Giuuet im thuo that barn godesinnan Bethaniu sehs nahton erthan thiu samnunga thar an HierusalemIudeo liudio an thei uuihdagonuuerthan scoldi, that sia scoldin haldanthia helagun tidi, Iudeono pascha.Bed thie godes suno mahtig undar thero menegi:uuas thar manno craft uuerodes bi them is uuordon.Thar gengun ina tue uuiƀ umbi, Maria endi Martha,mid mildu hugiu,thienodun im thiolico.Thiodo drohtin gaf im langsam lon:liet sia lethes gihues, sundiono sicoraendi selƀo gibod that sia an frithe fuorinuuither fiondo nith thia idisi mid is orloƀu guodu:habdun iro ambahtscipi biuuendid an is uuilleon.Thuo giuuet im uualdan Crist forth mid thiu folcufiriho drohtin innan Hierusalem,thar Iudeono uuas hetilic hardburi,thar sia thia helagun tid uuarodun an them uuihe.Uuas thar uuerodes so filo craftigero cunnio,thia ni uuoldun Cristes uuord gerno gihorianni te them godes barne an iro muodsebenminnia ni habdun, ac uuaron im so uurethauulanca thiodo, muodag mancunni,habdun im morthhugi, inuuid an innan:an auoh farfengun Cristes lera,uueldun ina craftigna uuitnon thero uuordo;ac uuas thar uuerodes so filo umbi erlscipiantlangana dag:habda ina thiu smala thiodthuru is suotiun uuord uuerodu biuuorpan,that ina thia uuidersacon under them folcscipefahan ne gidorstun, ac mithun es bi thero menigi.Than stuod mahti Crist an themo uuihe innan,sagda uuord manag firiho barnon te frumu.Uuas thar folc umbi allan langan dag,antthat thie liohto giuuet sunno te sedle.Thuo te selithon fuor mancunnies manag.Thann uuas thar en mari berg bi thero burg utan,the uuas bred endi ho, gruoni endi skoni:heton ina Iudeo barn Oliuueti bi namen.Thar im upp giuuet neriendo Crist,so thiu naht bifeng,uuas im thar mid is iungron,so ina thar Iudeono negen ni uuissa te uuaren,huand hie an them uuihe stuod liudio drohtin,so lioht ostana quam, antfieng that folcscipiendi im filo sagda uuararo uuordo,so nist an thesaro uuerold enig an thesaro middilgardmanno so spahi liudeo barno nigen,that thero lerono mugi enndi gitellianthi hie thar an them alahe gisprac uualdand an them uuihie,endi sinnon mid is uuordon gibod that sia sia geridinte godes rikie allaro manno gihuilic,that sia muostin an them marien dage iro drohtinesdiuritha antfahan.Sagda im huat sia te sundiun frumidunendi sinnon gibod that sia thia aleskidin;hiet sia lioht godes minnion an iro mode,men farlatan, auoh oƀarhugdi,odmuodi niman, hladan that an iro herta;quat that im thann uuari hebanriki garo guoda mesta.Thuo uuarth thar gumono so filo giuuendid after is uuillien,sithor sia that uuord godes helag gihordunhebancuninges, antkendun craft mikil,cumi drohtines, herren helpa,ge that hebanriki uuas, neriand ginahidendi natha godes manno barnon.Sum so muodag uuas, Iudeo folkes,hadun grimman hugi, slidmuodean seƀon…,ni uueldun is uuorde gihorian,ac habdun im giuuin mikil uuid thia Cristes craft:ni uueldun thar tuo cuman thia liudi thuru lethan strid,that sia gilobon te im fasto gifengin:ne uuas im thiu fruma gibithig that sia hebanrikihebbian muostin.Geng im thuo the godes sunoendi is iungron mid im uualdand fan them uuihe,all so is uuillio geng,iac im uppan thena berg gistegbarn drohtines:sat im thar mid is gisithonendi im sagda filo uuararo uuordo.Sia bigunnun im thuo umbi thena uuih sprecan thia gumon umbi that godes hus,quathun that ni