Stuod im thuo for them uuiheuualdandi Crist, lioƀ landes uuard,endi im thero liudeo hugi, iro uuilleon afteruuaroda:gisah uuerod mikil an that maria husmetmos fuorian, geƀon mid golduendi mid guoduuuebbiu, diurion fratohon.That all drohtin Crist uuaroda uuislico.Thuo quam thar oc en uuiduuua tuo, idis armscapanendi te them alahe gengendi siu an that tresuhustuena lagda erina scattos:uuas iro enuald hugi, uuilleon guodes.Thuo sprac uualdand Crist thie guodo uuiđ is iungron,quat that siu thar geƀa brahti merun mikiluthan elcor enig mannes suno:'Ef hier odaga man ' quathie,'era brahtun, methonhord manag,sie lietun im mero at hus uuelono giuunnan.Ne deda thius uuiduuua so,ac siu te them alahe gafall that siu habda uuelono giuuunnnan,so siu iro uuiht ni fargaf guodes an iro gardon.Bethui sind iru geƀa merun, uualdande uuertha,huand siu it mid sulicon uuilleon deda te theson godes huse.Thes scal siu geld neman, suitho langsam lon,thes siu sulican giloƀon haƀit. 'So gifran ik that thar an them uuiheuualdandi Crist allaro dago gihuilikesdrohtin manno uuisda mid uordon.Stuod ina uuerod umbi, grot folc Iudeono,gihordun is guodun uuord, suotia seggian.Sum so salig uuarth manno undar thero menigithat it bigan an is muod hladan,linodun im thia lerathia the landes uuard all be bilithion gisprac,barn drohtines.Sumon uuarun eft so lethalera Cristes, uualdandes uuord:uuas im uuidarmuod hugi allon them the an thiemo heriscipieherost uuarun, furistun an them folce:fares hogdun uuretha mid iro uuordon,habdun im uuidarsacon gehalodan te helpu,thes herrosten man, Erodeses theganthe thar anduuard stuod uurethes uuillien,that hie iro uuord obarhordi, ef sia ina forfengin,that sia ina than feteros an thia liudi lithobendileggian muostin sundia losan.Thuo gengun im thia gisithos tuo bittro gihugida,that sia uuith that barn godes uuretha uuidarsaconuuordon spracun:'Huat, thu bist eusago ' quathun sia,'allon thiodon,uuisis uuares so filo:nist thi uureth eouuiht te bimithannemanno nigenon umbi is rikiduom,neƀa thu sinnon that reht sprikis endi an thena godes uueggumono gisithi ledis mid thinon leron:ni mah thi lastar mann findan undar theson folke.Nu uui thi fragon sculun, riki thiodan,huilik reht habit thie kesur fan Rumu,thie im te theson kuninge herod tinsi suokitendi gitald haƀit huat uui im geldan sculuniaro gihuilices hoƀitscatto.Saga huat thi thes an thinon hugi thunke:is it reht the nis?Rad for thinon landmagon uuel:us ist thinera lera tharf. 'Sia uueldun that hie it antquathi:than mohta hie thoh antkennian uuel iro uurethan uuillion:'Te hui gi uuarlogan ' quathie, 'fandot min so fruocno?Ne scal iu that te frumu uuerthan, that gi driegiriosdarnungo nu uuelliat mi forfahan.'Hiet hie thuo forth dragan te scauuonne thia scattos' thia gi sculdiga sind an that geld te geban.'Iudeon druogun enna silubrinna forth:sahun managa tuo huo hie uuas gimunitod:uuas an middion scin thes kesures bilithi– that mohtun sia ankennian uuell – iro herren hobidmal.Thuo fragoda sie thie helago Crist after huem thiu gilicnissigilegid uuari.Sia quathun that it uuariuueroldkesures fan Rumuburg' thes the allas thieses rikes habiđ giuuald an thesaro uueroldi. ''Than uuellia ik iu te uuaron ' quathie, 'selƀo seggianthat gi im sin gebat, uueroldherren is giuuunst, endi uualdand gode selliat that thar sin ist:that sculun iuuua seolun uuesan, gumono gestos.'Thuo uuarth thero Iudeono hugi giminsod an them mahle:ni mahtun thia menscathon uuordon giuuinnanso iro uuilleo geng, that sia ina forfengin,huand im that frithubarn godes uuardoda uuiđ thia uurethanendi im uuar angegin, suotspell sagda,thoh sia ni uuarin so saliga te thiu that sia it so farfenginso it iro fruma uuari.
