Thuo umbi thena neriendan Cristnahor gengun sulica gesithosso hie im selƀo gicos uualdand under them uuerode.Stuodun uuisa man, gumon umbi thena guodes sunogerno suitho, uueros an uuilleon:uuas im thero uuordo niud,thahtun endi thagodun,huat im thero thiedo drohtin uueldi uualdand selfuuordon cuthian theson liudeon te lioƀe.Than sat im thie landes hirdi geginuuard for thiem gumongodes egan barn:uuolda mid is spraconspahuuord manag lerean thia liudi,huo sia loƀ gode an theson uueroldrikeauuirkean scoldin.Sat im thuo endi suigodaendi sah sie an languo,uuas im hold an is hugihelag drohtin, mildi an is muode,endi thuo is muđ antloc,uuisda mid is uuordonuualdandes suno manag marlic thingendi them mannon sagda spahon uuordonthem the hie te thero spraco tharod Crist alouualdogicoran haƀda, huilica uuarin alleroirminmanno gode uuerthostungumono kunnies;sagda im thuo te suothen,quat that thia saliga uuarin mann an thesaro middilgardunthia her an iro muode uuarin arma thuru ođmuodig:'them is that euuana riki suithuo helaglican heƀanuuange sinliƀ forgeƀan.'Quat that oc saliga uuarin madmundea man:'thia muotun thea mariun ertha ofsittean that selƀa riki.'Quat that oc saliga uuarin thia her uuiopin iro uuammon dadi:'thia muotun eft uuilleon gibidan, frofra an them selƀon rikie.Saliga sind oc the sia hier frumono gilustid, rincos, that sia hier rehto aduomean.Thes muotun sia uuerthan an them rikie drohtines gifullit thuru iro feruhtun dadi:sulikero muotun sia frumono biknegan thia rincos the hir rehto aduomeađ,ne uuelleat an runu bisuikean man thar sia an mahle sittean.Saliga sind oc them hier mildi uuirđit hugi an helitho brioston:them uuirđit thie helago drohtin mildi mahtig selƀo.Salige sind oc under thesaro managun theodo thia hebbeađ iro herta gihrinid:thia muotun thena heƀanes uualdand sehan an sinon rikie.'Quat that oc saliga uuarin ' thie hier frithusama under theson folca libbeatendi ni uuelleat eniga fehta giuuirkean, saca mid iro selbaro gidadeon:thia motun uuesan suni drohtines ginemnida, huand hie im uuili ginathig uuerthan;thes muotun sia niotan lango selƀon thes sinas rikeas.'Quat that oc saliga uuarin thia rincos thia rehto uueldin,'endi thuru that tholond rikeoro manno heti endi harmquidi:them is oc an himile godas uuang forgeƀanendi gestlic liƀ after te euuondage,so thes io endi ni cumit, uuelono uunsamost.'So haƀda thuo uualdand Crist for them erlon tharahto gitalda salđa gisagda:mid them scal simbla gihuie himilrice gihalonef hie it hebbean uuili,eftha hie scal te euuondageafter tharƀon uuelon endi uuillon,sithor hie thesa uuerold agiƀid, erthliƀgiscapuendi sokit im ođer lioht, so lioƀ so leth,so hie mid theson liudeon hier giuuerkot an thesaro uueroldi,all so it thar thuo mid is uuordon sagda Crist alouualdo,cuningo rikost, godes egan barniungron sinon:'Gi uuerthat oc so saliga ' quathie,'thes iu saca biodat liudi after theson landeendi leth sprecat, hebbeat iu te hoskeendi harmes filo giuuirkeat an thesaro uueroldiendi uuiti gifrummat, felgeat iu firinspracaendi fiondscepi, logneat iuuua lera,duat iu lethes filo harmes thuru iuuuaron herron.Thes latat gi iuuuan hugi sinnon lif an luston,huand iu that lon stendit an godes rikea garo,guodo gihuilicas micil endi managfald:that is iu ti miedu fargeƀan, huand gi hier err biforanarƀed tholodun, uuiti an thesaro uueroldi.Uuirss is them ođron, giƀiđig grimmera thingthem thia hier guod