Than uaas im Iohannesfan is iuguthedi auuahsan an enero uuostinniu;thar ni uuas uuerodes than mer neuuan that hie thar enkoroaluualdon gode thegan thienoda:farliet theodo gimang, manno gimenthon.Thar uuarth im mahtig cuman an thero uuostinniuuuord fan himile, godlic stemna godes,endi Iohanne gibod that hie Cristes cumiendi is craft mikil oƀar thesan middilgardmerean scoldi;hiet ina uuarlicouuordon seggean that uuari heƀanrikihelitho barnon an them landscepeliudeon ginahid, uuelono uunsamost.Im uuas thuo uuilleo mikil that hie fan solicon salđonseggean muosti.Giuuet im thuo ganganall so Iordan flot, uuatar an uuilleon,endi them uueroda allan dag after them landscepethem liudeon cutda, that sea mit fastunniufirinuuerc manag, iro selƀarosundea bottin, 'that gi uuerthan hrenia ' quathie.'Heƀanriki is ginahid manno barnun.Nu latat an iuuuon muodseƀon iuuuera selƀansundea hreuuan, lethes that gi an thieson liohte gifrumidun,endi minun leron horeat,uuendat after minon uuordon.Ik iu an uuatere scal gidopean diurlico,thoh ik iuuua dadi ni mugi iuuuero selƀarosundea alatan, that gi thuru min handgiuuerchlutra uuerthan letharo gilestio:ac thie is an thit leoht cuman mahtig ti mannonendi under iu middeon sted, – thoh gi ina selƀongisehan ni uuelleat –, thie iu dopan scalan iuuas drohtines namon an thena helagan gest:that is herro oƀar all:hie mag allero manno gihuenamengithahto, sundeono sicoron,so huena so so salig muot uuerthan an thesaro uueroldi,that thes uuilleon habit that hie so gilestieso hie theson liudeon uuili gibiodon barn godes.Ik biun an is gibodscepi herod an thesa uuerold cumanendi scal im thena uueg ruman, lerean thesa liudihuo sia sculun era giloƀon haldan thuru hlutteran hugi,endi that sea an hellea ni thurbin faran an fern that heta.Thes uuirđit so fagin an is muode man te so managero stundu,so huie so that men farlatit gerno thes gramon ambusni,so mag im thes guodon giuuirkean huldi heƀancuninges,so huie so haƀit hluttra treuua upp te them alomagtigon gode.'Erlos managa bi them leron thuoliudi uuandun uueros uuarlico,that that uualdand Crist selƀo uuari,huand hie so filo suothas gisprak, uuararo uuordo.Thuo uuart that so uuido cuth oƀar that fargeƀana landgumono gihuilicon, seggean an iro selđon:thuo quamun ina suokean tharod fan HierusalemIuđeo liudi, bodon fan thero burgiendi fragodun ef hie uuari that barn godes ' that hier lango iu ' quathun sea,'liudi sagdun uueros uuarlico,that hie scoldi an thesa uuerold cuman. 'Iohannes thuo gimaldaendi tigegnes sprak thiem bodon baldlico:'Ni biun ik ' quathie, 'that barn godes, uuar uualdand Crist,ac ik scal im thena uueg rumean herron minon.'Tha helithos frugnun thia thar an them arundierlos uuarun, bodon fan thero burgi:'Ef thu nu ni bist that barn godes, bist thu than thoh Elias,thie her an erdagon uuas under theson uueroda?Hie is uuisscumo eft an thesan middilgard.Sagi us huat thu manno sis!Bist thu enig therothi hier er uuari uuissaro uuarsagono?Huat sculun uui them uueroda fan thi seggean ti suothan?Nio hier er sulic ni uuarth an thesan middilgardman ođar cuman dadeon so mari.Behui thu hier dopisli frumis under theson folke,ef thu thero furisagono enhuilik ni bist?'Thuo haƀda eft garo Iohannes the godoglau anduurdi:'Ik biun forabodofrahon mines, lioƀes herron:ik scal thit land recon, thit uuord after is uuilleon.Ik habbiu fan is uuorde mid mi stranga stemna,thoh sea hier ni uuelle forstandan filo uuerodes an thesaro uuostinnia.Nu biun ik mid uuihtig gilik drohtine minon:hie is mid is dadeon so strang, so mari endi so mahtig:that uuirđit manogan cuth uueron after thesaro uueroldi,that ik thes uuirthig ni biun that ik muotig an is giscuohe,thoh ik si is scalc egan, an so rikeon drohtinethia riemon anbindan:so mikilu is hie betera than ik.Nis thes bodo gimaco enig oƀar erthu,ni nu after ni scal uuerthan an thesaro uueroldi.Hebbeat iuuan uuilleon tharod, liudi iuuan giloƀon:thann scal iu lango uuesan iuua hugi hruomig,that gi hellea githuing farlatat lethero drom,suokeat iu leoht godes, uppodas hem,euuig riki, hohan heƀanuuang.Ni latat iuuan hugi tuiflean! '
