Thuo balg ina se biscop:haƀda bittran hugi,uurethida ina uuiđ them uuerodeendi is giuuadi slet,brac fur is brioston:'Nu ni thurƀun gi bidan leng ' quathie, 'thit uuerod giuuitscipies,nu im sulica uuord farađ, menspraca fan is muthe.That gihoriđ her nu manno filo, rinco an theson racođethat hie ina so rikean teliđ, gihid that hie god si.Huat uuilliat gi Iuđeon thes adelian te duome?Is hie đođes nu uuirđig bi sulicon uuordon?'That uuerod all gisprac, folc Iuđeonothat hie uuari thes ferahes scolo, vuities so uuirđig.Ni uuas it thoh be is giuurhtion giduan that ina thar an HierusalemIuđeo liudi suno drohtinessundia losan adeldun te dođe.Thuo uuass thero dadio hruom Iuđeo liudeon,huat sia than godes barne mahtin so haftin mestharmes gifrummian.Beuurpun ina thuo mid uueroduendi ina an is uuangun slogun an is hlier mid iro handon– all uuas im that te hoske giduan –felgidun im firinuuordfiondo menigi, bismarspraca.Stuod that barn godes fast under fiondon:uuarun im is fadmas gibundana,tholoda mid githuldionso huat so im thiu thioda tuo bittres brahta:ni balg ina niouuiht uuiđ thes uuerodes giuuin.Thuo namun ina uuretha mann so gibundananthat barn godesendi ina thuo leddunthar thero liudio uuas, thero thiodo thinghus.Thar thegan manag huurƀun umbi iro heritogon.Thar uuas iro herren bodo fan Rumuburgthes thie thuo thes rikies giuueld:cuman uuas hie fan them kesure,gisendid uuas hie undar that cunni Iuđeono te rihtianne that riki,uuas thar radgiƀo,Pilatus uuas hie hetan;hie uuas fan Ponteo lande knuosles kennid:haƀda im craft mikil an them thinghusethiodo gisamnod an huarf uueros.Uuarlosa man agaƀun thuo thena godes sunoIuđeo liudi under fiondo folc,quathun that hie uuari thes ferahes scolo, that man ina uuitnodiuuapnes eggion, scarpon scuron.Thuo ni uuelda thiu scola Iuđeono thringan an that thinghus,ac thiu theod ute stuod,mahlidun thanan uuiđ thia menigi:ni uueldun an that gimang faran, an elilendiga man,that sia thar unreht uuord an them dage deruies uuihtadelian ni gihordin,ac quathun that sia im so hluttrahelaga tidi, iro pascha haldan uueldin.Pilatus antfeng at them uuamscathonuualdandes barn sundia losan.Thuo an sorogon uuarth Iudases hugi,thuo hie ageƀan gisah is drohtin te dođe:thuo bigan im thiu dad after thiu an is hugie hreuuan,that hie haƀda is herron er sundilosan gisald.Nam im thuo that is siluƀar an hand, thriti scatto,that man im er uuiđ is thiodne gaf,geng im thuo te them Iuđeonendi im is grimmun dad, sundiun sagda,endi im that siluƀar bod gerno ti geƀanne:'Ik hebbiu it so griolico ' quathie, 'mid mines drohtinesdroru gicopot, so ik uuet that it mi ni thihiđ.'Thiod Iuđeono ni uueldun it thuo antfahan,ac hietun ina forth after thiu umbi sulica sundiaselƀon ahton, huat hie uuiđ is frohongifrumid haƀdi:'Thu sauui thi thes selƀo ' quathun sia:'Huat uuil thu thes nu suokian te us?Ni uuit thu that theson uuerode.'Thuo giuuet im eft thanan Iuđas gangante them godes uuihe suitho an soragan,endi that siloƀar uuarp an thena alah innan– ni gidorsta it egan leng –fuor im thuo so an forahtonso ina fiondo barn muodaga manodun:haƀdun im thes mannes hugi gramon undargripana,uuas im god abolgan, that hie im selƀon thuosimon uuarahta, hneg thuo an heruselan henginna, uuarag an uuurigilendi uuiti gicos, hard helligithuing,hiet endi thiustri, diop dođes dalu,huand hie er umbi is drohtin suek.
