Habda im thie engil godesal giuuisid torohtan teknon,that sea tuo im selƀon to them godes barnegangan mahtun, endi fundun sanfolco drohtin, liudo herron.Sagdun thuo lof gode, uualdande mid iro uuordunendi uuido cuthdun oƀar thea berehtun burg,huilic im thar bilithi uuarth fan heƀanuuangehelag gitogid fagor an felde.That fri all biheld an iro hugisceftionhelag thiorno, thiu magat an iru muode,so huat so siu gihorda thia man sprecan.Fodda ina thuo fagarofrio sconiosta, thiu muodor thuru minneamanagero drohtin, helag himilisc barn.Helithos gispracun an them ahtođen dageerlos managa, suitho glauua gumonmid thero godes thiornun, that hie Heland te namenhebbean scoldi, so it thie godes engilGabriel gisprac uuarun uuordunendi thiem uuiƀa gibod bodo drohtines,thuo siu erist that barn antfieng uuanom te thesaro uueroldi.Uuas iru uuilleo mikel that siu ina so helaglicohaldan muosti,fullgieng im thuo so gerno.That iar furthor scređ, antthat that friđubarn godesfiuuartig haƀda dago endi nahto.Thuo scoldun sea thar ena dad frummean, that sia ina te Hierusalemforgeƀan scoldun uualdande te them uuihe.Thuo uuas iro uuisa thann, thero liudo landsido,that that ni muosta farlatan nigen idis under Ebreon,ef iru odan uuarth suno afuodid,ne siu ina simla tharod te them godes uuiheforgeƀan scolda.Giuuitun im thuo thiu guoden tue,Ioseph endi Maria bethiu fan Bethleem:habdun that barn mid im, helagna Crist,suohtun im hus godes an Hierusalem:thar scoldun sea is geld frummean uualdande an them uuihe,uuisa lestian Iudeo folcas.Thar fundun sia enna guodon man aldan an them alahe,ađalboranan, thie haƀda an them uuihe so filouuintro endi sumaro gilibd an them leohta:oft uuarahta hie thar lof gode mid hluttro hugiu;haƀda im helagna gest, saligan seƀon;Simeon uuas hie hetan.Im haƀda giuuisiduualdandes craft langa huila,that hie ni muosta er thit lioht ageƀan, uuendian af thesaro uueroldi,er than im thie uuillo gistuodi that hie selƀon Cristgisehan muosti, helagna heƀancuning.Thuo uuarth im is hugi suitho blithi an is brioston,thuo hie gisah that barn godes cuman an thena uuih innan.Thuo sagda hie uualdande thanc, almahtigen gode,thes hie ina mid is ogan gisah.Gieng im thuo tegegnesendi ina gerno anfieng ald mid is armon:all antkenda bocan endi bilithiendi oc that barn godes, helagna heƀancuning.'Nu ik thi hier scal ' quathie, 'gerno biddean,nu ik sus gigamolod bion, that thu thinan holdan scalcnu hinan huerƀan lates, an thinan friđu uuaron faran,thar er mina furthron dedun, uueros fan thesaro uueroldi,nu mi thie uuilleo gistuod, dago lioƀosta,that ik minan drohtin gisah, holdan herron,so mi gihetan uuas langa huila.Thu bist lioht mikil allon elithiodon,tha er thes alouualden craft ni antkendun.Thina cumi sindun te duome endi te diurthun,drohtin fro min, auaron Israeles,egenon folca, thinon lioƀon liodun.'Listion telda thuo thie alldo man an them alaheidis thero guodun,sagda suothlico,huo iro suno scolda oƀar thesan middilgardmanagon uuerthan sumon te falle,sumon te fruoƀro firio barnon, them liudeon te lioƀethia is lerun gihordin endi them te harmathia horian