Giuuet im thuo ut thananinuuiddies gern Iudas gangan:haƀda im grimman hugi thegan uuiđ is theodan.Uuas thuo iu thiustri naht, suitho gisuorcan.Suno drohtines uuas im at them gomon forthendi is iungron thar uualdand uuin end broduuihida bethiu,helgoda heƀancuning,mid is handon brac,gaf it under them is iungronendi gode thancoda,sagda them alatthem thar all giscuop, uuerold endi uuunnia,end sprac uuord manag:'Giloƀeat gi thes liohto ' quathie,'that thitt ist min lichamo endi min bluod so samo:giƀu ik iu hier bethiu samad etan endi drincan.Thit ik an erthu scal geƀan endi giotanendi iu te godes rike losian mid minu lichamenan lif euuig, an that himiles lioht.Gihuggiat gi sinnon that gi thiu fulgangenthia ik an theson gomon duon,marient thitt for thero menigi:thit ist mahtig thing,mid thius sculun gi iuuuon drohtinediuritha frummean,hebbeat thit min te gihugdionhelag bilithi, that it eldibarnafter lestian, uuaron an thesaro uueroldi,that that uuitin alla man oƀar thesan middilgardthat it ist thuru mina minnia giduan herren te huldi.Gihuggent gi simla huo ik iu hier gibiudu,that gi iuuuan bruođerscipi fasto frummean:hebbiat ferahtan hugi,minniond iu an iuuuen muode,that that manno barn oƀar irminthiodalla farstandan that gi sin gegnungoiungron mina.Oc scal ik iu cuthianhuo hier uuili craftig fiond, hettiand herugrimmumbi iuuuan hugi niusian, Satanas selƀo:hie cumit iuuuaro seoluno herod fruocno freson.Sinnon gi fasto te gode berend iuuua briostgithahti:ik scal an iuuuero bedu standan, that iu ni mugi thie menscathomuod gituiflian;ik fullistiu iu uuider them fionde.Oc quam hie herod iu freson min, thoh im is uuillien hieruuiht ne gistuodi, lioƀes an theson minen lichamen.Nu ni uuilliu ik iuu lang helan huat iu hier nu sniumo scalte sorgu gistandan:Gi sculun mi gisuikan,gisithos mina, iuuues theganscipies,er than thius thiustre naht liudi farlitheendi eft lioht cume, moragan te mannon.'Thuo uuarth muod gumon suitho gisuorcanendi ser hugi, hriuuig umbi iro hertaendi iro herren uuord suitho an soragon.Simon Petrus thuo thegan uuiđ is theodanthristuuord sprac bi huldi uuiđ is herron:'Thoh thi all thit helitho folc ' quathie, 'gisuican thina gisithos,thoh ik sinnon mid thi at allon tharaƀontholoian uuilliu.Ik biun garo sinnon,ef mi god latiđ, that ik an thinon fullestiefasto gistande;thoh sia thi an carcariesclustron hardo thesa liudi bilucan,thuoh ist mi luttil tueo, ne ik an them bendion mid thibidan uuillie, liggian mid thi so lieƀen;ef sia thines liƀes thann thuru eggia nithahtian uuillian, fruo min thie guodo,ik giƀu min ferah furi thik an uuapno spil:nis mi uuerth iouuiht te bimithanneso lango so mi min uuarođ hugi endi handcraft.'Thuo sprak im eft is herro angegin:'Huat, thu thik biuuanis ' quathie,'uuisaro treuuono, thristero thingo:thu haƀis thegnes hugi, uuillion guodan.Ik mah thi seggian huo it thoh giuuerthan scal, that thu uuirđis so uuekmuod,thoh thu nu ni uuanies so, that thu thines thiadnes te nahtthriuuo farlognis er hanocradiendi quithis that ik thin herro ni si, ac thu farmanst mina mundburd.'Thuo sprac eft thie man angegin:'Ef it gio an uueroldi ' quathie,'giuuerthan muosti that ik samad midi thisueltan muosti, doian diurlico,thann ne uuurthi gio thie dag cuman that ik thin farlognidi,lieƀo drohtin, gerno for theson Iuđeon.'Thuo quathun alla thia iungron so, that sia thar an them thingon mid imtholian uueldin.