Chapter 12
So sprak thuo iung gumobi godes lerun mannon ti marđu.Manag samnoda thar ti Bethaniabarn Israheles;quamun thar ti Iohannesecuningo gisithos, liudi ti lerunendi iro giloƀon antfiengun.Hie dopida sia dago gihuilikesendi im iro dadi luog, uurethero uuilleon,endi loƀoda im uuord godes, herren sines:'Heƀanriki uuirđit ' quathie, garo gumono so huemso ti gode thenkit endi an thena heland uuilihluttro giloƀean, lestean is lera.'Thuo ni uuas lang ti thiu that him fan Galilea giuuetgodes egan barn, diurlic drohtines sunudopi suokean.Uuas im thuo an is uuastmeuualdandes barn all so hie mid thero thiedothritig haƀdi uuintro an is uueroldi.Thuo hie an is uuilleon quam thar Iohannesan Iordana strome allan langan dagliudi managa dopta diurlico.Reht so hie thuo is drohtin gisah, holdan herron,so uuarth im is hugi bliđi thes im thie uuillo gistuod,endi sprak im thuo mid is uuordon to suithuo guod gumoIohannes te Criste:'Nu cumis thu te minero dopi,drohtin fro min, thiedgumo best:so scolda ik te thinero duan, huand thu bist allero cuningo craftigost.'Crist selƀo gibod, uualdand uuarlico,that hie ni spraki thero uuordo than mer:'Uuest thu that us so girisit ' quathie,'allaro rehto gihuilik ti gifullanneforuuerdes nu an godes uuillon.'Iohannes stuod,dopta allan dagdruhtfolc mikil, uuerod an uuatereendi oc uualdan Crist, herren heƀancuninghandon sinon an allero batho them beston,endi im thar te bedu gihneg an kneo craftig.Crist up giuuet fagar fan them flodefriđubarn godes, liof liudeo uuard.So hie thuo that land ofstuop, so anthlidun thuo himiles duruendi quam the helago gest fan them aluualdanoƀona te Criste:– uuas im an gilicnesselungras fugles, diurlicaro dufun –,endi sat im uppan usses drohtines ahsla,uuonoda im oƀar them uualdandes barne.After quam thar uuord fan himile hlud fan them hohon radoreendi gruotta thena heland selƀon, Crist allaro cuningo beston,quat that hie ina gicoranan haƀdi selƀo fan sinon rikea,quat that im thie suno licode best allero giboranero manno,quat that hie im uuari allero barno leoƀost.That muosta Iohannes thuo,all so it guod uuelda, gisehan endi gihorean.Hie gideda it san after thiu mannon mari,that sia thar mahtina herron haƀdun:'That is ' quathie, 'heƀancuninges suno, en alouualdan:theses uuilleo ik urkundeo uuesan an thesaro uueroldi,huand it sagda mi uuord godes, drohtines stemna,thuo hie mi dopean hiet uueros an uuatere,so huar so ik gisauui uuarlico thena helagon gestfan heƀanuuange an thesan middilgardenigan man uuaron, cuman mid craftu,that, quat, scoldi Crist uuesan, diurlic drohtines suno.Hie dopean scal an thana helagan gestendi helean managa manno mendadi.Hie haƀit tha maht fan gode that hie alatan mahliudeo gihuilicon saca endi sundea.Thit selƀo Crist, godes egan barn,gumuno besta, friđu uuiđ fiondon.Uuela that iu thes mag frahmuod hugi uuesan an thesaro uueroldi,thes iu thie uuillo gestuod, that gi so libbeandithena landes uuard selƀon gisahun.Nu muot sniumo sundeono los manag gest faranan godes uuilleon tionon atomid,the mid treuuon uuili uuid is uuini uuirkeanendi an uualdan Crist fasto giloƀean.That scal te frumi uuerthan gumono so huiliconso that gerno duot. '
Chapter 13