uuari guodlicoro alah oƀar erthuthie io thuru erlo hand, thuru mannes giuuercmid megincraftu racod arihtid.Thuo thie rikeo sprak, her hebancuning– hordun thia ođra –:'Ik mag iu tellian ' quathie,'that noh uuirđit thiu tid cuman that is afstandan ni scalsten oƀar ođron, ac it fellit te folduendi it fiur nimit, gradag logna,thoh it nu so guodlic si, so uuislico giuuaraht,endi so duot all thesaro uueroldes giscapu,teglidit gruoni uuang.'Thuo gengun im is iungron tuo,fragodun ina so stillo:'Huo lango scal standan noh ' quathun sia, 'thius uuerold an uuunnion,er than that giuuand cume, that thie lezto dagliohtes scine thuru uuolcansceon,eftha huann ist thin eft uuan cuman an thesan middilgard,manno cunnie te adelianne,dodon endi quicon, fruo min the guodo:us is thes firiuuitt mikil, uualdandie Crist,huann that giuuerthan sculi. '
Chapter 52
Thuo im anduuurdialouualdo Crist guodlico fargafthem gumon selƀo:'That habit so bidernit ' quathie,'drohtin thie guodo iac so hardo farholanhimilrikies fader, uualdand thesaro uueroldes,so that uuitan ni mag enig mannes suno,huann thiu maria tid giuuirthit an thesaro uueroldi,ne it oc te uuaren ni cunnun godes engilosthia for im genginuuarda sinnon sindun:sia it oc seggian ni mugun te uuaren mid iro uuordonhuand it giuuerthan sculi, that hie uuillie an thesan middilgardmahtig drohtin firiho fandon.Fader uuet im eno helag an himile:elcor is it biholan allon, quicon endi dodon,huann is cumi uuerthat.Ik mag iu thoh gitellianhuilic err tecan biforan giuuerthat uundarlic,er than hie an thesa uueruld cume an them marien dage:that uuirthit hier err an themo manen scin iac an thero sunnun so samo:gisuercat siu bethiu,mid finistriu uuerthend bifangan;fallat steorron, huit hebantunglas,endi hrisid ertha,biƀot thiu breda uueruld– uuirthit sulikero bocno filo –:grimmid thie groto seu,uuirkit thie gebanes strom egison mid is uthionerthbuendeon.Than tharod thiu theodathuru that githuing mikil, folc thuru thia farahte;thann nist fritho huergin,ac uuirthit uuig so managoƀar thesa uuerold alla hetilic ahaban,endi heri ledit cunni oƀar ođer:uuirthit cuningo giuuinn, meginfard mikil:uuirthit managero qualm, opan urlogi– that ist egislic thing that io sulic morth sculunman afheffian –:uuirthit uuol so mikiloƀar thesa uuerold alla, manstereƀono mestthero thie gio an thesaro middilgard suulti thuru suhti:liggient seoca man,dreosat endi doiatendi iro dag endiot,fulleat mid iro ferahu;ferid unmet grot hungar hetigrimoƀar helitho barn, metigedono mest:nist that minnista thero uuiteo an thesaro uueroldithi err giuuerthan scal er duomes dage.So huann so gi thia dadi gisehan giuuerthan an thesaro uueruldi,so mugun gi than te uuaren farstandan thatt than thie lezto dagliudion nahid mari te mannonendi maht godes, himilcraftes hruoraendi thes helagen cumi drohtines mid is diurithun.Huat, gi thesaro dadio mugun bi theson bomonbilithi antkennian:Than sia brusteat endi bloatendi bladu togiat, loƀ antlukit,thann uuitun liudeo barn that than ist san after thiusumer ginahid uuaram endi uunsamendi uueder sconi.So uuitin gi oc bi theson teknonthia ik iu talda hier, huann thie lezto dagliudeon nahid.Thann seggio ik iu te uuarenthat err thit uuerod ni mot tefaran thit folcscipi,er than uuirdit gifullid so, mina uuord giuuarod.Noh giuuand cumid himiles endi