Chapter 47
Sia ni uueldun it thoh forlatan,ac hietun thar ledian forth enn uuiƀ for them uuerode,thiu habda uuam gifrumid, unreht enuuald:thiu idis uuas bifangan an farlegarnisse,uuas iro libes scolo, that sia firio barnferahu binamin, ahtin ira aldras:so uuas an iro euue giscriban.Sia bigunnun ina thuo fragonfruoknie liudi, uuretha mid iro uuordon,huat sia scoldin them uuibe duan, huedar sia sia quelidinthi sia sia quica letin eftha huat hie umbi sulica dadiadelian uueldi:'Thu uuest huo thesaro menigi ' quathun sia,'Moyses gibuod uuaron uuordonthat allaro uuiƀo gihuilic an forlegarnissiliƀes foruuarahti endi that sia than auuurpinuueros mid handon, starcon stenon:nu maht thu sia sehan standan hier an sundion bifangan:Sagi huat thu thes uuellies. 'Uuoldun ina thia uuidarsaconuuordon forfahan,ef hie that giquathithat sia sia quika lietin, friđodi ira ferahe,than uueldun sia quethan that hie so mildan hugi ne bari an is briostonso scoldi hebbian barn godes:uueldun sia so huethareshelagna Crist thero uuordo giuuitnonthie hie thar for them uueroda gispraki, adeldi te duome.Thon uuissa drohtin Crist thero manno so garomuodgithahti, iro uurethan uuillion;thuo hie te them uuerode sprac, te allon them erlon:'So huilik so iuuuer ano si ' quathie, 'slithia sundiun,so ganga iro selbo tuoendi sia at eristerl mid is handon sten an uuerpe.'So stuodun Iudeon,thahtun endi thagodun:ni mahta thegan nigen uuid them uuordquidiuuidarsaca findan:gihogda manno gihuilikmenngithahti, is selbes sundia:ni uuas iro so sicor enig that hie bi them uuordonthem uuiƀe gidorste sten an uuerpan,ac lietun sia standan thar ena thar inneendi im utt thanan gengun gramhardaIudeo liudi en after ođron,antthat iro thar enig ni uuas thes fiondo folkesthia iro ferahes thuo, thero idis aldarlagioahtean uueldi.Thuo gifran ik that sia fragadafrithubarn godes, allaro gumono besta:'Huar quamun that Iudeono folk ' quathie, 'thina uuidersacon,tha thi hier uurogdun te mi?Ni sia thi hiudu uuihtharmes ne gidadun thia liudi lethesthia thi uueldun libu bineman, uuegian te uuundron?'Thuo sprac im eft that uuiƀ angegin,quat that iro thar niomanthuru thes nerienden helaga helpaharm ne gifrumidi uuammes te lone.Thuo sprac eft uualdand Crist, drohtin manno:'Ne ik thi geth ni deriu uuiht ' quathie,'ac gang thi hel hinan,lat thi an thinon hugie sorga that thu nio sith after thiusso sundig ni uuerthes. 'Habda iro thuo geholpanhelag barn godes, gifrithod ira ferahe.Thann stuod that folc Iudeono ubiles anmuodso fon eriston, uurethes uuillien,huo sia uuordheti uuid that frithubarn godesfrummean muostin.Habdun thia liudi an tuemid iro giloƀen gifangan:uuas thiu smala thiodasines uuillien gernera mikilu,thes godes barnes uuord te gifrummeanneso im iro froho gibod:ruomuodun rehtebatt than thia rikun man,habdun ina for iro herrengie for hebancuning,folgodun im gerno.Tho giuuet im thie godes suno an thena uuih innan:huaraf ina uuerod umbi, meginthiodo gimang.Hie an middon stuod,lerda thia liudiliohton uuordon, hludera stemnun:uuas hlust mikil,thagoda thegan manag,endi hie thero thieda gibod,so hue so thar mid thurstubithuungan uuari, 'so gange im herod drincan te mi ' quathie,'dago gihuilikes suotian brunnon.Ik mag iu seggian filo:so hue so hier gilobit te miliudio barno fasto undar theson folke,that im thann fliotan sculun fan is lichamenlibbiandi fluod, rinandi uuater,ahaspring mikil,cumat thanan quica brunnon.Thesa quidi uuerthad uuara, liudeon gilestid,so huem so hier giloƀit te mi. 'Thann menda mid thiu uuataruuualdandi Crist, her hebancuninghelagna gest, huo thena firio barnantfahan scoldin, lioht endi listiendi liƀ euuig, hohan hebanuuangendi huldi godes.