egun, uuidon uuerolduuelon:thia forslitat iro uunnia hier;giniodot sea ginuogies:sculun eft naruara thing after iro hinfardihelithos tholoian.Than uuopiat thar uuansceftithia hier er an uunneon sind, libbeat an allon luston,ni uuelleat thes forlatan uuiht, mengithahteo,thes sia an iro muod spanit, letharo gilesteo.Than im that lon cumit, uƀil arƀitsam,than sea is thena endi sculun sorgondi gisehan.Than uuirđit im ser hugi thes sea thesaro uueroldes so filouuilleon fulgengun man an iro muodseƀon.Nu sculun gi im that men lahan, uuerian mid uuordon,all so ik iu nu giuuisean mag, seggean suotlico,gisithos mina, uuaron uuordon,that gi thesaro uueroldes nu forth sculun salt uuesansundigaro manno, buotean iro baludadi,that sea an betera thing folc farfahanendi forlatan fiondes giuuerc, diuƀales gidadiendi suokean iro drohtines riki.So sculun gi mid iuuuon leronliudfolc manag uuendan after minon uuilleon.Ef iuuuer than auuirđit huilic, forlatit thia lerathia hie lestian scal, than is imo so them saltethem man bi seuues stađe uuido teuuirpit:than it te uuihti ni dog,ac it firio barnfuotun spurnat gumon an greote.So uuirđit them the that godes uuord scal mannon marean:ef hie im than latit is muod tuehon, that hie ni uuellie mid hluttru hugiute heƀanrikie spanan mid is spracuendi seggian spel godes, ac uuenkit thero uuordo,than uuirthit im uualdand gram, magti muodag,endi so samo manno barn;uuirthit allon themirminthiodon liudeon alethid,of hie is lera ni dog. '
Chapter 17
So sprac hie thuo spahlicoendi sagda spel godes,lerda thie landes uuardliudi sina mid hluttru hugiu.Helithos stuodun gumon umbi thena godes sunogerno suithuo, uueros an uuilleon:uuas im thero uuordo niud,thahtun endi thagodun,gihordun thero thiedo drohtin seggean eu godeseldibarnon;gihiet im heƀanrikiendi ti them helithon sprak:'Oc mag ik iu seggean,gisithos mina, uuarun uuordon,that gi thesaro uueroldes nu forth sculun lioht uuesanliudeo barnon fagar mid firihonoƀar folc manag, uuliti endi uunsam:ni mugun iuuua uuerc mikil biholan uuerthan,mid huilicu gi sea hugiu cuthiat:than mer the thiu burh ni magthiu an berge stet, hoh holmcliƀubiholan uuerthan, uurisilic giuuerc,ni mugun iuuua uuord than mer an thesaro middilgardmannon uuerthan iuuua dadi bidernid.Duot so ik iu leriu:latat iuuua leoht mikilleodeon scinan, manno barnon,that sia forstandan iuuuan muodseƀon, iuuua uuerc endi iuuuan uuilleon,endi thes uualdand god mit hluttru hugiuhimiliscan fader loƀon an thesan liohte,thes hie iu sulica lera forgaƀ.Ni scal nioman lioht the it haƀitliudeon dernian, te hardo bihullean,ac hie it hoho scal an seli settian,that thia gisehan mugin alla gihuilicathia thar inne sind helithos an hallu.than hald ni sculun gi iuuua helag uuord an theson landscepiliudeon dernean, helithcunnie forhelan,ac gi it hoho sculun bredian that gibod godes,that it allaro barno gihuilic oƀar al thit landscepiliudi forstandan endi so gifrummeanso it an furndagon tulgo uuisa manuuordun gisprakun, than sia thena aldan euerlos heldun, endi oc sulicu suithorso ik iu nu seggean mag alloro gumono gihuilicgode thienoian, that it thar an them aldaneuue gibiede.Ni uuaneat gi thes mit uuihtithat ik bithiu an thesa uuerold quami that ic thena aldan euuirrean uuillie, fellean an theson folke,eftha thero furisagono uuord uuiđeruuerpan,thia hir so giuuara mann baralico gibudun.Er scal bethiu tefaran himil endi ertha,thia nu