Chapter 62
Than bed that barn godes,bendi tholoda an them thinghuse,huan er thiu thioda undar im erlos enuuurdiaalla uuurđin, huat sia im than te ferahqualufrummian uueldin.Thuo thar an them benkion aresbodo kesures fan Rumuburgendi geng im uuiđ that riki Iuđeono muodag mahlianthar thiu menigi stuod after them hoƀe huaraƀon:ni uueldun an that hus cuman an them paschadage.Pilatus bigann frocno fragonoƀar that folc Iuđeono, mid hui thie man haƀdimorthes gisculdid, uuities giuuercod:'Bihui gi im so uuretha sind, an iuuuon hugi huotia?'Sia quathun that hie im haƀdi harmes so filo, lethes gilestid:'Ni gaƀin ina thesa liudi thi thar sia ina er biforanuƀilan ni uuissin, uuordon faruuarahtan.Hie haƀit thieses uuerodes so filo farledit mid is lerunendi thesa liudi merriđ,duot im iro hugi tuiflian,that uui ni motun te them hoƀe kesures tinsi geldan:that mugun uui ina gitellian an mid uuaru giuuitscipiu.Hie sprikit oc uuord mikil,quithit that hie Crist si,cuning oƀar thit riki,begihit ina so gruotes.'Thuo im eft tegegnes sprac bodo kesures:'Ef hie so baralico ' quathie, 'undar thesaro menigimenuuerc frumit, antfahat ina than eft undar iuuua folcscipi,ef hie si is ferahes scolo,endi im so adeliat,ef hie si dođes uuerth, so it an iuuero aldruonoeuue gibiode. 'Sia quathun thuo that sia ni muostinmanno nigenan an thia helagun tidte handbanon uuerthan mid uuapnonan them uuihdage huand it ni uuari iro giuuono.Thuo uuenda ina fon them uuerodeuurethhudig man, thegan kesures– hie oƀar thia thioda uuas bodo fan Rumuburg –:hiet im thuo that barn godes nahor ganganendi ina niudlico fragoda fruocnoef hie oƀar that folc cuning thes uuerodes uuari.Thuo haƀda eft is uuord garo suno drohtines:'Hueđer thu that fan thi selƀon sprikis ' quathie, 'the it thi ođra hiererlos sagdun, quathun umbi minan cuningduom?'Thuo sprac eft thie kesures bodo uulanc endi uuretmuod,thar hie uuiđ uualdand Crist rethioda an them racode:'Ni biun ik thieses rikies hinan ' quathie, 'Iuđeo liudio,ni gaduling thin, thesaro manno maguuini,ac mi thik thius menigi bifalah,agabun thik thina gadolingas mi,Iuđeo liudi hafton te handon.Huat haƀis thu harmes giduan that thu so bittra scaltbendi tholian, qualm under thinon cunnie?'Thuo sprac im Crist eft angegin, helendero bestthar hie giheftid stuod an them racode innan:'Nis min riki hinan ' quathie, 'fan thesaro uueroldstundu.Ef it thoh uuari so, than uuarin so starcmuodauuiđar striđhugi, uuiđar grama thiedaiungron mina, so man mik ni gauiIuđeo liudeon, hettendon an handan herubendion te uuegianne te uundron.Te thiu uarth ik an thesaro uueroldi giboran that ik giuuitscipi giuuuares thinges mid minon cumion cuđdi.That mugun antkennian uuel thia uueros thei sind fan uuuare cumana:thia mugun min uuord farstandan, giloƀon minon leron.'Thuo ni mohta lastares uuiht an them barne godesbodo kesures findan fecni uuord,that hie is ferahes bethiu sculdi uuari.Thuo geng hie im eft uuiđ thia scola Iuđeono muodag mahleanendi thero menigi sagda oƀar hlust mikil,that hie an themo hafton man sulica firinspracafindan ni mahti for them folcscipie,so hie uuari is ferahes scolo, dođes uuirđig.Than stuodun dolmuoda, Iuđeo liudiendi thena godes suno uuordun uuruogdun:quathun that hie giuuerr erist bigunni an Galilealande,'endi ofar Iuđeon fuor heroduuardes thanan,hugi tuiflida, manno muodseƀon,so hie ist morthes uuerth, that man ina uuitnouuapnes eggion, ef eo man mid sulicon dadion magdođes gisculdian. '