So gifragn ik that Iohannes thuogumono gihuilicon loƀoda them liudeonlera Cristes herren sinesendi heƀanriki te giuuinnanne,uuelono than meston, salig sinlif.Thuo hie im selƀo giuuet after them dopisleadrohtin thie guodo an ena uuostinnea,uualdandes suno;uuas im thar an thero enodierlo drohtin langa huila;ni habda liudeo than mer seggeo te gisithon,all so hie im selƀo gicos:uuolda is thar latan costoncraftiga uuihti, selƀon Satanase,thie io an sundea spanit man an menuuerk:he consta is muodseƀon, uurethan uuilleon,huo hie thesa uuerold erist an them anginneirmintheoda bisuek midi sundeon,thuo hie thiu sinhiun tue Adam endi Euamthuru untreuua forledda mid is luginon,that liudeo barn aftar iro hinferdihellea suohtun, gumono gestas.Thuo uuelda that god mahtig uualdand uuendeanendi uuolda theson uueroda forgeƀan ho himilriki:bithiu hie herod helagna bodon, is suno sanda.That uuas Satanase tulgo harm an is hugie:aƀonsta heƀanrikeas manno cunnea:uuelda thuo mahtigna mid them selƀon saconsuno drohtines them the hie Adamean erdagon darnungo bidroh,that hie uuarth is drohtine leth, bisuek ina mid sundeon:so uuelda hie thuo selƀan duon suno drohtines helandan Crist.Than haƀda hie is hugi fasto uuiđ thena uuamscathonuualdandes barn herta so giherdid:uuelda heƀanriki liudeon gilestean.Uuas im thie landes uuard an fastunneafiortig nahto manno drohtin.So hie thar muoses ni anbet, than lang ni gidorstun imdernea uuihtig, niđhugdig fiondnahor gangan, gruotean ina geginuuardan:uuanda that hie god enfald farutar mancunnies uuihtmagtig uuari, helag himiles uuard.So hie ina thuo gihungran liet, that ina bigann bi thero menniskimuoses lustean after them fiuuartig dagon,thie fiond nahor gieng, mirki menscatho:uuanda that hie man enuuald uuari uuissungo,sprak im thuo mid is uuordon tuo,gruotta ina thie gerfiund:'Ef thu sis guodes suno ' quathie, 'bihui ni hetis thu thann uuerthan,ef thu giuuald haƀis, allaro barno best,brod of theson stenon?Giheli thinan hungar.'Thuo sprak im eft the helago Crist:'Ni mugun eldiu barn ' quathie,'enuualdes brodes liudi libbean,ac sea sculun thuru lera guodes uuesan an thesaro uueroldiendi sculun thiu uuerc frummean thiu thar uuerthat ahluditfan thero helagun tungun, fan them galme guodes:that is gumono lif liudeo so huiliconso that lestean uuili that fan uualdandesuuorde gibiudit. 'Thuo bigan eft niusonendi nahor gieng unhiuri fiondothar sithu,fandoda is frahon.That frithubarn tholoda uurethes uuilleon,endi im thia giuuald fargaf that hie umbi is craft mikilcoston muosta.Liet ina thuo ledeanthana liudscathon that hie ina an Hierusalemte them godes uuihe alles oƀanuuardanuppan gisetta an allaro huso hohost,endi hoscuuordon sprac thie gramo thuru gilp mikil:'Ef thu sis guodes suno ', quathie, 'scriđ thi te erthu hinan.Giscriƀan uuas it iu lango, an buokon giuuritan,huo gibodon haƀit is engilonalamahtig fader, that sia thi at uuigo gihuemuuardos sindun, haldat thi under iro handon.Huat, thu huergin ni tharft mid thinon fotonan felis bispurnan, an herdan sten.'Thuo sprak eft the helago Crist, allaro barno best:'So is oc an buokun giscriƀan ' quathie, 'that thu ti hardo ni scaltherren thines fandon thines frahon:that nis thi allaro frumono nigen. 'Liet ina thuo an thena thriddeon siththena thietscathon gibrengean uppan enon berage them hohon:thar ina thie baluuuiso liet al oƀarsehanirmintheoda, uunodsamna uuelonendi uueroldriki endi all sulic odasso thius ertha birid fagararo frumuno,endi sprac im thuo thie fiond angegin,quat that hie im that all so guodlicfargeƀan uueldi, hoha heriduomos,'ef thu uuili hnigan te mi, fallan te minon fuotonendi mi for frahon haƀis, bedos te minon barme.Than lato ik thi brukan uuell allas thieses oduuelonthes ik thi hebbiu giogid hier. 'Thuo ni uuelda thes lethon uuordlangron huila horean thie helago Crist,ac hie ina fon is huldi fordref,Satanase forsuep,endi san aftar sprak allaro barno best,quat that man bedon scoldi up te them alomahtigon godeendi im enen thionon suitho thiolicothegnos managa, helithos aftar is huldi:'Thar is thiu helpa gilang manno gihuilicon.'Thuo giuuet im thie mennscathuo suitho saragmuodSatanas thanan, fiund undar farndalu.Uuarth thar folc mikil fan them alouualdenoƀana te Criste godes engilo cuman,thia im sithor iungarduom scoldun ambahtscepiafter lestean, thionon thiolico:so scal man thiodgode, herren after is huldi,heƀancuninge.