bihlidan standad, er than thero uuordouuiht biliƀe unlestero an theson liohtethe sia theson liudeon hier uuarlic gibudun.Ni quam ik an thesa uuerold te thiu that ik feldi thero furisagono uuord,ac ik sea fullean scal, okian endi niuuianeldibarnon, theson folke te frumu.That uuas furn giscriƀan an them aldan euua– gi hordun it oft sprekean uuordun uuisa man –:so huie so that an thesaro uueroldi giduot that he ođernaaldru biniote, liƀu bilosie,them sculun liudio barn duot adelean.Than uuilleo ik it iu diopor nu furthor bifahan:so huie so ina thuru fiondscepi man uuider ođernaan is muodseƀon bilgid an is breostun,huand sia alla gibruother sind, salig folc guodessibbeon bitengia, man mid magscepiu:than uuirthit thoh huie ođron an is muode so gram, liƀas uueldi ina bilosean,of hie mohti gilestian so:than is hie san afehidendi is thes ferahes scolo, all sulicas urdelesso thie ander uuas, thie thuru is handmeginhoƀda bilosda erl ođerna.Oc is an them euue giscriƀan uuaron uuordon,so gi uuitun alla, that man is naistonniudlico scal minnion an is muode,uuesan is magon hold, gadulinguon guoduuesen is geƀa mildi, friehan is friundo gihuena,endi scal is fiond haton, uuiđerstandan them mid striduendi mid starcu hugiu, uuerian uuiđar uurethon.Than seggiu ik iu te uuaron nu fullicor for theson folke,that gi iuuua fiond sculon minneon an iuuuon modeso samo so gi iuuua magas duat an guodes namon.Duot im guodes filo,togiat im hluttran hugi,holda treuua leoƀ uuiđar iro lethe.That is langsam rad manno gihuiliconso is muod te thiu giflihid uuidar is fionde.Than motun gi thia fruma egan that gi muotun hetanheƀancuninges suni, is blithi barn.Ni mugun gi iu beteran rad giuuinnan an thesaro uueroldi.Than seggiu ik iu te uuaron oc barno gihuilicon,that gi ni mugun mid gibolganu hugiu iuuues guodes uuihtte godes huson uualdande forgeƀan,that it im uuirđig si te antfahanne,so languo so thu fiondscipes uuiht ođron manneinuuid hugis.Er scalt thu thi simla gisuoneanuuiđ thena sacuualdand, gimuodi gimalon:sithor maht thu međmos thina ti them godes altere giƀan:than sind sia them guodon uuertha, heƀancuninge.Mer sculun gi after is huldi thionon, godes uuilleon fulganganthan ođra Iuđeon duan, ef gi uuilleat eganeuuan riki, sinliƀ sehan.Oc scal ik iu seggean noh huo it thar an them aldoneuue gibiudit, that enig erl athresidis ni bisuike, uuiƀ mid uuammu.Than seggiu ik iu te uuaron oc that thar mann is siuni mugunsuitho forledean an mirki menn,ef hie latid ina is muod spanan, that hie hit biginne thera gerneanthiu im gigangan ni scal.Than haƀit hie an im selƀon sansundea geuuarahta, giheftid an is hertenhelliuuiti.Ef thann thena man is siun uuliti uuilieftha is suiđra hand forledean is liđo huilican lethan uueg, than is erlo gihuemođer betera firiho barno,that hie ina fram uuerpe endi thena liđ loseaf is lichomon endi ina ano cumeup te himile, than hie so mid allonte them inferne huerƀe mid so helonan helligrund.Thann menit thiu lefhedthat enig liudeo ni scal forfolgan is friunde,ef hie ina an firina spanit, suas man an saca:than ni si hie im io so suitho an sibbean bilang, nec iro magscepi so mikil,ef hie ina an morth spenit, bedid baluuuerko;betera is im than ođer, that he thena friund fon imferr faruuerpe, mithe thes magesendi ni hebbie thar eniga minnea tuo, that hie muoti enouup gistigan ho himilriki,than sia hella githuing, bred balouuitibethia gisuokean, uƀil araƀeđi.