ni uueldin Cristas lerun.'Thu scalt noh ' quathie, 'kara thiggean, harm on thinon herten,thann ina helitho barn uuapnon uuitnot.That uuirđit thi uuerk mikil, thrim te githolonne.'Thiu thierna all forstuod uuises mannes uuord.Thuo quam thar oc en uuiƀ gangan ald innan them alaha:Anna uuas siu hetan, dohter Fanueles;siu haƀda iro drohtine uuel githienod te thanke,uuas iru githuungan uuib.Siu muosta after ira magathedi,sithor siu mannes uuarth erlas an ehtieđili thiorna, so muosta siu mid iro brudigumenbodlu giuualdan siƀun uuinter saman.Thuo gifragen ik that iro thar sorga gistuod, that sia thiu mikila mahtmetođes tedelda, uureth uurđigiscapu.Thuo uuas siu uuidua after thiu at them friđuuuihefiuuar endi ahtoda uuintro an iro uueroldi,so siu nio thena uuih ni farlet, ac siu thar iru drohtinedages endi nahtes gode thionoda.Siu quam thar oc gangan tuo an thia selƀun tid:san ankenda that helaga barn godesendi them helithon cuthda, them uuerode after them uuiheuuilspel mikil,quat that im neriendas ginistginahid uuari helpa heƀancuninges:'Nu ist thie helago Crist, uualdand selƀoan thesan uuih cuman to alosannea thia liudethie hier nu lango bidun an thesaro middilgardmanaga huila thurftig theoda,so nu thes thinges mugun mendean mancunni. '
Chapter 7
Manag fagonoda uuerod aftar them uuihe:gihordun uuilspel mikil fan gode seggian.That geld habda thuo gilestid thiu idis an them alaha,al so it im an iro euue gibod endi an thero berehtun burgbuoki giuuisdun, helagero handgiuuerc.Giuuitun im thuo te hus thanan fan HierusalemIoseph endi Maria, helag hiuuiski:haƀdun im heƀankuning simla te gisithe,sunu drohtines, managero mundboron,so it gio mari ni uuarth than uuidor an thesaro uueroldi,neuan so is uuilleo gieng, heƀancuninges hugi:thoh thar than huilik helag man Crist antkendi,thoh ni uuarth it gio te thes kuninges hoƀa them mannon gemaridthe im an iro muodseƀon holda ni uuarun,ac uuas im so bihaldan forth mid uuordon endi mid uuercon,antthat thar uueros ostan suitho glauua gumongangan quamun threa te thero thiodo,thegnos snella an langan uuegoƀar that land tharod:folgodun enun berehton bokneendi sohtun that barn godes mid hluttru hugiu:uuoldun im hnigan tuo, gehan im te iungron:driƀun im godes giscapu.Thuo sea Erodesan tharrikkian fundun an is seli sittean,sliđuuardan cuning, muodagna mid is mannon:– simla uuas hie muodes gern –, tho queddon sia ina kuscoan cuninguuisu fagaro an is flettea,endi hie fragoda san huilic sia arundiute brahti uueros an thena uuracsiđ:'Hueder ledeat gi uundan gold te geƀu huilicon gumono?te hui gi sus an gange cumat gifaran an fathie?Huat, gi nethuanan ferran sind erlos fan ođron theodon.Ik gisiho that gi sind ediligiburdion cunnies fan cnuosle guodon:nio hier er sulica cumana ni uurđun eri fon ođron thiodon,sithor ik muosta thieses erlo folcas giuualdan theses uuidon rikeas.Gi sculon mi te uuarun seggian far theson liudeo folca,bihui gi sin te theson lande cuman. 