Chapter 63
so uuruogdun ina mid uuordonuuerod Iuđeono thuru huotian hugi.Thuo thie heritogo, sliđmuodig manseggian gihorda fan huilicon cunnie uuasCrist afuodid, manno thie besto:hie uuas fan thero mariun thiod thie guodo fan Galileo lande;thar uuas gumscipi edilero manno;Erodes biheld thar craftigna cuningduom,so ina im thie kesur gaf, thie riko fan Rumu,that hie thar rehto gihuilic gifrumidi under them folkeendi fritho lesti, duomos adeldi.Hie uuas oc an them dage selƀo an Hierusalemmid is gumscipe, mid is uuerode an them uuihe:so uuas iro uuisa than, that sia thar thia helagun tidhaldan scoldun, pascha Iuđeono.Pilatus gibod thuo that thena hafton manhelithos namin so gibundananthat barn godes endi that sia ina Erodeseerlos brahtin haftan te handon,huand hie fan is heriscipie uuas, fan is uuerodes giuuald.Uuigand frumidun iro herron uuord:helagna Crist fuordun an feteronfuri thena folctogon allaro barno bestthero thie gio goboran uurthi an liudio lioht;an lithobendion geng, antthat sia ina brahtunthar hie an is benki sat cuning Erodes:umbihuarf ina craft uuero uulancan uuigandon:uuas im uuillio mikil that sia thar selƀan Cristgisehan muostin:uuandun that hie im sum tekan thartogian scoldi mari endi mahtig,so hie managon deda thuru is godcundiIuđeo liudeon.Fragoda ina thuo thiefolccuning firiuuitlico managon uuordon,uuolda is muodseƀon forth undarfindan,huat hie te frumu mohti mannon gimarcon.Than stuod mahtig Crist,thagoda endi tholoda:ni uuolda them thiedcuninge Erodese ne is erlonantsuor geƀan uuordo nigenon.Than stuod thiu uuretha thiod, Iuđeo liudiendi thena godes suno uuurrun endi uuruogdun,anthat im uuarth thie uueroldcuning an is huge huotiendi all is heriscipi, farmuonstun ina an iro muode:ni antkendun maht godes, himiliscan herron,ac uuas im iro hugi thiustri, baluuues giblandan.Barn drohtines iro uurethun uuerc,uuord endi dadi thuru odmuodiall githoloda, so huat so sia im tionono tuotuogian uuoldun.Sia hietun im thuo te hoskehuit giuuadi umbi is lithi leggian,thiu mer hie uurthi them liudion thar iungron te gamne.Iuđeon faganodun thuo sia ina te hoschehebbian gisahun erlos oƀarmuoda.Thuo senda ina eft thanan Erodes se cuningan that oder folc,ledian hiet ina lungra mann,endi lastar spracun,felgidun im firinuuord,thar hie an feteron geng bihlagan mid hoscu:ni uuas im hugi tuifli, neƀa hie it thuru odmuodiall githoloda;ne uuelda iro ubilun uuordiduglonon, hosc endi harmquidi.Thuo brahtun sia ina eft an that hus innan, an thia palencea uppan,thar Pilatus uuas an thero thingstedi.Thegnos agabun barno that bestate banon handon sundilosian,so hie selƀo gicos:uuelda manno barnmorthies atuomian, nerian af nodi.Stuodun nithhuata, Iuđeon far them gastselie:haƀdun sia gramo barn thia scola farscundid,that sia ni bescriƀun iouuiht grimmera dadio.Thuo giuuet im gangan tharod thegan kesuresuuiđ thia thiod sprecan hard heritogo:'Huat gi mi thesan haftan mann ' quathie, 'an thesan seli sendunendi selƀon anbudun that hie iuuues uuerodes so filoauuerdit haƀdi, farledid mid is leron.Nu ik mid theson liudon ni mag findan mid thius