Thuo giuuet im thie helago Crist forthuuardes faran,frumida allmahtig allaro dago gihuilicasdrohtin thie guodo liudo barnon liof,lerda mid uuordon godes uuilleon gomon,habda im iungrono filo simla te gisithon,salig folc godes, manno megincraftmanagaro thiodo, helag heriscipi,uuas is helpono guod, mannon mildi.Thuo hie mid thero menigi quam, mid thiu brahtmu that barn godeste burug thero hohun thie neriendo te Naym:thar scolda is namo uuerthan mannon gimarid.Thuo geng mahtig tuo neriendo Crist,antthat hie ginahid uuas, helandi Crist:so sauun sia thar enn hreo dragan, liflosan lichamon;thia liudi fuorun,berun an enero barunut at them burges dore maguiungan man.Thiu muoder after geng an iru hugie hriuuigendi handon sluog,karoda endi kumdairo kindes dot, idis armscapan:it uuas iro enag barn;siu uuas iru uuiduuua,ni habda uunnia than mer, neuan ti them enigan sunieall gilatan, uunnia endi uuilleon,antthat ina iru uurth binam, mari metodgiscapu.Megin folgoda, burugliudeo gibrac,thar man ina an barun druog iungan man te graƀe.Thar uuarth im thie guodes suno mahti mildi,endi te thero muoder sprac,hiet that thiu uuiduuuauuop forlieti, kara after them kinde:'Thu scalt hier craft sehan, uualdandes giuuerc:thi scal hier uuillio gistan, fruoƀra for theson folce:ne tharft thu fera karon barnes thines.'Thuo hie ti thero baron gengiac hie ina selƀo anthrensuno drohtines helagon handon,endi ti them helithie sprak,hiet ina so alaiunganupp astandan, arisan fan theru restun.Thie rinc up asat, that barn an thero barun:uuarth im eft an is briost cuman thie gest thuru godes craft,endi hie tegegnes sprac the man uuid is magos.Thuo ina eft thero muoder bifalah helandi Crist an hand:hugi uuarth iro te froƀra thes uuiƀes an uunneon,huand iro thar sulic uuilleo gistuod.Fell siu tho te fuotun Cristesendi thena folco drohtin loƀoda for thero liudeo menigi,huand hie iro at so liobes ferahe mundoda uuiđer metodigisceftie:farstuod siu that hie uuas thie mahtigo drohtin, thie helago thie himiles giuualdid,endi that hie mahti gihelpan managon, allon irminthiedon.Thuo bigunnun that ahton managa that uunder that under them uueroda giburida,quathun that uualdand selƀo mahtig quami tharod is menigi uuison,endi that hie im so marean sandi uuarsagon an thero uueroldes rikie,thie im thar sulican uuillieon frumidi.Uuarth thar thuo erl managegison bifangan,that folc uuarth an forohton:gisahun thena is fera egan, dages lioht sehanthena the err dođ fornam, an suhtbeddeon sualt:thuo uuas im eft gisund after thiu kindiung aquicot.Thuo uuarth that kuth oƀar all abaron Israheles.Reht so thuo aƀand quam, so uuarth thar all gisamnodseokora manno, haltaro endi habaro,so huat so thar huergin uuas, thia lebun under them liudeon,endi uurđun thar giledit tuo, cumana te Criste,thar hie im thuru is craft mikil halp endi sia helda,endi liet sia eft gihaldana thanan uuendan an iro uuilleon.Bethiu scal man is uuerk lobon, diuran is dadi,huand hie is drohtin self, mahtig mundboromanno kunnie, liudeo so huiliconso thar giloƀit tuo an is uuord endi an is uuerc.
