hann fell þa enn fram fyrir konvng oc mælti. Hveria makliglæika hefi ek til þrell þinn herra konvngr. at þv litir sva miskvnnar avgvm a mik fatækan oc herviligan smasvæin. Konvngr kallaði þa til sin Siba oc sagði sva til hans. Alla þa lvti sem atti Saul oc hann tok at ærfð eptir favðvr sinn. hvs oc herbergi. akra oc iarðir. gef ek nv Miphiboseth sonarsyni hans. oc þar með set ek þik til með sonvm þinvm oc þrælvm at vinna iarðir hans honvm til avaxtar oc afla. þi at þv hefir aðr lengi þionat hans forellrvm. enn hann skal með mer vera oc taka iafnan feðv af minv borði. Siba atti. xv. syni oc. xx. þræla. hann iatti giarna at giðra sem konvngr bavð. oc þionaði hann með alla sina menn Miphiboseth. enn Miphiboseth var sialfr með konvngi i engan stað verr halldinn enn hann sialfr oc hann veri hans son. Enn þo varo hans fetr baðir mæiddir sva at hann matti varla ganga. hann atti einn vngan svn er het Micha.

Fra vuitzkv Amons konungs. capitulum.

268. Þat verþr nv næst til tiðenda at andaz Naas konvngr þeirra manna er Ammonite ero kallaðir. tok riki eptir hann Amon son hans. þessi konvngr Naas hafði val tekit við Dauid einn tima þa er hann varð forflotta fyrir Saul konvngi. Ok sem Dauid konvngr spvrði hans davða sagði hann sva. Ek skal nv giallda þat með goðv Amon konvngi er Naas faðir hans væitti mer miskvnn þa er ek þvrfti hans. Sendi þa Dauid sina menn með vingiofvm til Amon konvngs at glæðia hann oc lina með fogrvm fortolvm hans hrygð oc harm er hann bar af favðvr davða. Sem sendimenn Dauid konvngs komv til fvnndar við Amon konvng. gengv þegar hofðingiar þess rikis fyrir sinn herra sva segiandi. Ætlarðv at Dauid hafi senda þer hvggendr sakir sqmðar foðr þins. enn ver hyggiom helldr at þessir se hans niosnarmenn oc skyli skoða með hveriom vigvælvm vara borg megi vinna. enn hann man koma með svik oc heria a hendr oss. Amon varð bernskr oc lyðdi a fortðlor sinna manna oc raðgiafa. L ę t hann þegar taka sendimenn Dauids konvngs oc raka af þeim skegg allt ðörvm megin. oc þar með til haðvngar sniða af þeim clæðin sva at þeir vorv alberir a aðra hlið allt niðr til þionappa. oc sva herviliga hnæista læt hann þa brot fara. Sem Dauid frettir at hans menn vorv sva liotliga skemðir. sendir hann i mot þeim þess hattar boðskap. Farið i Hiericho sagði hann oc verit þar. oc komið þa til min er skegg yðor ero vel vaxin.

Fra ufǫrum heiðingia.

Ammonite sia nv at þeir hafa misboðit Dauid oc þickiaz manv s ę ta hans fiandskap fyrir. Senda þeir þa til Syrlandz oc læiga ser til liðs þarlendzkan her með miclvm fekostnaði. xx. þvsvndir fotgangandi manna oc. xii. þvsvndir riddara oc. m. ę invala kappa. Sem þetta fregn Dauid konvngr. sendir hann i mot þeim Joab með allmikinn her oc vel bvinn. Ammonite flvttv sinn her af borginne oc s ę ttv sina fylking rætt við sialft borgarhliðit. Syri vorv annan veg a vǫllinn með sina fylking. enn Joab flytr sinn her ok finnr æigi fyrr enn hann er kominn með allt sitt lið fram i klǫmbrina miðia milli þessa fylkinga. Hann valði alla sina hina hravstvstv menn af Gyðingvm oc skipar þeim i fylking i moti Syriss. hann gerir aðra fylking moti Amons þioð. s ę tr hann fyrir þat lið Abisai brǫðr sinn oc sagði sva til hans. Ef Syri avflgaz i mot mer oc bera mik magni. þa skaltv fvlltingia mer. enn ef Amonite aka þer a bvg. þa man ek þer hialpa. Verit nv styrkir oc standit fast goðir dræingir. beriomz hravstliga fyrir lavg var oc lyð oc hina agætv borg Hiervsalem. gæti hverr sin enn gvð allra var. giðrvm hæiðingiom harða hina fyrsto hrið. sva at þa fysi litt til annarrar. oc gangi nv sem gvð vill. Ræið þa þegar Joab til orrosto með sina fylking við Syross. enn þeir flyðv fyrir honvm iafnskiott sem til tok bardaginn. Enn er Amonite galv at lita hverso Syri flyðv fyrir Joab. enn þeir sa sverð Abisai oc annarra Gyðinga bita vel bvka sinna manna. þa læiddiz þeim þar at standa oc flyðv allir aptr i borg sina oc l ę to hana gæta sin. Enn Joab oc Gyðingar snero aptr með sigri oc forv þar til er þeir komv hæim i Hierusalem.

Fra flotta Syris.

Nv sem Syri sia hvern svaðil þeir hafa farit fyrir Gyðingvm i flutta oc falli sinna manna. samnazt þeir saman oc ætla nv fvllkomliga at h ę fna þeim. sendir þa Adadezer konvngr avstr yfir Evfraten til þeirra þioða sem þar bygðv oc dro saman allan her þann sem hann feck. Hann s ę tti Sobach riddaram ę istara sinn hǫfþingia fyrir þat herlið er avstan kom yfir ana. Sem þessi tiðendi komv fyrir Dauid konvng i Hiervsalem. bavð hann þegar saman ǫllvm her. oc for sialfr i mot hæiðingivm vt yfir Jordan. fvnnvzt þeir þar sem het Elema. Adadezer oc Syri ræðv þegar til bardaga við Dauid konvng. oc varð sv orrosta hin harðasta oc ecki lǫng aðr Syri flyðv. enn Dauid drap af þeim allt þat lið sem flvtz hafði til bardagans i. vii. hvndraðvm vagna [ok. xl. þusunda riddara liðs. enn Sobach agætan hǫfðingia felldo Gyðingar. oc með honvm æigi fera enn [. lx. þvsvnda riddara. Nv sem allir hæiðnir konvngar þeir sem komiz hǫfðv i æitt virki sa sig yfirkomna oc sigraða. gingv þeir til griða oc gerðv s ę tt við Gyðinga oc þorðo þo æigi siðan at væita fvllting [sonvm Amon. For þa Dauid konvngr til Jorsalaborgar með favgrvm sigri oc sat þar vm kyrt eitt ar.