Chapter 18
Oc is an them euua giscriƀan uuaron uuordon,so gi uuitun alla, that mithe mennethosmancunneas gihuilic, ne forsuerie ina selƀon,huand that is sundea te mikil, forledit liudeo te filoan lethan uueg.Thann uuilliu ik iu eft seggeanthan san ni suerie nioman enigan ethstafeldibarno, ne bi himile them hohon,huand that is thes herren stuol, ne bi erthu thar undar,huand that is thes alouualdan fagar fuotscamil,nec enig firio barno ne suerie bi is selƀes hoƀde,huand hie ni mag thar ne suart ne huit enig harr giuuerkean,neuuan so it thie helago god gimarcoda magti.Bethiu sculun gi mithan filo erlos ethuuordo:so huie so it ofto duot, so uuirđit is simla uuirsa,huand hie im giuuardon ni mag.Bithiu scal ik iu nu te uuaronuuordon gibiodon, that gi nio ne sueransuithron ethos, merun mid mannon,neuan so ik iu mid minon hier suitho uuarlicouuordon gebiudu:Ef man huem saca suokie,hi seggie that uuara,queđe ia ef it si,gehe thes thar uuar ist,queđe nen ef it nist,late im genuog an thiu;so huat so is mer oƀar thatman gifrummiat, so cumit it al fan uƀileeldibarnon, that erl thuru untreuuaođres ni uuili uuordu giloƀean.Than seggiu ik iu te uuaren oc huo it thar an them aldoneuue gebiudit: so huie so ogun ginimitođres mannes, losit af is lichamen,eftha is lithio huilican, that hie it eft mid is selƀes scalsan angeldan mid gilicon lithon.Than uuilliu ik iu leran nu that gi so ni uuerkeanuuretha dadi, ac that gi thuru odmodiall githoloian uuities endi uuammes,so huat so man iu an thesaro uueroldi giduo.Duo allaro manno gihuilicadron manne fruma endi gifuori,so hie uuillie that im firio barn guodes angegin duon.Than uuirđit im god mildi liudio so huiliconso that lestean uuili.Erot gi arma man,deleat iuuuan oduuelon undar thero thurftigan thiod;ne ruokeat hueđer gi thes enigan thanc antfahan eftha lon an thesaro lehnun uueroldi,ac huggeat te iuuuon lieƀon herren thero giƀono te gelde,that sia iu god lono, mahtig mundboro,so huat so gi is thuru is minnea duat.Ef thu than geƀoian uuiliguodon mannon fagara fehoscattasthar thu thi eft frumono hugis merr antfahan,te hui haƀis thu thes eniga mieda fan gode eftha lon an theson is liohte?huand thit is lehni fehu.So ist thes alles gihuatso thu ođron giduos liudeon te lioƀe,thar thu thi hugis eft gilic neman thero uuordo endi thero uuerco:te hui uuet thi thes usa uualdand thanc, thes thu thin so bifilihisendi antfahis eft than thu uuili?Iuuan ođuuelon giƀat gi them mannonthe ina iu an thesaro uueroldi ne lononendi ruomot te iuuues uualdandesrikea.Te hlud ne duo thu it,than thu mid thinon handon bifelehes thina elimosina them armon manne,ac duo im thuru odmodian hugi gerno thuru godes thanc:than muosthu eft geld niman, suitho lioflic lonthar thu is lango bitharft, fagarero frumono.So huat so thu is so thuru ferehtan hugi darno gidelis,so is uson drohtina uuerth.Ne galpo thu for thinon geƀan te suithuo,nec enig gumono ni scal, that siu im thuru that idila hruomeft ni uuerthe lethlico farloran.Than thu scalt lon