Chapter 27
Thuo uuas thar uuerodes so filo allaro elithiodo cumante them eron Cristes, te so mahtiges mundburd.Thuo uuelda hie thar ena meri lithan thie godes suno mid is iungronan eban Galilealand, uualdand enna uuago strom.Thuo hiet hie that uuerod ođar forthuuerdes faran,endi hie giuuet im fahora sum an enna nacon innanneriendi Crist slapan sithuuorig.Segel upp dadun uuederuuisa uueros,lietun uuind after manon oƀar thena meristrom,unthat hie te middean quam uualdand mid is uuerodu.Thuo bigan thes uuedares craft, ust up stigan,uthiun uuahsan,suang gisuerc an gimang:thie seu uuarth an hruoru,uuan uuind endi uuater;uueros sorogodun,thiu meri uuarth so muodag,ni uuanda thero manno nigen lengron libes.Thuo sia landes uuard uuekidun mid iro uuordonendi sagdun im thes uuedares craft,badun that im ginathigneriendi Crist uurđi uuid them uuatare:'eftha uui sculun hier te uunderqualu sueltan an theson seuue.'Self upp ares thie guodo godes sunoendi te is iungron sprak,hiet that sia im uuedares giuuinuuiht ni andredin:'Te hui sind gi so forhta? 'quathie.'Nis iu noh fast hugi,giloƀo is iu te luttil.Nis nu lang te thiu that thia stromos sculunstilrun uuerthan gi thit uuedar uunsam.'Thuo hie te them uuinde sprak ge te them seuua so selfendi sia smultro hiet bethiu gibareon.Sia gibod lestun, uualdandes uuord:uueder stillodun,fagar uuarth an them fluode.Thuo that folc under im uuerod uundroda,endi suma mid uuordon sprakun, huilic that so mahtigromanno uuari that im so thie uuind endi thie uuaguuordu hordin bethiu is gibodscipies.Thuo habda sia that barn godes ginerid fan thero nodi:thie naco furthor scred, hohurnid scip;helithos quamun, thia liudi te lande,sagdun lof gode,maridun is megincraft.Quam thar manno filo angegin thena godes suno;hie sia gerno antfieng, so huena so thar mid hlutru hugiuhelpa sohta;lerda sia iro giloƀonendi iro likhamon handon helda:nio thie man so hardo ni uuas giserid midi suhtion:thoh ina Satanases fegnia iungronfiondes craftu habdin undar handonendi is hugiscefti, giuuit auuerdit,that hie uuodiandi fuori under them folce:thoh im simla ferah forgaf helendi Crist,ef hie te is handon quam,dref thia diuƀlos thanandrohtines craftu, uuaron uuordon,endi im is giuuit forgaf;liet ina than helanuuidar hettindeon,gaf im uuith thia fiond friđo,endi im forth giuuet an so huilicon thero landoso im thann lioƀost uuas.
Chapter 28
So deda thie drohtines sunodago gihuilikies guod uuerc mid is iungron,so neo Iudeon umbi that an thia is miklun mahtthiu mer ni gilobdun, that hie alouualdoalles uuari landes endi liudeo:thes sia noh lon nimat, uuidana uuracsiđ,thes sia thar that giuuin dribun uuid selƀon thena suno drohtines.Thuo hie im met is gisithon giuuet eft an Galilealandgodes egan barn:fuor im te them friondonthar hie afuodid uuas endi all under is kunniekindiung auuohs, the helago heland.Umbi ina heriscipi, theodo thrungun;thar uuas thegan manag so sali under them gisithie.Thar druogun enna seocan man erlos under iro armon:uuoldun ina for ogun Cristes brengan for that barn godes:uuas im buotono tharf, that ina giheldihebanes uualdand, manno mundboro;thie uuas err so managan dag lithouuastmon belamod,ni mohta is lichamon uuihti giuualdan.Than uuas thar uuerodes so filo that sia ina for that barn godesbrengian ni mohtun, githringan thuru tha thioda,that sia so thurftiges sunnia gisahdin.Thuo giuuet im an enna seli innan helandi