Chapter 57
Thuo im eft mid is uuordon giboduualdand selƀo, her heƀancuning,that sia im ni lietin iro hugi tuiflian,hiet that sia ni uueldindiopa githahti:'Ne druouie iuuua hertathuru iuuues drohtines uuord,ne forohteat te filo:ic scal fader usan selƀan suokeanendi iu sendian scal fan heƀanrikiehelagna gest:thie scal iu eft gifruofreanendi te frumu uuerthan, manon iu thero mahlothie ik iu manag hebbiu uuordon giuuisid.Hie giƀit iu giuuit an briost, lustsama lera,that gi lestian forth thiu uuord endi thiu uuercthia ik iu an thesaro uueroldi gibod. 'Ares im thuo the rikeoan themo racode innan, neriendo Cristendi giuuet im nahtes thanan selƀo mid is gisithon:serago gengun suitho gornondiaiungron Cristes hriuuigmuoda.Thuo hie im an thena hohan giuuet Oliuetiberg:thar uuas hie upp giuuno gangan mid is iungron:that uuissa Iudas uuell, balohudig man,huand hie uuas oft an them berege mid im.Thar gruotta thie godes sunoiugron sina:'Gi sind nu so druouia ' quathie,'nu gi minan dođ uuitun:nu gornonđ gi endi griotand,endi thesa Iuđeon sind an luston,mendit thiu menigi,sindun an iro muode fraha,thius uuerold ist an uuunnion:Thes uuirthit thoh giuuand cuman sniumo tulgo:than uuirthit im ser hugi,than morniat sia an iro modeendi gi mendian sculun after te euuondage,huand gio endi ni cumiđ iuuues uuelliƀes giuuand:bethiu ne thurbun iu thius uuerc tregan, hreuuan min hinfard,huand thanan scal thiu helpa cuman gumono barnon.'Thuo hiet hie is iungron thar bidan uppan themo berge,quat that hie ti bedu uueldi an thiu holmcliƀuhohor stigan;hiet thuo thria mid imthegnos gangan, Iacobe endi Iohanneseendi thena guodan Petruse, thristmuodian thegan.Thuo sia mid iro thiedne samad gerno gengun.Thuo hiet sia thie godes suno an berge uppante bedu hnigan,hiet sia god gruotian,gerno biddian that hie im thero costonderocraft farstuodi, uuretharo uuillion,that im thie uuiđersaco ni mahtig thie menscathomod gituiflian,gie im thuo selƀo gihnegsuno drohtines craftig an kniobeda,cuningo rikeost forthuuard te foldu:fader alathiodo guodan gruotta,gornuuord sprak hriuuiglico:uuas im is hugi druoui, bi thera menniskimuod gihruorid,is flesk uuas an farahtan:fellun im trahni,drop is diurlic suetal so dror cumit uuallan fan uuundon:uuas an giuuinne thuo an them godes barnethie gest endi the lichamo:ođer uuas afusidan feruuegos, thie gest an godes riki,ođer iamar stuod, lichamo Cristes:ne uuolda thit lioht ageƀan,ac druouoda for themo dođe.Simnon hie te drohtine forth thiu mer after thiumahtigna gruotta, hohan himilfader,helagna god, uualdand mid is uuordon:'Ef nu uuerthan ni mag ' quathie, 'mancunni ginerid,ni si that ik minan geƀe lioƀan lichamonfuri liudio barn te uuegianne te uundron,it si than thin uuillio so, ik uuelliu is than gicoston:ik nimu thena kelic an hand,drincu ina thi te diurthun,drohtin fro min, mahti mundboro:ne sih thu mines hier fleskes gifuories.Ik fullian scal uuillion thinan:thu haƀis giuuald oƀar all. 'Giuuet im thuo ganganthar hie er is iungron liet bidan uppan themo berge;fand sia that barn godes slapan sorgondia:uuas im ser hugi thes sia fan iro drohtinedelean scoldun.So sind that muodthracumanno gihuilicon that hie farlatan scallieƀan herron, ageƀan thena so guodan.Thuo hie te is iungron sprac,uuekida sia uualdandendi uuordon gruotta:'Hui uuelliat gi so slapan? 