niman for godes ogonguodaro uuerco.Oc scal ik iu gibiodan,than gi uuelleat ti bedu hnigan endi uuelleat te iuuuon herrenhelpono biddean, that hie iu alatelethes thinges, thero sacono endi thero sundeathia gi iu selƀon hir uuretha giuuirkeat,that gi it than for ođron uuerodo ni duat:ni mareat it for menigi,that iu thes man ni loƀon, ni diurean thero dadi,that gi iuuues drohtines gibed thuru that idila hromall ni forliesan.Ac than gi uuellean te iuuuon herrenhelpono biddean, thiggean thiolico,thes iu is tharf mikil, that iu sigidrohtinsundeono tuomie, than duot gi that so darno:thoh uuet it iuuua drohtin self helag an himile,huand im nist biholen eouuiht ne uuordo ne uuerco.Hie latit it than all giuuerthan so so gi ina than biddeat,than gi te bedu hnigat mid hluttru hugiu.'Helithos stodun gumon umbi thena godes sunogerno suuitho uueros an uuilleon:uuas im thero uuordo niud,thahtun endi thagodun,uuas im tharf mikil that sia that eft gihugdinthat im that helage barn an thena formon sithfilo mid uuordon torohtes gitalda.Thuo sprac im eft en thero tuelifio angegin glauuaro gumonote them godes barne:
Chapter 19
'Herro thie guodo ' quathie,'us is thinera huldi tharf, te giuuirkeanne thinan uuilleonendi thinero uuordo so self, allero barno best,that thu us bedon leras iungron thina,so Iohannes duot diurlic doperidago gihuilikes is uuerod mid is uuordon,huo sia uualdand sculun guodan gruottean.Duo thina iungron so self:girihti us that giruni.'Thuo habda eft thie rikeo garo san aftar thiusuno drohtines guod uuord angegin:'Than gi god uuillean ' quathie, 'uueros mid iuuuan uuordonuualdand gruottean, allaro kuningo craftigoston,than quethat gi so ik iu leriu:Pater noster: "Fadar ist usafirio barno,thu bist an them hohenhimilo rikie.Giuuihid si thin namouuordu gihuilicu.Cume thincraftiga riki.Uuerthe thin uuilleooƀar thesa uuerold alla, so samo an erđuso thar uppe ist an them hohonhimilo rikie.Giƀ us dago gihuilices rad,drohtin thie guodo, thina helaga helpu,endi alat us, heƀanes uuard, managaro mennsculdio,all so uui ođron mannon duan.Ni lat us farledeanletha uuihti so forth an iro uuilleonso uui uuirdiga sind,ac hilp us uuiđar allonubilon dadeon."So sculun gi biddeanthan gi the bedu hnigat uueros mid iuuuon uuordon,that iu uualdand god lethes alatean liudcunne.Ef gi than uuelliat alatanliudeo gihuilicon thero sacono endi thero sundionothie sia uuid iu selƀon hier uuretha giuuirkeat,than alatit iu uualdand god, fader alomahtigfirinuuerc mikil, managero mennsculdeo.Ef iu than uuirdit iuuua muod te starc, that gi ni uuelliat ođronerlon alatan uuerom uuamdadi,thann ni uuil iu oc uualdand god grimuuerc forgeƀan,ac gi sculun is geld niman, suitho lethlic lonte langero huilo alles thes unrehtesthes gi ođron hier gilesteat an theson leohte,endi than uuiđ liudeo barn thea saca ne gisuoniat,er gi an thena sith faran uueros fan thesaro uueroldi.Oc scal ik iu te uuaron seggean, huo gi lestean sculunlera mina:Thann gi iuua fastunneafrummean uuellean, minson iuuua