erthun,endi stet min helag uuord fast foruuardesendi uuirthit all gifullid so, gilestid an theson liohteso ik furu theson liudion gispricu.Uuacot gi uuaralico:iuu ist uuisscumo duomes dag thie marioendi iuuues drohtines craft, thiu mikila meginstrengiendi thiu maria tid, giuuand thesaro uueroldes.Furi thiu gi uuardon sculun, that hie iuu slapandiaan suefrastu farungo ne bifahean firinuuercon, menes fulla.Mutspelli cumid an thiustria naht,all so thiof farit darno mid is dadion,so cumit thie dag mannon, thie lezto theses liohtes,so it err thesa liudi ni uuitun, so samo so thiu fluod dedaan furndagon, thiu thar mid lagostromonliudi farterida bi Noees tideon,neuan that ina nerida god mid is hiuuiskiehelag drohtin uuid thes fluodes farm:so uuarth oc that fiur cuman het fan himilethat thia hohun burgi umbi Sodomalandsuart logna bifeng grimm endi gradag,that thar enig gumono ne ginass botan Loth eno:ina antleddun thanan drohtines engilosendi is dohter tua an enna berg uppan:that oƀar al brinnandi fiur gie land gie liudilogna farterida:so farungo uuarth that fiur cuman:so uuarth err thiu fluod so samo,so uuirdit thie lezto dag.For thiu scal allaro leodo gihuilic gethenkean for them thinge:– thes ist tharf mikil manno gihuilicon –:Bethiu latat iu an iuuuan muod sorga.
Chapter 53
Huand so huann so that giuuirthitthat uualdand Crist, mari mannes sunomet thera maht godes cumit mid thiu craftucuningo rikost sittian an is selbes mahtendi samod mid im alla thia engilosthia thar uppa sind helaga an himile,thann sculun tharod helitho barn, elithioda cumanalla tesamne libbiandero liudio,so huat so gio an theson liohte uuarth firiho afuodit.Thar hie thiem folke scal allon mancunniemari drohtin adelian after iro dadeon.Than scedit hie thia farduanun mann, thia faruuarahtun uuerosan thia uuinistrun hand:so duot hie oc thia saligunan thia suiđrun half;gruote hie than thia guodunendi im tegegnes sprikit:'Kumet gi ' quithit hie, 'thie thar gicorana sindunendi antfahent thit craftiga riki, thit guoda, that hierr gigeruuid stendit,that thar uuarth gumono barnon giuuaraht fan thesaro uueruldes endie:iuu habit giuuihid selƀo fader allero firio barno:gi muotun thera fruma niotan, giuualdan thieses uuidion rikies,huand gi oft minan uuilleon gifrumidun, fulgengun mi gernoendi uuarun mi iuuuera geba mildi, than ik bithuungan uuasthurstu endi hungru, frostu bifanganeftha ik an feteron lag beclemmid an carcre:oft uurthun mi cumana tharod helpa fan iuuuon handon:gi uuarun mi an iuuuon huge milda,uuisodun min uuerthlico.'Thann sprikit im eft that uuerod angegin:'Fro min thie guodo ', quethat sia,'huan uuari thu bifangan so, bithuungan an sulicon tharƀonso thu for thesaro thieda telis, mahtig menis?Huann gisah thi mann enig bithuungan an sulicon tharƀon?Huat, thu habis allaro thiodo giuuald gie so samo thero methmothero the io manno barn giuuunnun an thesaro uueruldi.'Thann sprikit im eft uualdand god:'So huat so gi dadun ' quithit hie,'an iuuues drohtines namon, godes fargabunan godes era them mannon thia hier minnistun sindun,thia nu undar thesaro menigi standat endi thuru odmuodiarma uuarun uueros, huand sia minan uuilleon frumidun:so huat so gi im iuuuaro uuelono forgabun, gidadun thuru diuritha mina,that antfeng iuuua drohtin selƀo,thiu helpa quam te hebancuninge.Bithiu uuill iu the helago drohtin lonon iuuuan gilobon:gibit iuu liƀ euuig. 