'quathie.'Ni mugun samad mid mi uuacon ena tid?Thiu uuurth ist an handon, that it so gigangan scalso it got fader marcoda mahtig.Mi nis an minen muode tueho:min gest is garoan godes uuillion fus te faranne:min flesc is an soragan,letit mi min lichamo:leth is im suitho uuiti te tholonne.Ik thoh uuilleon scal mines fader frummean.Hebbiat gi fastan hugi. 'Giuuet im thuo eft thananođer sithu an thena berg uppante bedu gangan mari drohtin,endi thar so manag gisprac guodera uuordo.Godes engil quam helag fan himile,is hugi fastnoda,beldida te them bendion.Hie uuas an thero bedu simnon forth an fliteendi is fader gruotta uualdand mid is uuordon:'Ef it nu uuesan ni mag ' quathie, 'mari drohtin,neƀa ik for thit manno folc thiodquala tholoie,ik an thinen scal uuillien uuonian.'Giuuet im thuo eft thanan suokian is gisithos:fand sia slapandia,gruotta sia gahon.Geng im eft thanan thriddan sithu te beduendi sprac thiedcuning all thiu selƀun uuordsuno drohtines te them alouualden faderso hie err deda,manoda mahtignamanno frumono suitho niudliconeriendi Crist,geng im thuo eft te them is iungron,gruotta sia sano:'Slapat gi endi restiat ' quathie.'Nu uuirthit sniomo herod cuman midi craftuthie mi farcopod haƀiđ, sundilosan gisald.'Gisithos Cristes uuacodun thuo after them uuordonendi gisahun thuo that uuerod cuman an thena berg uppanbrahtmu thiu mikilon, vvretha uuapanberand.
Chapter 58
Uuisda im Iudas, gramhugdig mann;Iuđeon after sigun, fiondo folcscipi;druog man fiur an gimang, logna an liohtfaton,ledda man faclun brinnandi fan burgthar sia an thena berg uppan stigun mid striđu.Thia stedi uuissa Iudas uuell, huar hie thia liudi tuoledian scolda.Sagda im thuo te teknethuo sia thar tuo fuorun them folcscipe biforan,te thiu that sia ni farfengin thar erlos ođran man:'Ik gangu im at erist tuo ' quathie,'cussiu ina endi queddiu:that ist Crist selƀo.Thena gi fahan sculunfolko craftu, bindan ina uppan themo bergeendi ina ti burg hinan ledian under thia liudi:hie is liƀes haƀiđ mid is uuordon faruuercod.'Uuerod sithoda thuo untthat sia te Cristecumana uuurthun grim folc Iuđeono,thar hie mid is iungron stuod mari drohtin:bed metudgiscapu, torohtero tideo.Thuo geng im treulos man Iudas tegegnesendi te them godes barne hneg mid is hoƀduendi is herron quedda,custa ina craftignaendi is quidi lesta,uuisda ina them uuerodeall so hie err mid uuordon gihiet.That tholoda all mid githuldionthiedo drohtin, uualdand thesaro uueruldesendi sprac im mid is uuordon tuo,fragoda ina fruocno:'Bihui cumis thu so mid thius folku te mi,behui ledis thu mi so thesa liudi tuoendi mi te thesaro lethun thiod farcopos mid thinu cossuunder thit cunni Iuđeono, meldos mik te thesaro menigi?'Geng im thuo uuiđ thia man sprecan, uuiđ that uuerod ođerendi sia mid is uuordon fragn huena siu mid thiu gisithusokian quamin so niudlico an naht,'so gi uuillian nod frummian manno huilicon.'Thuo sprak im eft thiu menigi angegin,quathun that im heland tharan them holme uppan giuuisid uuari,'thie thit giuuerr frumiđ Iuđeo liudeonendi ina godes suno selƀan hetid.Ina quamun uui suokean herod,uueldun ina gerno bigetan:hie ist fan Galileo lande, fan Nazarethburg.'So im thuo thie neriendo Crist sagda te suothen,that hie it