'Thuo spracun im eft tegegnesgumon ostronea, uuordspaha uueros:'Uui thi te uuarun mugun ' quathun sia, 'usa arundiotho gitellian, giseggian suothlico,bihui uui quamun an thesan sit herod fan ostan te thesaro erthu.Iu uuarun thar ađales man, godsprekea gumon,thia us guodes so filo, helpa gihetunfan heƀancuninge uuarun uuordon.Than uuas thar en giuuittig man, fruod endi filouuis– furn uuas that iu –, usa aldro ostar hinan.Thar ni uuarth sithor enig man spracono so spahi:hie mohte rekkean spel godes, huand im haƀda forliuuanliudo herro, that hie muohta fan erthuupp gihorean uualdandes uuord:bithiu uuas is giuuit mikil, thes thegnes githahti.Thuo hie thanan scolda, ageƀan gardos,gadulingo gimang, farlaten liudeo drom,suokean leoht ođar, thuo hie im is iungron hetgangan nahor erƀiuuardos,endi is erlon thuo sagda suotlico:– that all sithor quam,giuuarth an thesaro uueroldi –:thuo sagda hie that hier scoldi cuman en uuiscuning mari endi mahtigan thesan middilgard thes beston giburdeas;quat that hie scoldi uuesan barn godes,quat that hie thesaro uueroldiuualdan scoldi gio te euuondage,erthun endi himiles.Hie quat that an them selƀon dagethe ina saligna an thesan middilgardmuoder gidruogi, so quat he that ostanaen scoldi scinan himiltungal huit,sulik so uui hier ni habdin er under tuisc erthu endi himilođar huergin, ne sulik barn ne sulik bocon.Hiet that thar ti bedu forin thria man fan thero theodo,hiet sia thenkean uuel huann er sea gisauuin ostanaupp sithion that godes bocan gangan,hiet sia geruuean san,hiet that uui im folgodin,so it furi uurthi, uuester oƀar thesa uueroldi.Nu is it all giuuarod so, cuman thuru craft godes:Thie cuning ist gifuodid, giboran bald endi strang:uui gisahun is bocon scinan hedro fan himilas tunglon,so ik uuet that it helag drohtin marcoda mahtig selƀo.Uui gisahun morgano gihuilikes blikan thena berehton sterron,endi uui gengun after them bocne herod uuegos endi uualdos huuilon.Uuari us that allero uuilliono mesta that uui ina selƀan gisauuin,uuissin huar uui ina selƀon suokean scoldin thena cuning under theson kesurdome.Sagi us, under huilicon hie si thesaro cunnio afuodid. 'Thuo uuarth Erodaseinnan brioston harm uuiđ herta:bigan im is hugi uuallan, seƀo mid sorgon:gihorđa seggean thuo that hie thar oƀarhoƀdeonegan scolda, craftigron cuningcunneas guodes, saligron under them gisithie.Thuo hie samnon hiet so huat so an Hierusalemguodara manno allero spahostonspracono uuarun endi an iro briostonbuokcraftes mest uuissun te uuaren,endi hie sia mid is uuorđon fragn suitho niudliconiđhugdig mann, cuning thero liudo,huar Crist giboran an uueroldrikeauuerthan scoldi, friđugomono best.Thuo sprac im eft that folk angegin, that uuerod uuarlico,quathun that sia uuissin garoo that hie scoldi an Bethleem giboran uuerthan:'So is an usson buokon giscriƀan, uuislico giuuritan,so it uuarsagon, suitho glauua gumonbi godes crafte filouuiso mannfurn gispracun, that scoldi fan Bethleemburgo hirdi, liof landes uuardan thit leoht cuman, riki radgeƀo,thie rihtian scal Iudeono gumscepiendi uuesan is geƀa mildi obar middilgardmanagan thiodon. '
Chapter 8