Crist;huarf uuarth thar umbi, meginthiodo gimang.Thuo bigunnun thia man sprekean thia thena lefna lamonlango fuordun, barun mid is beddiu,huo sia ina gidrogin for that barn godes an that uuerod innan,thar ina uualdand Crist selƀo gisauui.Thuo gengun thia gisithos tuo,huoƀun ina mid iro handonendi uppan that hus stigun,slitun thena seli oƀanaendi ina midi selun lietun an thena racod innanthar thie rikeo uuas, cuningo craftigost.Reht so hie ina thuo cuman gisah thuru thes huses hrost,so hie thuo an iro hugie farstuod, an thero manno muodseƀon,that sia mikilan ti im giloƀun habdun;thuo hie for them liudon sprak,quat that hie thena seocan mansundeono tuomian latan uueldi.Thuo sprakun im eft thia liudi angegin, gramherta Iudeon,thia thes godes barnes uuord afterfardun,quathun that that ni mohti giuuerthan so, grimuuerc forgeban,neuuan god eno, uualdand thesaro uueroldes.Thuo habda eft is uuord garo mahtig barn godes:'Ik giduon that ' quathie, 'an theson manno scin thie hier so seoc ligitan theson seli innan, te uundron giuuegit,that ik giuuald hebbiu sundea te fargiƀanneendi oc seokan man te gihelianne,so ik ina hrinan ni tharf. 'Manoda ina thuothe mario drohtin liggandan lamon,hiet ina for them liudeon astandan upp alahelanendi hiet ina an is ahslun neman is bedgiuuadi te bake;hie that gibod lesta sniumo for them gisithonendi geng im eft gisund thanan, hel fan them huse.Thuo thes so manag hethin man, uueros uundrodun,quathun that im uualdand self, god alomahtigforgeƀan habdi merun mahtithan elcor enigon mannes sunie, craft endi cunsti;sia ni uueldun ankennian thoh Iuđeo liudithat hie god uuari,ne giloƀdun is lerun,ac habdun im lethan strid,uunnun uuider is uuordon:thes sia uuerc hlutun, lehtlic longeld,endi so noh lango sculun, thes sia ni uueldun horeanhebancuninges, Cristes lerun,thie hie cutda oƀar all, uuido after thesaro uueroldi,endi liet sia is uuerc sehan allaro dago gihuilikesis dadi scauuon, horean is helag uuord,thie hie te helpu gisprac manno barnon,endi so manag mahtilic tecan gitogda,that sia truodin thiu bat, gilobdin is lerun.Hie so managan likhamon balusuhteo an handbuota giscerida,forgaf fegion fera,them thie fusid uuas helit an helsit:thena gideda thie heland self, Crist thuru is craft mikilquican aftar dođe,liet ina an thesaro uueroldi forthuunneono niotan.
Chapter 29
So helda hie thia haltun manendi thia haƀun so self,buotta them thar blinda uuarun,liet sia that berehta lioht, sinsconi sehan,sundia losda, gumono grimuuerc.Ne uuas io Iudeo bethiu lethes liudscipesgiloƀo thiu bettera an thena helagon Crist,ac habdun im hardon muod, suitho starcan strid,forstandan ni uueldun that sia habdun farfanganfiondon an uuillon liudi mid iro giloƀen.Ni uuas io thiu latera bithiu suno drohtines,ac hie sagda mid uuordon huo sia scoldin gihalonhimiles riki,lerda after them lande,habda im thero liudeo so filo giuuenid mid is uuordon,that im uuerod mikil, folc folgoda,endi hie im filo sagda be bilithon that barn godes,thes sia ni mohtun an iro briostun forstandan, underhuggian an iro herten,err it im thie helago Crist oƀar that erlo folcoponon uuordon thuru is selƀes craftseggian uuelda, marian huat hie menda.Thar ina megin umbi, thiodo thrungun:uuas im tharf mikil te gihoreannehebancuninges uuarfastun uuord.Hie stuod im thuo bi enes uuatares stade,ni uuelda thuo bi them githringeoƀar that thegno folc an them lande uppanthia lera