Chapter 14
Uuas im an them sinuueldiesalig barn guodes langa huile,antthat im thuo lioƀera uuarth that hie is craft mikilcuthian uuelda uueroda te uuilleon.Thuo forliet hie uualdes hlea, enodeas ardendi suohta im eft erlo gimang, mari megintheodaendi manno drom,gieng im thuo bi Iordana stađe:thar ina Iohannes antfand that friđubarn godes,frahon sinan, heƀancuning,endi them helithon sagda Iohannes is iuugron,tho hie ina gangan gisah:'Thit is that lamb godesthat thar losean scal af thesaro uuidun uuerolduuretha sundea, mancunnies men,mari drohtin, cuningo craftigost.'Crist im forth giuuet an Galileo landgodes egan barn:fuor im te them friundunthar hie afuodid uuas, tirlico atogan,endi talda mid uuordon Crist undar is cunnea,cuningo rikost, huo sea scoldin iro selƀorosundea buotean,hiet that sea im iro harmuuerk managhreuuan lietin, feldin iro firindadi:'Nu is it all gifullid so so hir alda maner huanne sprakun, gihietun iu te helpuheƀanriki:nu is it iu ginahid thuru thes neriendien craft:thes muotun gi nietan forth so huie so gerno uuiligode thionoian, uuirkean after is uuilleon.'Thuo uuarth thes uuerodas so filo thero liudo an luston:uurthun im thia lera Cristes so suotea them gisithie.Hie bigan im samnon thuo gumon te iugronguodara manno uuordspaha uueros.Gieng im thuo bi enes uuateres stađe thar thie haƀda Iordanan eƀan Galileo land enna seo giuuarahtan.Thar hie sittean fand Andrease endi Petrusebi them ahastrome bethia thia gibruođer,thar sia an bred uuatar suithuo niudliconetti thenidun, fiscodun im an them fluode.Thar sea that frithubarn godes bi thes seuues stađeselƀo gigruotta,hiet that sea im folgodin,quat that hie im so filo uueldi godes rikeas fargeƀan:'al so git her an Iordanastrome fiscos gifahađ,so sculon git noh firio barn halon te incon handon,that sea an heƀanriki thuru inca leralithan muotin, faran folc manag.'Thuo uuart fraomuod hugi bithion them gibruotron:antkendun that barn godes, lioƀan herron:farlietan all samod Andreas endi Petrusso huat so sea bi thero aho haƀdun giuunnanes bi them uuatare:uuas im uuillo mikil that sea mid them godes barnagangan muostin samad an is gisithie:scoldun saliglico lon antfahan:so duot liudeo so huilic so thes herren uuilihuldi githienon, giuuerkean is uillon.Thuo sia bi thes uuateres stađe furthor quamun,thuo fundon sia thar enna fruodan man sittean bi them seuueendi is suni tuena, Iacobe endi Iohannese:uuarun im iunga man.Satun im thia gisunfaderan enon sande uppan,brugdun endi buottunbithion handon thiu netti niudlicothiu sia haƀdun nahtes er forslitan an them seuue.Thar sprak im selƀo tuo salig barn godes,hiet that sia an thena sith mid im Iacob endi Iohannesgiengin bethia, kindiunga man.Thuo uuarun im Cristas uuord so giuuirđiga an thesaro uueroldi,that sia bi thes uuatares stađe iro aldan faderenna farlietan frodan bi them fluodeendi all that sea thar fehes ehtun, netti endi neglidscipu,gicurun im thena neriendan Crist helagna te herren:uuas im is huldi helpono tharf te githiononne:so is allaro thegno gihuem uuero an thesaro uueroldi.Thuo giuuet im thie uualdandes suno mid thiem fiuuarun forth,endi im thuo thena fiftan gicos Crist an enaro copstedi,cuninges iungron, muodspahna man:Matheus uuas hie hetan,uuas im ambahteoeđilero manno:scolda thar te is herrenhandan antfahan tins endi tolna;treuua habda hie guoda, adalantbari:forliet all samod gold endi silufarendi giba managa, diurea medmos,endi uuart im uses drohtines man:cos im thie cuninges manCrist te herren, melderon methomgiƀonthan er is mandrohtin uuari an thesaro uueroldi:fieng im uuothera thing, langsamoran rad.Thuo uuarth it allon them liudeon cut fan allaro burgio gihuem,huo that barn godes samnoda gisithosendi selbo gisprak so manah uuislic uuordendi uuares so filo torohtas gitogdaendi tecan manag giuuarahta an thesaro uueroldi.Uuas that an is uuordon scin iac an is dadeon so samothat hie drohtin uuas, himilisk herroendi te helpu quam an thesan middilgardmanno barnon, liudeon te theson liohte.Oft gideda hie that an them lande scin, than he thar torohlic so managtekean giuuarahta, thar hie helda mid is handonhalta endi blindan, losda af thero lefhediliudi managa af sulicon suhteonso than allaro suarostun an firio barnfiund biuurpunn, tulgo lansam legar.