Thuo gifragn ik that san after thiusliđmuod cuning thero uuarsagono uuordthem uurekkean sagda, the thar an elilendierlos uuarun ferran gifarana,endi hie fragoda aftar thiu huan sia an osteruuegonerist gisahin thena cuningsterron cuman,cumbal leohtan hedro fan himile.Sia ni uueldun es im thuo helan eouuiht,ac sagdun it im suotlico.Thuo hiet hie sia an thena sith faran,hiet that sia iro arundiall underfundin umbi thes kindes cumi,endi thie cuning selƀo gibod suitho hardlicoherro Iuđeono them uuison mannon,er than sia fuorin uuester forth, that sia im eft gicuthdinhuar hie thena cuning scoldi suokean at is selđon;quat that hie thar uueldi mid is gisithon tuo, bedon te than barne.Than hogda hie im ti banen uuerthan uuapnes eggeon.Than eft uualdand god thahta uuid them thinge,endi mohta githenkean mer, gilestian an theson liohte:that is noh lango scin, gicuthid craft godes.Thuo gengun eft thiu kumbal forth uuanum under thiu uuolcan.Thuo uuarun thia uuisun man fusa ti faranne:giuuitun im eft forth thanan balda an bodscepi:uueldun that barn godes selƀan suokean.Sea ni haƀdun thanan gisithes mer, neuan that sea thria uuarun:uuissun im thingo gisceđ,uuarun im glauua guomon,the thea gifa leddun.Than saon sia so uuislicounder thena uuolcnes sceon upp ti them hohon himile,huo fuorun thea huitun sterron:antkendun sea thiu kumbal godes,tha uuarun thuru Crist herod giuuaraht te thesaro uueroldi.Thia uueros after gengun,folgodun farahtlico– sia frumida thie mahta – anthat sia thuo gisahonsithuuoriga mann bereht bocan godesblek an himile stille gistandan.Thie steorra liohta scen huit oƀar them husethar that helaga barn uuonoda an uuilleonendi ina that uuiƀ biheld, thiu thiorna githiudo.Thuo uuarth thero thegno hugi blithi an iro brioston:bi them bocne forstuodun that sia that friđubarn godesfundan habdun, helagna heƀancuning.Thuo sia an that hus innan mid iro geƀon gengungumon ostronia, sithuuoriga mann:san antkendun thia uueros uualdand Crist.Thia uurekkeon fellun ti them kinda an kneobedaendi ina an cuninguuisu guodan gruottunendi im tha geƀa druogun, gold endi uuihrocbi godes teknon endi mirra thar midi.Thia man stuodun garoa, holda furi iru herren,tha it mid iro handon san fagaro antfengun.Thuo giuuitun im tha ferehtun mann, seggi te selđonsithuuoraga, gumon an gastseli.Thar im godes engil slapandion an nahtsueƀan gitogda,gidruog im an drome,all so it drohtin self, uualdand uuelda,that im thuhta that man im mid uuordon gibudi that sea im thanan ođran uuegerlos fuorin, lithuodin sea te landeendi thena lethan man, Erodosaneft ni suohtin, muodagna cuning.Thuo uuarth morgan cuman uuanum te thesaro uueroldi.Thuo bigunnon thia uuisun man seggian iro suefnos:selƀon ankendun uualdandes uuord,huant sea giuuith mikil barun an iro brioston:badun aluualdon, heran heƀancuning,that sea muostin is huldi forth giuuirkian is uuilleon,quathun that sea te im haƀdin giuuendit hugi endi iro muod morgan gihuem.Thuo forun eft thia man thanan, erlos ostronia,all so im thie engil godes uuordon giuuisda:namun im uueg ođran,fulgengun godes lerun:ni uueldun them Iuđeono cuninga umbi thes barnes giburdbodon ostronia, sithuuoriga manseggean giouuiht,ac uendun im eft an iro uuilleon.