cuthian,ac geng im thuo thie guodoendi is iungron mid im, friđubarn godesthem fluode nahor an en scip innan,endi it scaldan hiet lande rumor,that ina thia liudi so filo, thioda ni thrungi.Stuod thegan manag, uuerod bi them uuatere,thar uualdand Crist obar that liudeo folclera sagda:'Huat, ik iu seggian mag ' quathie,'gisithos mina, huo im en erl biganan ertha saian hrencurni mid is handon.Sum it an herdan sten oƀaruuerdan fell,erthun ni habda, that it thar ni mohti uuahsaneftha uurti gifahan, kinan efthuo bicliƀan,ac uuarth that corn farloran, lioblic feldes fruht.Sum it eft an land bifel, an erthun adalcunnies:bigan im after thiu uuahsan uuanlicoendi uurtio fahan,lot an luston:uuas that land so guod, fronisco gifehod.Sum it eft bifallan uuarth an ena starca stratun,thar stuopon gengun, hrosso huofslegiendi helitho strada… bigan im an them uuega uuahsan;thuo it eft thes uuerodes farnam thes folkes fard mikil,endi fuglos alasun, that it them ecson uuihtafter ni muosta uuerthan te uuilleonthes thar an thena uueg bifell.Sum uuarth it than bifallanthar so filo stuodun thickero thornoan them dage;uuarth im thar an erthuendi eft upp gigeng,ken im thar endi bicliboda.Thuo slogun thar eft crud an gimang,uueridun im thena uuaston:habda it thes uualdes hlea forana obarfangan,that it ni muosta te enigero fromu uuerthan, ef it tha thornos sothringan muostin. 'Thuo satun endi suiguodungisithos Cristes, uuordspaha uueros:uuas im uundar mikil bi huilicon bilithonthat barn godes sulic suothlic spellseggian bigunni.Thuo bigan is thero erloen fragoian holdan herron,hneg im tegegnes tulgo uuerthlico:'Huat, thu giuuald habis ' quathie, 'ge an erthu ge an himile,helag drohtin, uppe endi nithare:bist thu alouualdo gumono gesto,endi uui thina iungron sind, an uson hugie holda.Herro the guodo, ef it thin uuillie si,lat us thinero uuordo thar endi gihorian,that uui it after thi all cristinfolccuthian motin.Uui uuitun that thinon uuordonuuarlic bilithi forth folgoiat,endi us is firinon tharf that uui thin uuord endi thin uuerc,huand it all fan sulicon giuuittie cumid, that uui it an theson lande at thilinon muotin. '
Chapter 30
Thuo im eft tegegnesgumono besta anduuordi gisprac:'Ni menda ik elcor uuiht ' quathie, 'te biderniannedadio minero, uuordo eftha uuerco:thit sculun gi uuitan alla, iungron mina,huand iu forgeban habit uualdand thesaro uueroldesthat gi uuitan muotun an iuuuon hugisceftionhimilisc giruni:them ođron scal man be bilithonthat gibod godes uuordon uuisean.Nu uuelliu ik iu te uuaron hier marian huat ik menda,that gi mina thiu bat oƀar all thit landscipilera forstandan.That sad that ik iu sagda,that is selƀes uuord, thiu helaga lerahebancuninges, huo man thia marian scaloƀar thesan middilgard, uuido aftar thesaro uueroldi.Uueros sind im gihugida man mislico:sum sulican muod dregit, harda hugisceftiendi hrean seƀon, that ina ne giuuerthotthat hie it bi iuuuon uuordon dua, that hie thia mina lera forthlestian uuellie, ac uuerthat thar so forloranalera mina, godes ambusniendi iuuaro gomono uuord an them uƀilon man,so ik iu err sagda that that corn faruuarththat thar met kithon ni mahta an them stene uppanstedihaft uuerthan.So uuirdit all forloranethilero spraca, arundi godes,so huat so man them uƀilon man uuordon giuuisit,endi hie it an thia uuirsun hand, undar fiondo folcfard gikiusit, an godes unuuilleonendi an gramono hrom endi an fiures