Chapter 48
Vurthun thuo thia liudiumbi thia lera Cristes, umbi thiu uuord an giuuinne:stuodun uulanca man, gelmuoda Iudeon,spracun gelp mikil,habdun it im te hosce,quathun that sia mohtin gihorian uuell that im mahlidin frammuodiga uuihti, unholda ut:'nu hie an uuoh lerid ' quathun sia, 'uuordu gihuilicu.'Thuo sprac eft that uuerod ođer:'Ni thurbun gi thena leriand lahan ' quathun sia:'Cumad libes uuord mahtiga fan is muthe;hie sprikit manages huat, uundres an thesaro uueroldi:nist that uuretharo dad, fiondo craftes:nio it than te sulikero frumu ni uuirthi,ac it gegnungofan gode alouualden cumit fan is crafte.That mugun gi antkennian uuell an thiem is uuaron uuordon,that hie giuuald haƀit alles obar erthun.'Thuo uueldun ina thia antsacon thar an stedi fahaneftha sten an uuerpan, ef sia im thero mannomenigi ni andredin, ni forohtedin that folcscipi.Thuo sprac that frithubarn godes:'Ik togiu iu guodes so filo ' quathie,'fan gode selbon, uuordo endi uuerco:nu uuelliat gi mi uuitnon hier thuru iuuuan starcan hugi,sten an uuerpan, belosian mi liƀu.'Thuo spracun im eft thia liudi angegin uuretha uuidarsacon:'Ne uui it be thinon uuercon ni duot ' quathun sia, 'that uui thi aldres tuoahtian uuelliat,ac uui duot it be thinon uuordon,huand thu sulic uuah sprikis, huand thu thic so marisendi sulic men sagis, gihis for theson Iudeonthat thu sis god selbo, mahtig drohtinendi bist thi thoh man so uui cuman fan theson cunnie.'Crist alouualdo ne uuolda thero Iudeono thuo lenggelpes horian, uuretharo uuillion,ac hie im af them uuihe fuor obar Iordanes strom;habda iungron mid im, thia is saligun gisithos,thia im simlon mid im uuillion uuonodun:suohta uuerod oder,deda thar so hie giuuonodadrohtin selbo,lerda thia liudi:gilobda thie uuolda an is helagun uuord.That scolda sinnon uuel manno so huiliconso that an is muod ginam.Thuo gifrang ik that thar te Cristecumana uurđun bodon fan Bethaniuendi sagdun them barne godes that sia an that arundi tharodidisi sendin, Maria endi Martha,magađ frilica, suitho uunsama uuiƀ– thia uuissa hie bethia:uuarun im gisuester tua,thia hie selƀo er minnioda an is muodethuru iro mildian hugi thiu uuiƀ thuru iro uuillion guodan –.Thuo sia te uuaron im anbudun fon Bethaniuthat iro bruother uuas Lazarus legarfastendi that sia is liƀes ni uuandun,badun that tharod quamiCrist alouualdo helag te helpu.Reht so hie sia gihorda thuo seggian fan so siecon,so sprak hie san angegin,quat that Lazaruseslegar ni uuari giduan im te dode:'ac thar scal drohtines lof ' quathie, 'gifrumid uuerthan:nis it im te ođron freson giduan. 