'Uuendit ina thann uualdandan thia uuinistrun hand drohtin te them farduanon mannon,sagit im that sia sculin thia dad angeldan thia mann iro menuuerc:'nu gi fan mi sculun ' quithit hie, 'faran so farfluocanaan that fiur euuig that thar gigeriuuid uuarthgodes antsacon, fiondo folkebi firinuuercon, huand gi mi ni hulpunthan mi hungar endi thurst uuegdun te uundroneftha ik giuuades los geng iamormuod,uuas mi grotan tharf:thann ni habda ik thar eniga helpa,thann ik giheftid uuas, an lithocospon bilocan,eftha mi legar bifeng, suara suhti:thann ni uueldun gi min seokes thar uuison mid uuihti:ne uuas iu uuerth iouuiht that gi min gihogdin.Bethiu gi an hellia sculun tholon an thiustre.'Thann sprikit im eft thiu thiud angegin:'Uuola, uualdand god ' quethent sia,'hui uuili thu so uuiđ thit uuerod sprecan, mahlian uuid thesa menigi?Huann uuas thi gio manno tharf, gumono guodes?Huat, sia it all be thinon gebon egun, uuelono an thesaro uueroldi.'Than sprikit eft uualdand god:'Than gi thia armostun ' quithit hie,'eldibarno, manno thia minnistunan iuuuon muodsebon helithos farhogdun,letun sia iu an iuuuon hugie letha, bedeldun sia iuuuera diurtha,than dedun gi iuuuana drohtin so samo,giuuernidun mi iuuuero uuelono:bethiu ni uuill iu uualdand god antfahan fader iuuuer,ac gi an that fiur sculun an thena diopon dođdiuƀlon thionon, uurethon uuiđarsacon,huand gi so giuuarahtun biforan. 'Than after them uuordontefarid that uuerod an tue, thia guodun endi thia uƀilun:farat thia forgripanun mann an thea hetun hellhriuuigmuoda, thia faruuarahtun uueros,uuiti antfahent, uƀil endilos.Ledit upp thanan her hebancuningthia hluttrun thioda an that langsama lioht:thar ist liƀ euuig, gigeriuuid godes rikiguodera thieda. '
Chapter 54
So gifran ik that them rincon thuoriki drohtin umbi thesaro uueroldes giuuanduuordon talda, huo thiu forth faridthan lang the sia firio barn ardon muotungie huo siu an them endie scal teglidan endi tegangan.Hie sagda oc is iungron thar uuaron uuordon:'Huat, gi uuitun alla ' quathie, 'that nu oƀar tua naht sindtidi cumana, Iudeono pascha,that sia sculun iro gode thienon uueros an them uuihe.Thes nist giuuand enig, that thar uuirthit mannes sunote thero meginthieda craftag farcopotendi an cruci gislagan, tholod thiodquala.'Thuo uuarth thar thegan manag slithmuod gisamnod,sutherliudeo, Iudeono gumscipi,thar sia scoldun iro gode thionon.Uurđun eusagonalla cumana an huarf uuerosthia sia thuo uuisostun under thero menigimanno gitaldun, craftig cuniburd.Thar Cayphas uuas, biscop thero liudeo.Sia riedun thuo an that barn godes, huo sia ina asloginsundia losan,quathun that sia ina an them helagun dagehrinan ni scoldin under thero manno menigi,'that ni uuerthe thius meginthioda, helithos an hruoru,huand ina thit heriscipi uuili farstandan mid stridu.Uui so stillo sculun freson is ferahes,that that folc Iudeono an theson uuihdagonuuroht ne afhebbian. 