folkuthat hie is ferahes si furi thesaro scolu sculdig.Scin uuas that hiudu:Erodes mohta,thie iuuuan eo bican, iuuuaro liudo landreht,hie ni mahta is liƀes gifreson, that hie hier thuru eniga sundia te dagesueltan scoldi, lif farlatan.Nu uuilliu ik ina for theson liudion hier githroon mid thingon,thristion uuordon, buotian im is briosthugi,latan ina brucan forth ferahes mid is firion.'Folc Iuđeono hreopun thuo alla samadhludero stemnu,hietun flitlicoferahes ahtian Crist mid qualmuendi an cruci slahan, uuegian te uuundron:'Hie mid is uuordon haƀit dođes gisculdid:sagit that hie drohtin si, gegnungo godes suno.That hie ageldan scal, inuuiđspraca,so is an uson euue giscriƀan, that man sulica firinquidiferahu copo. '
Chapter 64
Thuo uuarth thie an forahtonthie thes folkes giuueld mikilon an is muode,thuo hie gihorda thia man sprecan that sia ina selƀonseggian gihordin, gehan fur them gumscipethat hie uuari godes suno.Thuo huarf im eft thie heritogoan that hus innan te thero thingstedi,thristion uuordon gruotta thena godes sunoendi fragoda huat hie gumono uuari:'Huat bist thu manno ' quathie:'Te hui thu mi so thinan muod hilis, dernis diopgithaht?Uuest thu that it all an minon duome steđ umbi thines liƀes gilagu?Mi hebbiat thesa liudi fargeƀan, uuerod Iuđeonothat ik giuualdan muot so thik te spildiannean speres orde, so ti quellianne an crucium,so quican latan, so hueđer so mi selƀonsuotera thunkit te gifrummianne mid minu folcu.'Thuo sprac eft that frithubarn godes:'Uuest thu that te uuaron ' quathie,'that thu giuuald oƀar mik hebbian ni mohtis,ne uuari that it thi helag god selƀo fargaui?Oc hebbeat thia sundeono mer thia mik thi bifulhunthuru fiondscipi, gisaldun an simon haftan.'Thuo uuelda ina siith after thiu gramhudig mangerno farlatan, thegan kesures,thar hie is haƀdi for thero thioda giuuald;ac sia uueridun im thena uuillionuuordu gihuilicu kunni Iuđeono:'Ni bist thu ' quathun sia, 'thes kesures friund, thinon herren hold,ef thu ina hinan latis sithon gisundon:that thi noh te soragan mag uuerthan te uuite,huand so hue so sulic uuord sprikit, ahaƀiđ ina so hoho,quithit that hie hebbian mugi cuningduomes namon,ne si that ina im thie kesur geƀe: hie uuirriđ im is uueruldrikiendi is uuord farhugiđ, farman ina an is muode.Bethiu scalt thu sulic men uurekan hoscuuord manag,ef thu umbi thines herren ruokis umbi thines frohon friundscipi,than scalt thu ina thiu ferhu beniman. 'Thuo gihorda thie heritogothia hieri Iuđeono thregian far is thiodne;thuo hie fan thero thingstedi geng selƀo gisittianthar gisamnod uuas so mikil huarf uuerodes,hiet uualdand Crist ledian for thia liudi.Langoda Iudeon huan er sia that helaga barnhangon gisauuin, quelan an crucie;sia quathun that sia cuning ođran ni haƀdin undar iro heriscipie,neuan thena heran kesar fan Rumuburg:'thie haƀit hier riki ofer us.Bethiu ni scalt thu thesan farlatan:hie haƀit us so filo lethes gisprokan,farduan haƀit hie im mid is dadion.Hie scal dođ tholon, uuiti endi uundarquala.'Uuerod Iuđeono so manag mislic thingan mahtigna Crist sagdun te sundiun.Hie suigondi stuod thuru ođmuodi,ni antuuordida niouuiht uuiđ iro uurethun uuord:uuolda thesa uuerold alla losian mid is liƀu:bithiu liet hie ina thia lethun thiod uuegian te uundron,all so iro uuillio