mendadi,thann ni duot gi that ti managon cuth,ac mithat is for ođron mannon:thoh uuet mahtig god, uualdand iuuuan uuilleon,thoh iu uuerod ođar, liudio barn ne loƀon.Hie gildiđ is iu lon after thiu iuuua helag faderan himilrikie thes gi im mid sulicon ođmuodieerlos thionot, so ferehtlico under theson folke.Ne uuelleat fihu uuinnan erlos an unreht,ac uuirkeat upp te gode mann after miedu:that is mera thing than man hier an erthuodag libbe, uueroldscattes giuuono.Ef gi uuelleat minon leron horean, thann ni samnođ gi hier sinc mikilsiluƀres ne goldes an thesaro middilgardmethomhordes, huand it rotot hier an roste,endi reginthieƀos forstelat, uurmi auuerdiat,uuirthit that giuuadi forslitan tegengit thie golduuelo.Lesteat iuuua guodun uuerc,samnođ iu an himilehorth that mera, fagara fehuscattos:that ni mag iu enig fiond beniman, neouuiht anuuendan,huand thie uuelo stendit garo iu tegegnes,so hues so gi guodes tharod an that himilrikihorđes gisamnođ helithos thuru iuuua handgeƀa,endi hebbeat tharod iuuuan hugi fasto; huand thar ist alloro manno gihuesmuodgithahti, hugi endi hertathar is horth ligit, sinc gisamnod.Nis gio so salig mann that mugi an thesaro bredun uueroldbethiu athengian, gie that hie an thesaro erthuodag libbie, an allon uueroldluston uuese,gie oc uualdand gode te thanke githiono:ac hie scal allaro thingo gihues simla ođer huederenn forlatan, eftha lusti thes lichameneftha lif euuig.Bithiu ni gornot gi umbi iuuua gigeruui,ac huggeat te gode fasto,ne mornot an iuuuan muode,huat gi eft an morgan sculin etan eftha drincaneftha an hebbean uueros te giuuadie:it uuet all uualdand god, hues thia bithurƀunthia im hier thienot uuel, folgot iro frahon uuilleon.Huat, gi that be theson fuglon mugun uuarlico undaruuitanthia hier an thesaro uueroldi sind, farat an feđerhamon:sia ni cunnun enig fihu uuinnan,thoh giƀiđ im drohtin goddago gihuilikes helpa uuidar hungre.Oc mugun gi an iuuuon hugi marcon uueros umbi iuuua giuuadi,huo thar uurti sind fagaro gifratohodthe hier an felde stat, berethlico gibloit:ni mohta thie burgo uuard, Salomon thie cuning,thie haƀda sinc mikil, methomhorđes mestthero thie gio man ehti, uuelono giuunnanendi allaro giuuadio cust: thoh ni mohta hie an is liƀa,thoh hie haƀdi alles theses landes giuuald, auuinnan sulic giuuadiso thiu uurt haƀit thiu hir an felde stetfagoro gigeruuit, lilli mid so lioƀlicu bluomen:ina uuadit thie landes uualdand her fan heƀanes uuange.Merr is im thoh umbi thit helitho cunni,liudi sind im leoƀrun mikilothie hie im an them lande giuuarahta uualdand an uuilleon sinan.Bithiu ne thurƀun gi umbi iuuua giuuadi sorgon,ne grornot gi umbi iuuua gigeruui te suitho:god uuilit is alles radan, helpan fan heƀanes uuange,ef gi uuelleat after is huldi thionon.Gerot gi simla erist thes godes rikies,endi than duot after them is guodun uuercon,ruomot gi rehtaro thingo:thann uuil iu thie rikeo drohtin geƀon mid allaro guodo gihuilikon,ef gi im thus fulgangan uuelleat so ic iu te uuaron hieruuordon seggiu.