Chapter 9
Thuo uuarth san after thiu uualdandes, godes engil cumanIosepe te spracun,sagda im an suefnaslapandion on naht bodo drohtines,that that barn godes sliđmuod cuningsuokean uuolda, ahtean is aldres:'Nu scalt thu ina an Egypto land aledeanendi under them liudion uuesan mid thiu godes barnuendi mid thero guodun thiornun, uuonon under them uuerode,antthat thi uuord cume herren thines,that thu that helage barn eft te theson landscepiledian muotis, drohtin thinan.'Thuo fan them droma antsprang Ioseph an is gastselie,endi that godes gibod san ankenda:giuuet im an thena sith thanan thie thegan mid thero thiornun,suohta im thiod ođra oƀar bredan berg:uualda that barn godes fiendan antfuorian.Thuo gifrang after thiu Erodes the cuning,thar hie an is rikie sat, that uuarun thia uuisun manuuestan gihuorƀan ostar an iro vođilendi fuorun im ođran uueg:uuissa that sia im that arundieft ni uueldun seggian an is selđon.Thuo uuas im thes an sorgun hugi, muod mornondi,quat that it im thia man dedin helithos te hondon.Thuo hie so hriuuig sat, balg ina an is brioston,quat that hie is mohti beteran rad, ođran githenkean:'Nu ik is aldar kan, uuet is uuintro gitalu:nu ik giuuinnan mag that hie io oƀar thesaro erthuald ni uuirdit, herr undar theson heriscipi.'Thuo hie so hardo gibod Erodes oƀar is riki,het thuo is rincos faran cuning thero liudo,het that sea kindo so filo thuru iro handmeginhobdu binamin so manag barn umbi Bethleemso filo so thar giboran uurđi an tuem iaron gitogen.Tionon frumidun thes cuninges gisithos.Thuo scolda thar so manag kindisc man sueltan sundeono los.Ni uuarth siđ noh err iamorlicra forgangiungero manno, armlicro dot.Idisi uuiopun, muoder managa,gisahun iro megi spildean:ni mohta siu im nio giformon,thoh siu mid iro fađmon tuem iru egan barnaraman bifengi, liof endi luttil,thoh scolda it simblon that lif ageƀan the magu furi thero muoder.Menes ni saun, uuities thia uuamscathon:uuapnes eggion fremidun firinuuerc mikil.Fellun managa maguiunga man.Tha muoder uuiepun kindiungero qualm.Kara uuas an Bethleem, hofno hludost:thoh man im iro hertun an tue sniđi midi suerdu,thoh ni mahta im io serora dad uuerđan an thesaro uueroldiuuiƀon managon, brudion an Bethleem:gisahun iro barn biforan, kindiunga manqualmu sueltan blodaga an iru barmon.Thea banon uuitnodun unsculdiga scola:ne bescriƀun giouuiht thia man umbi menuuerc:uueldun mahtina Crist selƀon aquellean.Than haƀda ina craftig god ginerid uuiđ iro nithe,that ina nahtes thanan an Egypto landerlos aleddun, gumon midi Iosepean thena gruoneon uuang, an erthono bestun,thar enn aha fliutid, Nilstrom mikilnorth te seuue, flodo fagorosta.Thar that friđubarn godes uunoda an uuilleon,antthat uurth farnam Erodase thena cuning,that hie farliet eldeo barn, muodag manno drom.Thuo scolda thero marca giuuald egan is erƀiuuard:the uuas Archelaus hetan, heritogohelmberandero:thie scolda umbi HierusalemIuđeono folkes, uuerodas giuualdan.Thuo uuarth uuord cuman thar an Egypteeđileon manne, that thar te Iosepeguodes engil sprak, bodo drohtines,hiet ina eft that barn thanan ledean te lande:'Nu haƀit thit leoht ageƀan ' quathie, 'Herodes se cuning:hie uuelda is ahtean iu, freson is ferahes.Nu mahtu an friđu ledean that kind undar iuua kunni,nu thie cuning ni leƀot, erl oƀarmuodi.'All ankenda Ioseph godes tecan:geruuida ina sniumo thie thegan mid thero thiornun,thuo sia thanan uuoldun bethiu mid thiu barnu:lestun thiu berehtun giscapu, uualdandes uuilleon,all so hie imo err mid is uuordon gibod.