Chapter 15
Thuo fuorun thar thia liudi tuo allaro dago gihuilikesthar usa drohtin uuas selƀo under them gisithie,antat thar gisamnod uuarth meginfolc mikilmanagero theodo, thoh sia thar alla gilicogeluƀa ni quamin uueros thuru enan uilleon:Suma suohtun sia that uualdandes barn armero manno filo– uuas im thar ates tharf –, that sia im thar an thero menigimetes endi drankes thigidin an thero theodo;huand thar uuas manag thegan so guod, thia ira alamuosnaarmon mannon gerno geƀun.Suma uuarun sia im eft Iuđeono cunneas, fekni folcscepi:uuarun im thar gifarana te thiu that sia uses drohtinesdadeo endi uuordo faran uuoldun,haƀdun im feknean hugi, uurethan uuilleon:uuoldun uualdan Crist alethian them liudiun,that sia is lerun ni hordin, ne uuendin after is uuillien.Suma uuarun sia im eft so uuisa mann,uuarun im glauua gumonendi gode uuertha, alesana under them liudeon:quamun im tharod bi thiem leron Cristes, that sia is helag uuordhorean muostin, linon endi lestian:haƀdun mid iro giloƀon te im fasto bifangan,habdun im ferahtan hugi,uurđun is thegnos te thiuthat hie sia an thioduuelon after iro enndagonupp gibrahtig an godes rikie.Hie so gerno antfieng mancunnes managendi mundburd gihet te langero huilo,endi hie mohta so gilestian uuell.Thuo uuarth thar megin so mikilumbi thana marean Crist liudo gisamnod:thuo gisah hie fan allon landon cuman fan allon uuidon uuegonuuerod tesamne lungro liudio:is lof uuas so uuido managon gimarid.Thuo giuuet im mahtig self an enna berg uppanbarno rikeost sundar gisittean,endi im selƀo gicos tueliui gitalda,treuhafta man, guodaro gumono,thia hie im te iugron forth allaro dago gihuilicesdrohtin uuolda an is gisidscipiesimblon hebbian.Nemnida sia thuo bi namanendi hiet sia nahor gangan, Andrease endi Petruseerist sane, gibruother tuena,endi bethie mid im Iacobe endi Iohannese:sia uuarun gode lioƀa;mildi uuas hie im an is mode;sia uuarun enes mannes suni bethia bi giburdeon;sia gicos that barn guodes guoda te iungronendi gumono filo, marero manno:Matheuse endi Thomase, Iudasos tuenaendi Iacobe andran, is selƀes suiri:sia uuarun fan gisustruonion tuen knuosles cumana,Crist endi Iacob, guoda gadolingas.Thuo haƀda thero gumono thar thie neriendo Cristniguni gitalda, treuhafta man:thuo hiet hie oc thena tehandon gangan selƀon mid them gisithon:Simon uuas hie hetan;hiet oc Bartholomeusean thena berg uppan faran fan them folke ođron,endi Philippuse mid im, treuhafta man.Thuo gengun sia tuelifi samod rincos te thero runu,thar thie radand sat managero mundboro,thie allon mancunnie uuid hella githuinghelpan uuelda, formon uuiđ them ferne,so huem so frummean uuili so leoblica leraso hie them liudun thar thuru is giuuit mikiluuesan hogda.