farm.Forth scal hie hetian met is briosthugiebreda logna.Nio gi an theson lande thiu leslera mina uuordon ni uuiseat:ist theses uuerodes so filo erlo aftar thesaro erthun:bistet thar ođor man, thei ist im iung endi glauendi haƀit im guodan muod, spracono spahiendi uuet iuuoro spello gisced;hugit is than an is hertenendi horit thar mid is oron tuo suitho niudlicoendi nahor sted,an is briost hleditthat gibod godes,linot endi lestit:ist is giloƀo so guod,talot im huo hie odarnaeft gihuerƀie menndadigan man,that is muod draga hluttra treuuate hebancuninge.Than bredid an thes briostonthat gibod godes, thie luƀigo giloƀo,so an them lande duot that corn met kithon,thar it gegrund haƀit endi im thiu uurth bihagotendi uuederes gang, regan endi sunna,that it is reht haƀit.So duot thiu godes leraan them guodon man dages endi nahtes,endi gangat im diuball ferr, uuretha uuihtiendi thie uuard godes nahor mikiludages endi nahtes, andthat sia ina brengiatthat thar bethiu uuirdit ge thiu lera te frumuliudio barnon thiu fan is muthe cumit,ge oc uuirdit the man gode;haƀit so giuuehslotte thesaro uueroldstundu mid is hugisceftionhimilrikes gidel, uuelono them meston:ferit im an giuuald godes, tionuno temig.Treuua sind so guoda gumono gihuilicon,so nis goldes hord gilik sulicon giloƀon.Uuesat iuuuero lerono forth mancunnie mildia:sia sind so mislica helithos gihugida:sum habit iro hardon striđ, uurethan uuilleon,uuancalna hugi,is im fecnes fullendi firinuuerco.Than biginnit im thunkean,than hie under thero thieda steđ endi thar gihoridoƀar hlust sprecan thia godes lera:than thunkit im that hie sia gerno forth lestian uuillie;thann biginnit im thiu lera guodes an is huge hafton,antthat im thann eft an hand cumit fehu te gifuorieendi fremithi scatt.Than farlediat inalethia uuihti, than hie im farfahitan fehugiri, aleskit thena gilobon:than uuas im that luttil fruma that hie it io an is herten gihugit,ef hie it haldan ni uuili.That ist so thie uuastonthe an them uuege bigan liođan an them lande:thoh fornam ina eft thero liodio fard.Suo duot sia meginsundiunan them mannes hugie thia guodes lera,ef hie is ni gomit uuell;elcor bifalliat sia inaferna te bothme, an thena hetan hell,thar hie hebancuninge ni uuirthit furthor ti fromu,ac ina fiond sculun uuitiu giuuarogian.Simla gi mid uuordon forth lerat an theson lande:ik can thesaro liudio hugi, so mislican muodseƀonmanno cunnies, so uuanda uuisa…Sum haƀit all te thiu is muod gilatanendi merr sorogot huo hie that hord bihalde,than huo hie hebancuninges uuilleon giuuirkie.Bethiu thar uuahsan ni mag that helaga gibod godes,thoh it thar ahafton mugi, uurtion biuuerpan,huand it thie uuelo thringit, so samo so that crud endi thie thornthat corn antfahat, uueriat im thena uuaston;so duot thie uuelo manne:giheftid is herta,that hie it gihuggian ni muot thie man an is muode,thes hie mest bitharf, huo hie that giuuirkiethan lang thie hie an thesaro uueroldi si, that hie ti euuondageafter muoti hebbian thuru is herren thanchimiles riki, so endilosan uuelon,so that ni mah enig man uuitan an thesaro uueroldi.Nio hie so uuido ni can te githenkeannethegan an is muode, that it bihaldan mugiherta thes mannes that hie that ti uuaron uuitihuat uualdand god habit guodes gigereuuid,that all geginuuerd steđ manno so huiliconso ina hier minniot uuel endi selƀo te thiuis seola gihaldit, that hie an lioht godeslithan muoti. '