selƀo uuas, so uuurthun thuo an forohtonfolc Iuđeono,uuurthun undarbadodathat sia undar bac fellun alle efnissi,ertha gisuohtun uuiđeruuard that uuerod:ni mahtun that uuord godes, thia stemna antstandan:uuarun thoh so striđiga man,ahliepun eft upp an them holme,hugi fastnodun,bundun briostgithaht,gibolgana gengun nahor mid nithu,untat sia thena neriendon Crist uuerodu biuuurpun.Stuodun uuisa man … bifara thero deruun dadeendi te iro drohtine hreopun:'Uuari it nu thinn uuillio ' quathun sia,'uualdand fruo min, … uuapnon uunda,than ni uuari us uuiht so guod so that uui hier for usan drohtinedoian muostin binithion bleca.'Thuo gibolgan uuarth snell suerdtheganSymon Petrus:uuell im innan hugi,that hie ni mohta enig uuord sprecan:so harm uuarth im an is hertenthat man is herron thar bindan scolda.Thuo hie gibolgan geng suitho thristmuod theganfuri is thiedan stann hard furi is herron:ne uuas im is hugi tuifli, bluothi an is brioston,ac hie is bill atoh, suerd be sidu,sluog im tegegnes an thena furiston fiondfolmo craftu, that thuo Malchus uuarthmakies eggion an thia suithrun halfsuerdu gimalod:thiu hlust uuarth im farhauuan:hie uuarth an that hoƀid uund, that im herudroraghlier endi ora benuundun brast;bluod after sprang,uuell fan uuundon.Thuo uuas an is uuangon scard thie furisto thero fiondo.Thuo stod that folc an rum:andriedun im thes billes biti.Thuo sprac that barn godes selƀo te Symon Petruse,hiet that hie is suerd dedi scarp an skethia:'Ef ik uuiđ thesa scola uueldi ' quathie, 'uuiđ thieses uuerodes giuuinuuigsaca frummian, than manodi ik thena marionmahtigna god, helagna faderan himilrikie, that hie mi so managan engil herodoƀana sendi uuiges so uuisan,so ni mahtin iro uuapanthreki man adogian:iro ne stuodi gio sulik megin samad folkes gifastnod,that im ira fera after thiu uuerthan mahtig.Ac it haƀit uualdand god, alomahtig faderan ođer gimarcod, that uui githolian sculunso huat so us thius thioda tuo bittres bringiđ:ne sculun us belgan uuiht, uurethian uuiđ iro giuuinne;huand so hue so uuapno nith, grimman gerheti uuilgerno frummean, hie sueltiđ im oftsuerdes eggion, doit im drorag:uui mid uson dadion ni sculun uuiht auuerdian.'Geng im thuo ti them uundon man,ledda mid listionlik tesamne, hoƀiduundun,that siu san gihelid uuarth, thes billes biti,endi sprac that barn godes uuiđ that uuretha uuerod:'Mi thunkit uunder mikil ' quathie, 'ef gi mi lethes uuihtlestian uueldun, hui gi mi thann ni fenginthan ik under iuuuon folke stuod an themo uuihe innanendi thar uuord manag suothlic sagda.Than uuas sunnun scin, diurlic dages lioht,than ni uueldun gi mi duon iouuiht lethes an theson liohte,endi nu lediat mi iuuera liudi tuo an thiustra naht,all so man thioƀe duot, thann man thena fahan uuiliendi hie is ferahes haƀit foruuercot uuamscatho.'Uuerod Iuđeono gripun thuo an thena godes suno,grimma thioda, hettendero hop,huurƀun ina umbi muodag manno folc– menes ne sahun –heftun herubendionhendi tesamne, fađmos mid feteron.Im ni uuas sulic firinquala tharf te githolonne,thiodaraƀeđes, te uuinnianne sulic uuiti,ac hie it thuru thitt uuerod deda, huand hie liudeo barnlosian uuolda, halon fan helliuan himilriki an thena uuidon uuelon:bethiu hie thes uuiht ni bisprac thes sia im thuru inuuidnithogian uueldun.