'Thuo geng im thar Iudas forth,iungro Cristes, en thero tuelifio,thar that ađali satt, Iudeono gumscipi;quat that hie is im guodan rad seggian mohti:'Huat uuelliat gi mi sellian hier ' quathie, 'methmo te miedu,ef ik iuu thena man gibu ano uuig endi ano uuroht?'Thuo uuarth thes uuerodes hugi thero liudio an luston:'Ef thu uuilld gilestian so ' quathun sia, 'thin uuord giuuaron,than thu giuuald habis huat thu at thesaro thiedathiggian uuellies guodaro methmo.'Thuo gihiet im that gumscipi thar an is selƀes duomsiloƀerscatto thritig atsamne,endi hie te thero thieda gisprac deruon uuordon,that hie gaui is drohtin te thiu.Uuenda ina thuo fan them uuerode:uuas im uureth hugi,taloda im so treuloshuan err uuurthi imo thiu tid cuman that hie ina mahtig faruuisianuuretharo thiedi, fiondo folke.Thann uuissa that frithubarn godes, uuar uualdand Crist,that hie thesa uuerold scolda ageban thesa gardosendi suokean im godes riki, gifaran is fader vođil.Thuo ni gisah enig firio barno merun minniathann hie thuo te them mannon ginam, te them is guodon iungron:goma uuarahta,satta sia suaslicoendi im sagda filo uuararo uuordo.Scred uuester dag, sunna te sedle.Thuo hie selƀo gibod uualdand mid is uuordon,hiet im uuater dragan hluttar te handon,endi res thuo thie helago Crist the godo an them gomonendi thar is iungrono thuog fuoti mid is folmonendi suaraf sia mid is fanen after,drucnida sia diurlico.Thuo uuid is drohtin sprac Symon Petrus:'Ne thunkit mi thit so metlic thing ' quathie, 'fruo min the godo,that thu mina fuoti thuahes mid them thinon helagon handon.'Thuo sprak im eft is herro angegin uualdand mid is uuordon:'Ef thu is uuillion ni habis ' quathie, 'te antfahannethat ik thina fuoti thuahe thuru sulica minniaso ik theson ođron mannon hier duon thuru diuritha,than ni habis thu enigan dell mid mi an hebanrike.'Hugi uuarth thuo giuuendit Symon Petruse:'Thu haƀi thi selbo giuuald ' quathie, 'fro min thie guodo fuoti endi handoendi mines hoƀdes so samo, thiedan, te thuahanne,te thiu that ik muoti thina forth huldi hebbianendi hebanrikes sulic gideliso thu mi, drohtin, uuili fargeban thuru thina guodi.Iungron Cristes thena ambahtscipierlos tholodun, thegnos mid githuldeon,so huat so im iro thiedan deda mahtig thuru thia minnia,endi menda im all mera thing firihon te gifrummeanne.
Chapter 55
Frithubarn godes geng im thuo eft gisittianunder that gisitho folcendi im sagda filo langsamana rad.Uuarth eft lioht cuman, moragan te mannon.Mahtigan Crist gruottun is iungronendi fragodun huar sia is goma thuo an them uuihdageuuirkean scoldin, huar hie uueldi haldanthia helagun tidi selƀo mid is gisithon.Thuo hie sia suokean hiet thia gumon Hierusalem:'So gi thann gangan cuman ' quathie, 'an thia burg innan– thar ist braht mikil, meginthiedo gimang –,thar mugun gi enna mann sehan an is handon draganhluttres uuatares full fat mid is folmon.Them gi folgon sculun an so huilica gardosso gi ina gangan gisehan,iac gi than them herrenthi thia hobos egi selbon seggientthat ik iu sanda tharod te gigeriuuanne mina goma.Than togid hie iuu en guodlic hus, hohan solari,thie ist bihangan all fagoron fratohon.Thar gi frummian sculun uuerdscipi minan.Thar biun ik uuisscumo selƀo mid minon gisithon.'Thuo uurthun san after thiu thar ti Hierusalemiungron Cristes forthuuard an ferdi,fundun all so hie sprac uuordtecan uuar:ne uuas thes giuuand enig.Thar geriuuidun sia thia goma.Uuarth thie godes suno, helag drohtinan that hus cuman thar sia thia landuuisalestian scoldun, fulgangan godes gibode,all so Iudeono uuas eu endi aldsidoan erdagon.Giuuet im thuo an them abanđealouualdo Crist an thena seli sittean;hiet thar is gisithos te im tuelifi