Chapter 10
Giuuitun im thuo eft an Galileo landIoseph endi Maria, helag hiuuiskiheƀancuninges,uuarun im an Nazarethburg.Thar thie neriendeo Crist uuohs under them uueroda,uuas giuuitteas full,an uuas im anst godes,hie uuas allon liof muodermagon:hie ni uuas ođrum mannon gilic, thie gumo an sinero guodi.Thuo hie iartalu tueliui habda,thuo uuarth thiu tid cuman, that thar te IerusalemIuđeo liudi iro thiodgodethionun scoldun, uuirkean is uuillon.Thuo uuarth thar an thena uuih innan thar te HierusalemIuđeono gisamnod mancraft mikil.Thar Maria uuas self an gisitheendi iro suno haƀda, godes egan barn.Thuo sia that geld haƀdun erlos an them alaha,so it an iro euua gibod, gilestid te iro landuuisun,thuo fuorun im eft thie liudi thanan, uueros an iro uuilleon,endi thar an them uuihe afstuod mahtig barn godes,so ina thiu muodor thar ne uuissa te uuarun;ac siu uuanda that hie mit them uuerode forth fuori mid iro friundon.Gifragn after thiu eft an ođron dageađalcunnes uuib, salig thiorna,that hie under them gisithe ni uuas.Uuarth Mariun thuomuod an sorgon, hriuuig umbi iru herta,thuo siu that helaga barn ni fand under them folca:filo grornoda thiu godes thiorna:giuuitun im thuo eft te Hierusalem iro suno suokean:fundun ina sittean thar an them uuihe innan,thar thea uuisun man, suitho glauua gumonbi godes euua lesun endi linodun,huo sia lof scoldin uuirkean mid iro uuordunthem thie thesa uuerold giscop.Thar sat undar middeonmagti barn godes, Crist alauualdo,so is thia ni mohtun ankennean uuiht thia thes uuihes tharuuardon scoldun,endi fragoda seafiriuuitlico uuisaro uuordo.Sia uundrodun alla, huo io so kindisc mansulica quidi mohtig gimahlean mid is muđu.Thar ina thiu modor fand sittean under them gisithon,endi iro suno gruotta uuisan under them uuerode:sprac im thuo mid iro uuordon tuo:'Hui uueldas thu thinera muodor,manno lioƀosta, gisiđon succa soraga,that ic thic so seragmuod, idis armhugdigescan scolda under thieson burgliudeon?'Thuo sprac iro eft that barn angegin uuison uuordon:'Huat, thu uuest garo that ic thar girisuthar ik be rehton scal uunon an uilleon,thar giuuald haƀit min mahtig fader.'Thia man ni farstuodun, thia uueros an them uuihe,behui hie so that uuord gisprak, gimenda mid is muthu:Maria all biheld,gibarg an iro briostunso huat so siu gihorda iro barn sprekan uuisara uuordo.Giuuitun im thuo eft thanan fon HierusalemIoseph endi Maria,haƀdun im te gisithesuno drohtines, allero barno bestthero the gio gibaranero uurđi magu fan muoder:haƀdun im thar minnea tuo thuru hluttran hugi,endi hie so gihorig uuas godes egan barngadulingmagun thuru is odmuodialdron sinan:ni uuolda an is kindiski thuo nohis craft mikil mannon marean,that hie sulic megin ehta, giuuald an thesaro uueroldi,ac hie im an is uuilleon bed githiudo under thero theodothritig iaro, er than hie thar tekean enigtogian uueldi, seggean them gisitheathat hie selƀo uuas an thesaro middilgardmanno drohtin.Haƀda im so biholanhelag barn godes uuord endi uuisdomendi allero giuuitteo mest, tulgo spahan hugi:ni mohta is an is sprakun man uuerthan an is uuordon giuuarothat hie sulic giuuit ehta, thie thegan sulica githahti,ac hie im so githiudo bed torohtero tegno.Ni uuas noh than thiu tid cuman that hie ina oƀar thesan middilgardmarean scoldi, lerean thea liudi,huo sia scoldin iro giloƀon haldan, uuirkean uuilleon godes.Uuissun that thoh managa liudi after them lande,that hie uuas an thit lioht cuman, thoh sie ina cuthlicoankennean ni mahtin, er than hie ina selboseggean uuelda.