Chapter 59
Thuo uuurthun thes so malscamuodag folc Iuđeono,thiu heri uuarth thes so hruomagthes sia thena helagan Crist an lithobendionledian muostun, fuorian an feteron.Thia fiond eft giuuitun fan them berge te burg.Geng that barn godes undar themo heriscipiehandon gibundan, druuondi te dale.Uuarun im thia is diuriun thuo gisithos gisuicana,all so he im er selƀo gisprac:Ne uuas it thoh bi enigero blođi,that sia that barn godes leƀan farlietun,ac it uuas so lango biforan uuarsagono uuordthat it scoldi giuuerthan so:bethiu ni mahtun sia is bimithan.Than after thero menigi gengun Iohannes endi Petrusthia gumon tuena,folgodun ferran:uuas im firiuuit mikil huat thia grimmun Iuđeonthem godes barne uueldun iro drohtine duan.Thuo sia te dale quamun fan themo berge ti burgthar iro biscop uuas, iro uuihes uuard,thar leddun ina uulanca mann, erlos under ederos.Thar uuas eld mikil, fiur an fridhoƀethem folke tegegnes giuuaraht for them uuerode:thar gengun sia im uuermian tuo Iuđeono liudi,lietun thena godes suno bidan an bendion.Uuas thar braht mikil, gelmuodigero galm.Iohannes uuas er them herrosten cuth:bethiu muosta hie an thena hof innan thringan mid thero thieda.Stuod allaro thegno besta, Petrus thar ute:ne liet ina thar portun uuard folgon is frohon,er it at is friunde abad Iohannes at enon Iuđeonthat man ina gangan liet forth an thena friđhof.Thar quam im enn fecni uuiƀ gangan tegegnes,thiu enes Iuđeon uuas ira thiodnes thiui,endi thuo te them thegne sprac magat unuali:'Huat, thu mahtis man uuesan ' quat siu, 'iungro fan Galileathes the thar ginuuuar stet fađmon gifastnod.'Thuo an forohton uuarth Simon Petrus san,sleu an is muode,quat that hie thes uuiƀesuuord ni bicunsti ne thes thiodnesthegan ni uuari:meth is thuo for thero menigi,quat that hie thena mann ni ankendi:'ni sind mi thina quidi cutha ' quathie:uuas im thiu craft godes, thiu herdisli fan themo herten.Huarƀondi geng forth under them folke,anthat hie te them fiure quam;geng ina thuo uuermian.Thar im oc en uuiƀ bigan felgian firinspraca:'Hier mugun gi ' quat siu, 'an iuuuan fiond sehan:thit is gegnungoiungro Cristes, is selƀes gisith.'Thuo gengun im san after thiu nahor nithhuataendi ina niudlico fragodun fiondo barn,huilikes hie folkes uuari:'ni bist thu thesaro burgliudeo ' quathun sia:that mugun uui an thinon gibarie gisehan, an thinon uuordon endi an thinero uuisun,that thu thieses uuerodes ni bist, ac thu bist galileisk mann.'Hie ni uuelda thes thuo gehan iouuiht,ac stuod thuo endi striđdaendi starcan eth suithlico gisuor,that hie thes gisithes ni uuari.Ni haƀda is uuordo giuuald:it scolda giuuerthan so so it thie gimarcodathie mancunnies foruuarduot an thesaro uueroldi.Thuo quam im oc an them huaraƀe tuo thes mannes maguuinithi hie er mid is gimakie giheu, suerdu thiu scarpon,quat that hie ina sauui thar an themo berge uppan:'thar uui an themo bomgarden herren thineshendi bundun,fastnodun is folmos.'Hie thuo thuru forahtan hugi farlognida thes is lioƀes herren,quat that hie uueldi uuesan thes liƀes scolo, ef it mahti enig tharirminmanno giseggian te suothenthat hie thes gisithies uuari, folgodi thero ferdi.Thuo uuarth an thena formon sith hanacrad ahaƀan.Thuo sah thie helago Crist, barno that bestathar hie gibundan stuod selƀo te Symon Petruse,suno drohtines te them erle oƀar is ahsla.Thuo uuarth imo an innan san Symon Petrusean is muode, harm an is hertenendi is hugi druoui,suitho uuarth im an sorogon,that hie er selƀo gisprac:gihogda thero uuordo thuothia imo er uualdand Crist selƀo sagda,that hie an thero suartun naht er hanocradiis herron scoldi thriio farlognian.Thes thramm imo an innan muod bittro an is brieston,end geng im thuo gibolgan thanan the man fan thero menigian muodcaru, suitho an sorgon,endi is selƀes uuord, uuanscefti uuiep,anthat im uuallan quamun thuru thia hertcaraheta trahni bluodaga fan is brioston.Hie ni uuanda that hie is mohti gibuotian uuiht firinuuerco furthoreftha te is fruohen cuman, herren huldi:Nis enig helitho so ald that gio mannes sunomer gisauui is selƀes uuordseror hreuuann, karon eftha cumian:'Uuolo craftig god ' quathie, 'that ik hebbiu mi so faruuercod,so ik minera uueruldes ni tharf olat seggian.Ef ik nu ti aldre scal huldio thineroendi heƀanrikies, thiodan, tholoian,thann ni tharf mi thes enig thanc uuesan, lioƀo drohtin,thes ik gio te thesamo liohte biquam.Ni biun ik nu thes uuirđig,uualdand fruo min, that ik undar thina iungrongangan muoti thus sundig under thina gisithos:ik iro selƀo scal mithan an minon muode,nu ik mi sulic men gisprac. 'so gornodagumono besta:hrau ina so hardothat he haƀda is herren thuo lioƀes farlognid.Than ni thurƀun thes liudio barn uueros uuundroian,behui it uueldi god that so lioƀen mannleth gistuodi, that hie so honlicoherren sines thuru thero thiuun uuordthegno snellost farlognida so lieƀes:it uuas all bi theson liudion giduan, firio barnon te frumun.Hie uuelda ina te furisten duan, herrost oƀar is hiuuiskihelag drohtin:liet ina gicunnonhuilica craft haƀit thie mennisco muodano thiu maht godes,liet ina gisundionthat hie sithor thiu batt liudin giloƀdi,huo lief ist thar manno gihuiliconthan hie men gifrumiđ, that man ina alatelethes thinges, sacono endi sundiono,so im thuo selƀo deda heƀanrikies godharmgiuurohti.
