Bókastaðir

Hér er sagt í þessi kviðo frá dauða Sigurðar, ok víkr hér svá til, sem þeir dræpi hann úti. En sumir segia svá, at þeir dræpi hann inni í rekkio sinni, sofanda. En þýðverskir menn segia svá, at þeir dræpi hann úti í skógi. Ok svá segir í Guðrúnarkviðo inni forno, at Sigurðr ok Giúka synir hefði til þings riðit, þá er hann var drepinn. En þat segia allir einnig, at þeir sviko hann í tryggð ok vógo at hánom liggianda ok óbúnom.