'Uuas im thar thuo selƀosuno drohtines tua naht endi dagas.Thiu tid uuas thuo ginahit that hie eft te HierusalemIudeo liudeo uuison uuelda,so hie giuuald habda.Sagda thuo is gisithonsuno drohtines that hie eft oƀar IordanIudeo liudi suokean uuelda.Thuo spracun im san angegin iungron sina:'Te hui bis thu so gern tharod ' quathun sia, 'fro min, te faranne?Ni that nu furn ni uuas that sia thik thinero uuordouuitnon hogdun, uueldun thi mid stenon starcan auuerpan:nu thu eft undar thia stridigun thioda fundos te faranne,thar ist fiondo ginuog, erlos oƀarmuoda.'Thuo en thero tuelifio, Thuomas gimalda– uuas im githungan mann, diurlic drohtines thegan –:'Ne sculun uui im thia dad lahan ' quathie,'ni uuernian uui im thes uuillien,ac uuita im uuonian mid, thuoloian mid usson thiodne:that ist thegnes cust, that hie mid is frahon samadfasto gistande, doie im thar an duome.Duan us alla so,folgon im te thero ferdi:ni latan use fera uuid thiu uuihtes uuirdig,neba uui an them uuerode mid im doian mid uson drohtine.Than leƀot us thoh duom after, guod uuord for gumon.'So uurthun thuo iungron Cristes, erlos adalboranaan enuualden hugie, herren te uuillien.Thuo sagda helag Crist selbo is gisithonthat aslapan uuas Lazarus fan them legare:'haƀit thit lioht ageban,ansueƀit ist an selmon.Nu uui an thena sith faranendi ina auuekkian,that hie muoti eft thesa uuerold sehan, libbiandi lioht:thann uuirthit iuuua giloƀo after thiu forthuuerd gifestid.'Thuo giuuet hie im oƀar thia fluod thanan thie guodo godes suno,anthat hie mid is iungron quam thar te Bithaniubarn drohtines selƀo mid is gisithon,thar thia gisuester tua, Maria endi Marthaan muodkaron seraga satun.Uuas thar gisamnot filo fan HierusalemIudeo liudo, thia thiu uuiƀ uuoldunuuordon frubrean, that sia so ni karodinkindiunges dod, Lazaruses farlust.So thuo thie landes uuard gieng an thia gardos,so uuurdun thes godes barnes cumi thar gicuthit,that hie so craftig uuas bi thero burg utan.Thuo im bethion uuas thien uuiƀon sulic uuilliothat sia im uualdand Crist tuo that frithubarn godesfarandian uuissun.
Chapter 49
Thuo them uuiƀon uuasuuilliono mesta cumi drohtinesendi Cristes uuord te gihorianne.Heouandi geng Martha muodcaraguuid so mahtigna uuordon uuehslonendi uuid uualdand sprak an iro hugie hreuuag:'Thar thu mi, herro min ' quat siu, 'neriendero best,nahor uuaris, heland thie godo,thann ni thorftig ik nu sulic harm tholon, bittara briostcara:than ni uuari nu min bruother dod, Lazarus fan theson liohte,ac hie mahti im libbian forth ferahes gifullid.Ik thoh, fro min, te thi liohto gilobiu,lerandero best, so hues so thu biddian uuiliberahtan drohtin, that hie it thi san fargiƀitguod alomahtig, giuuirthot thinan uuillion.'Thuo sprak eft uualdand Crist thera idis anduuirdi:'Ni lat thu thi an innan thes ' quathie, 'thinan seƀon suercan:ik thi seggian mag uuaron uuordonthat thes nist giuuand enig, ne thin bruother scalthuru gibod guodes, thuru drohtines craftfan dođe astandan an is likhamen. ''All hebbiu ik gilobon so ' quat siu, 'that it so giuuerthan scalso huann so thius uuerold endiot endi thie mario dagoƀar mann farid, that hie thann fan erthu scalupp astandan an them duomes dage,than uuerthad fan dode quica thuru maht godesmancunnies gihuilic,arisat fan rastu.'Thuo sagda riki Crist thero idis alomahtigopanon