Chapter 60
Bithiu ist mannes bagmikil umbitheriƀi, hagastuodes hruom:ef im thiu helpa godes gisuikiđ thuru is sundion,than is im san after thiu briosthugi blothera,thoh hie er bihet spreke, hruomie fan is huldiendi fan is handcrafti, thie mann fan is megine.That uuarth thar an them marion scin, thegno besten,thuo im is thiednes gisuek helag helpa.Bithiu ni scoldi hruomian man te suitho fan im selƀon,huand im thar suikit oft uuan endi uuilleo,ef im uualdand god, her heƀankuningthat herta ni sterciđ.Than bed allaro barno best,bendi tholoda thuru mancunni.Huurƀun ina managa umbi Iuđeo liudo,spracun gelp mikil,haƀdun ina te hoskethar hie giheftid stuod, tholoda mid githuldionso huat so im thiu thieda deda liudi lethes.Thuo uuarth eft lioht cuman, morgan te mannon.Manag samnoda heri Iuđeono:haƀdun im hugi uuluo, inuuid an innan.Uuarth thar eusago an morgantidmanag gisamnod irri endi enhard,inuuidies gern, uurethes uuillien.Gengun im an huarf samad rincos an runa,bigunnun im radan thuo huo sia giuuisodinmid uuarloson mannon menhuatonan mahtigna Crist te giseggianne sundiathuru is selƀes uuord, that sia ina than te uunderqualuuuegian muostin, adelian te dođe.Sia ni mohtun an themo dage findan so uureth giuuitscipithat sia imo uuiti bethiu adelian gidorstineftha dot frummian, liƀu bilosian.Thuo quamun thar at lezten forth an thena huarf uuerouuarlosa man tuena ganganendi bigunnun im tellian an,quathun that sia ina selƀonseggian gihordin that hie mahtig teuuerpanthena uuih godes, allaro huso hohistendi thuru is handmegin, thuru is enes craftupp arihtean an thriddien dage,so is elcor ni thorfti bithian man.Hie thagoda endi tholoda:ni sprac im gio thiu thiudo so filo thia liudi mid luginonthat hie it mid lethon angegin uuordon uuraki.Thuo thar undar them uuerode aras balohugdig man,biscop thero liudio, thie furisto thes folkesendi fragoda Cristegie ina be im selƀon besuorsuithon ethon,gruotta ina an godes namonendi gerno bad that hie im that gisagdi,ef hie suno uuari thes liƀƀiandes godes:'thes thitt lioht giscuop, Crist cuning euuig.Uui ni mugun is antkennian uuiht ne an thinon uuordon ne an thinon uuercon.'Thuo sprac im eft thie uuaro angegin, thie guodo godes suno:'Thu quithis it for theson Iuđeon nu,suothlico sagisthat ik it selƀo biun.Thes ni giloƀeat mi thesa liudi:ni uuilleat mi forlatan bithiu;ni sind im mina uuord uuirđig.Nu seggiu ik iu te uuaron thoh that gi noh sculun sittian gisehanan thia suithrun half godes marean mannes sunoan megincrafte thes alouualdon faderendi thanan eft cuman an himiluuolcnon herodendi allon helitho cunnie mid is uuordon adelian,all so iro giuurihti sind. '