geng:ni uuolda im opanlicoallon cuthian Iuđeo liudeonthat hie uuas god selƀo; huand uuissin sia that te uuaronthat hie sulica giuuald haƀdi obar theson middilgard,than uurthi im iro muodseƀo giblođit an iro brioston;thann ne gidorstin sia that barn godes handon anthrinan:thann ni uuurthi heƀanriki antlocan liohto mestliudio barnon.Bethiu meth hie is so an is muode,ni let that manno folc uuitan huat sia uuarahtun.Thiu uurth nahida thuo, mari maht godesendi middi dag, that sia thia ferahqualafrummian scoldun.Than lag thar oc an bendionan thero burg innan en ruob reginscatho,thie habda under them rike so filo morthes giradanendi manslahta gifrumid,uuas mari meginthiof:ni uuas thar is gimaco huergin;uuas thar oc bi sinonsundion giheftid,Barrabas uuas hie hetan;hie after them burgion uuas thuru is mendadimanogon gicuthid.Than uuas landuuisaliudio Iudeono that sia iaro gihueman godes minnia an them helagon dageenna haftan mann abiddian scoldun,that im iro burges uuard, iro folctogoferah fargaƀi.Thuo bigan thie heritogothia heri Iuđeono, that folc fragoian,thar sia im fora stuodun, huederon sia thero tueiotuomian uueldin, ferahes biddian:'thia hier an feteron sind haft undar theson heriscipie?'Thiu heri Iuđeono haƀdun thuo thia aramun manalla gispanana that sia themo landscathenlif abadin, githingodin them thioƀe,thie oft an thiustria naht uuam giuuarahta,endi uualdand Crist quelidin an crucie.Thuo uuarth that cuth oƀar all huo thiu thiod haƀda duomos adelid.Thuo scoldun sia thia dad frummian, hahan that helaga barn.That uuarth them heritogen sithor te sorgon,that hie thia saca uuissa, that sia thuru nithscipineriendon Crist hatoda thiu heriendi hie im horda te thiu, uuarahta iro uuillion:thes hie uuiti antfeng, lon an theson liohteendi lang after uuoi sithor uuann,sithor hie thesa uuerold agaf.
Chapter 65
Thuo uuarth thes thie uuretho giuuaro,uuamscathono mest, Satanas selƀo,thuo thiu seola quam Iudases an grundgrimmaro helliun:thuo uuissa hie te uuarenthat that uuas uualdand Crist, barn drohtinesthat thar gibundan stuod;uuissa thuo te uuaronthat hie uuellda thesa uuerold alla mid is henginniahellia githuinges liudi alosianan lioht godes.That uuas Satanaseser an muode, tulgo harm an is hugie:uuelda is helpan thuo that im liudio barnlif ne binamin, ni quelidin an crucie,ac hie uuelda that hie quic liƀdi te thiu that firio barnfernes ne uuurdin, sundiono sicura.Satanas giuuet im thuo thar thes heritogenhiuuiski uuas an thero burg innan.Hie thero is brudi bigann thera idis opanlicounhiuri fiond uuunder togian,that sia an uuordhelpon Criste uuari,that hie muosti quicc libbian drohtin manno– hie uuas iu than te dođe giscerid –uuissa that te uuaronthat hie im scoldi thia giuuald biniman, that hie sia oƀar thesan middilgardso mikila ni haƀdi oƀar uuida uuerold.That uuif uuarth thuo an forahton, suitho an sorogonthuo iru thiu gisiuni quamun thuru thes dernien adan dages liohte, an helithhelme bihelid.Thuo siu te iru herren anbod that uuiƀ mid iro uuordonendi im te uuaren hiet selƀon seggianhuat iro thar te gisiunion quam thuru thena helagan mann,endi im helpan bad, formon is ferhe:'Ik hebbiu hier so filo thuru ina seldlikes giseuuan,so ik uuet that thia sundiun sculun allaro erlo gihuemuƀilo githihan so im fruocno tuoferahes ahtiđ. 