ganganthia im gitriuuistun an iro muodsebenmanno uuarun be uuordon endi bi uuisun:uuissa im selbo iro hugisceftihelag drohtin.Gruotta sia thuo obar them gomon:'Gern biun ik suitho ' quathie, 'that ik samad mid iuusittean muoti, guomono niotan,Iudeono pascha delian mid iu so diurion.Nu ic iu iuuues drohtines scal uuilleon seggian,that ik an thesaro uueroldi ni mot mid mannon mermuoses anbitan furthor mid firion,er than gifullid uuirthit himilo riki.Mi ist an handon nu uuiti endi uuunderquala,thia ik for theson uuerode scal tholon furi thesa thieda.'So hie thuo so te them thegnon sprak helag drohtin,so uuarth im is hugi druoui,uuarth im gisuorcan sebo,endi eft te is gisithon sprac thie guodo te them is iungron:'Huat, ik iuu godes riki ' quathie, 'gihiet himiles lioht,endi gi mi holdlico iuuuan theganscipi.Nu ni uuelliat gi anthengian so,ac uuenkeat thero uuordo.Nu seggiu ik iu te uuaren hier that uuili iuuuer tuelifio enntreuuon gisuican, uuili mi farcopanundar thit cunni Iudeono, gisellian uuider silubre,endi uuil im thar sinc niman, diuria methmosendi geban is drohtin uuid thiu, holdan herron.That im thoh te harme scal uuerthan te uuite;bi that hie thia uuurth gisihid endi hie thes arƀedesendi scauuođ, than uuet hie that te uuarenthat im uuari ođer thing, betera mikiluthat hie gio giboran ni uuurthi libbiandi te theson liohte.Than hie that lon nimid, uƀil arabediinuuidrado. 'Thuo bigan thero erlo gihuilicte ođremo scauuon, sorgondi sehan;uuas im ser hugi, hriuuig umbi iro herta:gihordun iro herron thuo gornuuord sprekan.Thia gumon sorgodun huilican hie thero tuelifiote thiu tellian uuoldi, sculdigna te scathen,that hie habdi thia scattos thar githingot an thero thieda.Ne uuas thero thegno enigon sulikes inuuiddiesothi te gehanne, menngithahteo:antsuoc thero manno gihuilic,uurthun alla an forohton,fragon ni gidorstun, er than thuo gibuocnidabaruuirdig gumo Symon Petrus– ne gidorsta it selƀo sprecan – te Iohanne them guoden:hie uuas them godes barne an then dagonthegno liobost, mest an minnionendi muosta thar thuo an thes mahtiges Cristes barme restianendi an is brioston lag,hlinoda mid is hobdu:thar nam hie so manag helag giruni, diopa githahti,endi thuo te is drohtine sprac,bigann ina thuo fragon:'Hue scal that, fro min, uuesan ' quathie, 'thie thi farcopan uuili,cuningo rikeost, under thinero fiondo folc?Us uuari thes firiuuit mikil, uualdand, te uuitanne.'Thuo habda eft is uuord garo helandi Crist:'Sih thi huem ik hier an hand geƀe mines muoses for theson mannon:the habit mengithat, briosthugi bittran;thie scal mi an banono giuuald fiondon bifelahan,thar man mines ferahes scal aldres ahtean.'Nam hie thuo after thiu thes moses for them mannonendi gaf is themo mennscathen, Iudase an handendi im tegegnes sprac selƀo for them is gisithonendi ina sniumo het faran fan them is folke:'Frumi so thu thenkis ' quathie,'duo that thu duon scalt:thu ni maht bidernian leng uuilleon thinon.Thiu uuurth ist at handon,thia tidi sind nu ginahid.'So thuo thie treulogo that muos antfengendi mid is muthu anbett, so afgaf ina thuo thiu godes craft,gramon inn giuuitun an thena lichamon,letha uuihti,uuarth im Satanassero bitengi hardo umbi is herta,sithor ina thiu helpa godes farliet an theson liohte.So ist thena liudio uue the so under theson himile scalherrono uuehslon.