Chapter 20
Ne sculun gi enigon manunrehtes uuiht, dereƀas adelean,huand thie duom eft cumiđ oƀar thena selƀon mann,thar it im te sorgon scal uuerthan them te uuitiethie hier mid is uuordon gisprikit unreht ođron.Nio that iuuuar enig ni dua gumono an theson gardongeldes eftha copes, that hie unreht gimetođron manne menful maco,huand it simbla muotian scal erlo gihuiliconsulic so hie it ođron giduot, so cumit it im eft tegegnesthar hie gerno ni uuili gisehan is sundiun.Oc scal ik iu seggean noh, huar gi iu uuardon sculunuuiti mesta, menuuerc manag:te hui scalt thu enigan mann besprekean, bruother thinan,that thu under is brauuon gisehes halm an is ogon,endi gihuggean ni uuili thena suaran balconthe thu an thinero siuni haƀis, hard trio endi heƀig.Lat thi that an thinan hugi fallan, huo thu thena erist aloseas:than sciniđ thi leoht beforan,ogun uuerthat thi giopanod;thann mahthu after thiu suases mannes giseonsithor gibuotean, gihelian an is hoƀde.So mag that an is hugi mera an thesaro middilgardmanno gihuilicon uuesan an thesaro uueroldithat hie hier uuammes giduot, than hie ahtoieođres mannes saca endi sundea,endi haƀit im selƀo mer firinuuerco gifrumid.Ef hie uuil is fruma lestian, than scal hie ina selƀon errsundiono tuomian, lethero uuerco loson:sithor mah hie mid is lerun uuerthan helithon te helpu,sithor hie ina hlutteran uuet, sundiono sicoran.Ne sculun gi suinon teforan iuuua merigriotun maconeftha methmo gistriuni, helag halsmeni,huand sia it an horo spurnat, suiliuuat it an sande:ne uuitun subres gisceth, fagarero fratoho.Sulic sind hier folc manag thia iuuua helag uuordhorean ni uuilliat, fulgangan godes lerun:ne uuitun guodes gisceth,ac sind im laria uuordlioƀara micilo, umbitherbi thingthanne thiodgodes uuerc endi uuilleo.Ni sind sia uuirđiga thann that sia gihorean iuuua helag uuord,ef sia is ni uuelliat an iro hugie thenkean, ni linon ne lestean.Them ni seggian gi iuuaro lerun uuiht, that gi thia spraka godesendi spell managa ne forliesat an them liudeonthe thar ne uuelleat giloƀean tuo, uuararo uuordo.Oc sculun gi iu uuardon filo listeon under theson liudeon,thar gi after theson lande farat, that iu thia luggiun ni muginlerand bisuikan ne mid uuordon ne mid uuercon.Sia cumat an sulicon giuuadeon te iu, fagaron fratohon,thoh hebbeat sia fegnian hugi;thia mugun gi san antkenneanso gi sia cuman gisehat:sia sprekat uuislic uuord,thoh iro uuerc ni dugin, thero thegno githahti.Huand gi uuitun that io an thornon ni sculun uuinberi uuesaneftha uuelen eouuiht, fagarero fruhteo,nec oc figun ni lesat helithos an hiopon.That mugun gi underhuggean uuel that iu thie uƀilo bomthar hie an erthu sted guodan uuastom ni giƀit,nec it oc god ni giscuop that thie guodo bomgumono barnon bari biteres uuiht,ac cumid fan allaro bomo gihuilicon sulic uuastom te thesaro uueroldiso im fan is uurtion gidregit, eftha bereht eftha bitter.That menit thoh briosthugi, managero muodsebonmanno cunneas, huo allaro erlo gihuilicogid selƀo, meldot mid is muthu,huilikan hie muod haƀit, hugi umbi is herta:thes ni mag hie forhelan giouuiht,ac cumit fan them uƀilon maninuuidradas, bittra balospraca,sulic so hie an is brioston haƀit giheftid umbi is herta.Simla is hugi cuthid, is uuilleon mid is uuordon,endi oc is uuerc after thiu.So cumit fon them guodon manglau anduurdi, uuislic fan is giuuittea,that hie simla mid is uuordu gisprikit man mid is muthusulic so hie an is mode haƀit hord umbi is herta.Thanan cumat thia helagun lera, suitho uunsam uuord,endi sculun is uuerc after thiu thioda githihan,thegnon managon uuerthan te uuillien,all so it uualdand self guodon mannon forgibit,god allmahtig, himilisc herro,huant sia ano is helpa ni mugun ne mid uuordon ne mid uuerconuuiht athengean guodes an theson gardon.Bithiu sculun gumono barn an is enes craftalla giloƀean.