'Thie segg uuarth thuo an sithie,antat hie sittian fand thena heritogonan huaraƀe innan an them stenuuegethar thiu strata uuas felison gifuogid.Thar hie te is frohon geng,sagda im thes uuiƀes uuord.Thuo uuarth im uuret hugi them heritogen,– huaraƀoda an innan –, giblođit briostgithaht:uuas im bethies uue, gie that sea ina sluoginsundia losan, gie it bi them liudion thuoforlatan ni gidorsta thuru thes uuerodes uuord.Uuarth im giuuendid thuo hugi an hertenafter thero heri Iuđeono, te uuerkeanne iro uuillion:ni uuardoda im nieuuiht thia suarun sundiunthia hie im thar thuo selƀo gideda.Hiet im thuo te is handon draganhluttran brunnion, uatar an uuagiethar hie furi them uuerode sat,thuog ina thar for thero thiodathegan kesures, hard heritogoendi thuo fur thero heri sprac,quađ that hie ina thero sundiono tharsicoran dadi, uurethero uuerco:'Ni uuilliu ik thes uuihtes plegan ' quathie, 'umbi thesan helagan mann,ac hleotad gi thes alles, gie uordo gie uuerco,thes gi im her te uuitie giduan. 'Thuo hreop all samanheriscipi Iuđeono, thiu mikila menigi,quathun that sia uueldin umbi thena man plegan derauoro dadio:'Fare is dror oƀar us, is bluod endi is banethiendi oƀar usa barn so samo, oƀar usa aƀaron thar after.Uui uuilliat is alles plegan ' quathun sia, 'umbi thena slegi selƀon,ef uui thar eniga sundia giduan! 'Ageƀan uuarth thar thuo furi them Iuđeonallaro gumono besta hettendion an hand,an herubendion narauo ginodid,thar ina nithhuata, fiond antfengun:folc ina umbihuarf, menscathono megin.Mahtig drohtin tholoda githuldionso huat so im thiu thioda deda.Sia hietun ina thuo fillian,er than sia im ferahes tuo aldres ahtin,endi im undar is ogun spiuuun,dedun im that te hoskethat sia mid iro handon slogun uueros an is uuangunendi im is giuuadi binamun, rouodun ina thia reginscathonrodes lacanes, dedun im eft ođer anthuru unhuldi;hietun thuo hoƀidbandhardaro thorno uuundron uuindanendi an uualdand Crist selƀon settean,endi gengun im thia gisithos tuo,queddun ina an cuninguuisuendi thar an knio fellun,hnigun im mid iro hoƀdu:all uuas im that te hoske giduan, thoh hie it all githolodithiodo drohtin mahtig thuru thia minniamanno cunnies.Hietun sia thuo uuirkianuuapnes eggion helithos mid iro handonhardes buomes craftiga cruciendi hietun sia Cristan thuo, salig barn godesselbon fuorian,dragan hietun sia usan drohtinthar hie bedroragan scolda, sueltan sundiono los.Sithodun Iudeon, uueros an uuillon,leddun uualdand Crist, drohtin te dođe.Thar mohta man thuo dereui thing harmlic gihorian:hiouuandi thar after gengun uuiƀ mid uuopu,uueros gnornodun thia fan Galileamid im gangan quamun, folgodun oƀar ferruuegos:uuas im iro frohon dođ suitho an soragan.Thuo hie selƀo sprak, barno that bestaendi under bac besah,hiet that sia ni uuepin:'Ni tharf iu uuiht tregan ' quathie, 'minero hinferdio,ac gi mid hofnu mugun uuua uurethan uuercuuopu cumian, tornon trahnon.Noh uuirthiđ thiu tid cuman that thia muoder thesmendendia sind, brudi Iuđeonothem gio barn ni uuarth odan an aldre.Than gi iuuua inuuid sculun grimmo angeldan;than gi so gerna sind that iu hier bihlidanhoha bergos, diopo bedelƀan;dod uuari iu than allon lioƀera an theson landethan sulic liudio qualm te githolianneso hier than thesaro thioda cumiđ. '