uuordon that hie selbo uuassuno drohtines, bethiu ge lioht ge liƀliudio barnon te astandenne:'Nio thie astereban ni scal, lif farliesanthie hier gilobit te mi:thoh ina eldibarnerthu bithekkian, diopo bideluuan,nis hie dod thiu mer:that flesk is bifolahan,that fera ist gihaldan,ist thiu seola gisund.'Thuo sprak im eft san angegin that uuiƀ mid iro uuordon:'Ik gilobiu that thu the uuaro bist ' quat siu, 'uualdandes suno, Crist alouualdo:that mag man antkennian uuel, uuiton an thinon uuordon,that thu giuuald habis thuru thiu helagun giscapuhimiles endi erthun. 'Thuo gifran ik that thar thero idiseo quamođer gangan Maria muodcarag:gengun iro managa after Iudeo liudio.Thuo siu them godes barne sagda seragmuod,huat iro te soragu gistuod an iro hugi harmes:hofnu cumda Lazaruses farlust,leobes mannes,griot gornondi,antthat them godes barne hugi uuarth gihruorid:heta trahni uuopu anuuillun,endi thuo te them uuibon sprac,hiet ina thuo ledianthar Lazarus uuas fuldu bifolhan.Lag thar en felis bioƀan, hard sten bihlidan.Thuo hiet thie helago Crist andlucan thia hlea,that hie mosti that lik sehan, hreu scauuoian.Thuo ni mohta an iru hugi mithan Marthun for thero menigi:uuid mahtina sprac:'Fro min the guodo ', quat siu,'ef man thena felis nimid, thena sten antlukit,thann uuaniu ik that thanan stanc cume, unsuoti succ,huand ik thi seggian mah uuaron uuordonthat thes nist giuuand enig thar hie thar nu bifolahan uuasfiuuuar naht endi dagos an them erthgraƀe.'Anduurdig gaf uualdand them uuiƀe:'Huat, sagda ik thi te uuaron er ' quathie,'ef thu gilobian uuili,than nist nu lang te thiu huat thu hier antkennean scaltcraft drohtines, thia mikulun maht godes.'Thuo gengun managa tuo,afhuobun hardan sten.Thuo sah thie helago Crist upp mid is ogon,alat sagda them thie thesa uuerold giscuop:'thes thu min uuord gihoris ' quathie, 'sigidrohtin self;ik uuet that thu so sinnon duos,ac ik duon it be thison grotanIudeono folke, that sie that te uuaren uuitinthat thu mi an thesaro uuerold sandos theson liudion te lerun.'Thuo hie ti Lazaruse hreop starkero stemnunendi hiet ina standan upp ge fan them graƀe gangan.Thuo uuarth thie gest cuman an thena likhamon:hie bigan is lithi hruorian,anduuarp under them giuuadie:uuas imo so beuundan thuo noh, an hreubeddon bihelid.Hiet im helpan thuo uualdandeo Crist.Uueros gengun tuo,antuundun that giuuadi.Uuanom upp ares Lazarus te theson liohte:uuas im is liƀ forgeban, that hie is aldargilaguegan muosta, fritho forthuuardes.Thuo faganodun bethia Maria endi Martha:ni mag that mann ođron giseggian te suothen,huo thia gisuester tua menndun an iro muode.Manag uundroda Iudeo liudeo,thuo sia ina fan them graƀe sahun sithon gisundanthena thi er suht fornam endi sia bidulbundiopo undar erthun liƀes losan:thuo muosta im libbian forth hel an hemon.So mag hebancuninges thiu mikila maht godesmanno gihuilikes ferahe giformonendi uuid fiondo nith helag helpanso huem so hie is huldi fargibit.
Chapter 50
Thuo uuarth thar so managon manmuod after Criste gihuorban hugiscefti,sithor sia is helagun uuerc selƀon gisauuun,huand gio er sulic ni uuarth uundar an uueroldi.Thann uuas eft thes uuerodes so filo, muodstarca mann:ne uueldun thia maht godes antkennian kuthlico,ac sia uuid is craft mikil uuunnun mid iro uuordon:uuarun im uualdandes lera so letha:suohtun im liudi ođra an Hierusalem,thar Iudeono uuas heri endi handmahalendi hobitstedi, grot gumscipigrimmero thiedo.Sie cuthdun im thuo Cristes uuerc,quathun that sia quican sauuin thena erl mid iro ogonthie an erthu uuas foldu bifalahanfiuuuar naht endi dagos, dod bidoluan,antthat hie ina mid is dadeon selƀo mid is uuordon auuekida,that hie muosta thesa uuerold sehan.Thuo uuas that so uuidarmuoduulancon mannon, Iudeo liudion:hietun iro gumscipi thuo uuerod samnionendi huarauos fahan, meginthiodo gimang,an mahtina Crist riedun an runu:'Nist that rad enig ' quathun sia, 'that uui that githoloian:uuil thesaro thiedo te filo giloƀon after is lerun.Thann us liudi farad an ieridfolc,uuerthat usa obarhobdion rincos fan Rumu.Thann uui thieses rikes sculun losa libbeaneftha uui sculun uses libes tholon, helithos usaro hobdo.'Thuo sprac thar en giherod man, obar huarf uuero,thie uuas thes uuerodes thuo an theru burg innanbiscop thero liudio – Caiphas uuas hie hetan;habdun ina gicoranan te thiu an them iartaleIudeo liudi that hie thes godes husesgomian scolda, uuardun thes uuihes –:'Mi thunkit uuundar mikil ' quathie, 'mari thioda– gi cunnun manages gisceth – hui gi that te uuaron ni uuitin,uuerod Iudeono, that hier is betera radbarno gihuilicon that man hier enna manaldru bilosie endi that hie thuru iuuua dadidrorah sterabe, furi thitt folcscipiferah farlate, than all thit liuduuerodfarloran uuerthe. 'Ni uuas it thoh is uuilleonthat hie so uuar gisprac so forth furi them folke,fruma mancunnies gimenda furi thero menigi,ac it quam im fan thera maht godes thuru is helagun heth,huand hie that hus godes thar an Hierusalembigangan scolda, uuardun thes uuihes:bithiu hie so uuar gisprak biscop thero liudio,huo scolda that barn godes alla irminthiodmid is enes ferhu, mid is libu alosean:that uuas allaro thesaro liudio rad, huand hie gihaloda mid thiuhie theoda, uuerod an is uuillionuualdandeo Crist.Thuo uurthun ennuuurdiaoƀarmuodiga mann, uuerod Iudeono,endi an iro huaraue gispracun, mari theoda,that sia im ni lietin iro muod tuehon: so hue so ina under them folkefindan mohti, that hie ina san gifengiendi forth brahte an thero thiedo thing;quathun that sia ni mahtin githolian leng that sia thie eno manso alla uueldi uuerod faruuinnan.Than uuissa uualdand Crist thero manno so garomuodgithahti, hetigrimman hugi,huand im ni uuas biholan eouuiht an thesaro middilgard:hie ni uuelda thuo an thia menigi innan sithor opanlicounder that erlo folc gangan under thia Iudeon:bed thie godes suno thero torohtun tidthiu im tuouuerd uuas, that hie fur thesa thiodatholian uuolda for thit uuerod uuiti:uuissa im selbo that dagthingi garo.Thuo giuuet im usa drohtin forthendi im thuo an Effremalouualdo Crist an thero hohun burghelag drohtin uuonoda mid is uuerodu,antthat hie an is uuilleon huarf eft te Bithaniubrahtmu thiu mikilun, mid thiu is guoden gumscipiu.Iudeon bisprakun that thuo uuordu gihuiliku,thuo sia im sulic uuerod mikil folgon gisahun:'Nis fruma enig ' quathun sia, 'uses rikies giradi,thoh uui reht sprecan, ne thihid uses thinges uuiht:thiu thioda uuili uuendian after is uuillien;imo all thius uuerold folgot, liudi bi thiem is lerun,that uui im lethes uuiht bi them folcsciepegifrummian ni muotun. '